Первое послание апостола Павла к Коринфянам, глава 12

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Рус. (еп. Кассиан) Беларускi Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 12
12:1	О духовных же, братие, не хощу вас не ведети.
12:2 См.: 🔗Еф. 2:12	Весте, яко егда неверни бесте, ко идолом безгласным яко ведоми ведостеся.
12:3 См.: 🔗Мф. 16:17 🔗Мк. 9:39 🔗Флп. 2:11	Темже сказую вам, яко никтоже, Духом Божиим глаголяй, речет анафема Иисуса, и никтоже может рещи Господа Иисуса, точию Духом Святым.
12:4 См.: 🔗Еф. 4:11	Разделения же дарований суть, а тойжде Дух:
12:5	и разделения служений суть, а тойжде Господь:
12:6	и разделения действ суть, а тойжде есть Бог, действуяй вся во всех.
12:7 См.: 🔗Мф. 25:15	Комуждо же дается явление Духа на пользу:
12:8	овому бо Духом дается слово премудрости, иному же слово разума, о томже Дусе:
12:9 См.: 🔗Мк. 16:17	другому же вера, темже Духом: иному же дарования исцелений, о томже Дусе:
12:10 См.: 🔗Деян. 2:4	другому же действия сил, иному же пророчество, другому же разсуждения духовом, иному же роди языков, другому же сказания языков.
12:11	Вся же сия действует един и тойжде Дух, разделяя властию коемуждо якоже хощет.
12:12 См.: 🔗Рим. 12:4	Акоже бо тело едино есть и уды имать многи, вси же уди единаго тела, мнози суще, едино суть тело: тако и Христос.
12:13 См.: 🔗Мк. 1:8 🔗Гал. 3:28	Ибо единем Духом мы вси во едино тело крестихомся, аще Иудее, аще Еллини, или раби, или свободни: и вси единем Духом напоихомся.
12:14	Ибо тело несть един уд, но мнози.
12:15	Аще речет нога, яко несмь рука, несмь от тела: еда сего ради несть от тела?
12:16	И аще речет ухо, яко несмь око, несмь от тела: еда сего ради несть от тела?
12:17	Аще все тело око, где слух? Аще (же) все слух, где ухание?
12:18	Ныне же положи Бог уды, единаго коегождо их в телеси, якоже изволи.
12:19	Аще ли быша вси един уд, где тело?
12:20	Ныне же мнози убо удове, едино же тело.
12:21	Не может же око рещи руце: не требе ми еси: или паки глава ногама: не требе ми есте.
12:22	Но много паче, мнящиися уди тела немощнейши быти, нужнейши суть,
12:23	и ихже мним безчестнейших быти тела, сим честь множайшую прилагаем:
12:24	и неблагообразнии наши благообразие множайше имут, а благообразнии наши не требе имут. Но Бог раствори тело, худейшему болшу дав честь,
12:25	да не будет распри в телеси, но да тожде в себе пекутся уди.
12:26	И аще страждет един уд, с ним страждут вси уди: аще ли же славится един уд, с ним радуются вси уди.
12:27 См.: 🔗Еф. 5:23	Вы же есте тело Христово, и уди от части.
12:28 См.: 🔗Рим. 12:6 🔗Еф. 4:11	И овых убо положи Бог в Церкви первее Апостолов, второе пророков, третие учителей: потом же силы, таже дарования исцелений, заступления, правления, роди языков.
12:29	Еда вси Апостоли? Еда вси пророцы? Еда вси учителе? Еда вси силы?
12:30	Еда вси дарования имут изцелений? Еда вси языки глаголют? Еда вси сказуют?
12:31	Ревнуйте же дарований болших, и еще по превосхождению путь вам показую.