Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 9 | |
9:1 | Несмь ли Апостол? Несмь ли свободь? Не Иисуса Христа ли Господа нашего видех? Не дело ли мое вы есте о Господе? |
9:2 См.: 🔗2Кор. 3:2 | Аще иным (и) несмь Апостол, но обаче вам есмь: печать бо моего апостолства вы есте о Господе. |
9:3 | Мой ответ востязующым мене сей есть. |
9:4 См.: 🔗Лк. 10:7 🔗2Фес. 3:9 | Еда не имамы власти ясти и пити? |
9:5 | Еда не имамы власти сестру жену водити, яко и прочии Апостоли, и братия Господня, и Кифа? |
9:6 | Или един аз и Варнава не имамы власти еже не делати? |
9:7 | Кто воинствует своими оброки когда? Или кто насаждает виноград, и от плода его не яст? Или кто пасет стадо, и от млека стада не яст? |
9:8 | Еда по человеку сия глаголю? Не и закон ли сия глаголет? |
9:9 См.: 🔗Втор. 25:4 🔗1Тим. 5:18 | В Моисеове бо законе писано: да не заградиши устну вола молотяща. Еда о волех радит Бог? |
9:10 | Или нас ради всяко глаголет? Нас бо ради написася, яко о надежди должен есть оряй орати, и молотяй с надеждею своего упования причащатися. |
9:11 См.: 🔗Рим. 15:27 | Аще мы духовная сеяхом вам, велико ли, аще мы ваша телесная пожнем? |
9:12 | Аще инии власти вашея причащаются, не паче ли мы? Но не сотворихом по области сей: но вся терпим, да не прекращение кое дамы благовествованию Христову. |
9:13 См.: 🔗Втор. 18:8 | Не весте ли, яко делающии священная от святилища ядят? (и) служащии олтарю со олтарем делятся? |
9:14 См.: 🔗Мф. 10:10 | Тако и Господь повеле проповедающым Благовестие от благовестия жити. |
9:15 | Аз же ни едино сотворих от сих. Не писах же сия, да тако будет о мне: добрее бо мне паче умрети, нежели похвалу мою кто да испразднит. |
9:16 См.: 🔗Деян. 9:6 🔗Деян. 13:2 | Аще бо благовествую, несть ми похвалы, нужда бо ми належит: горе же мне есть, аще не благовествую. |
9:17 | Аще убо волею сие творю, мзду имам: аще же неволею, строение ми есть предано. |
9:18 | Кая убо ми есть мзда? Да благовествуяй без мзды положу Благовестие Христово, во еже не творити ми по области моей в благовествовании. |
9:19 См.: 🔗1Кор. 10:33 | Свободен бо сый от всех, всем себе поработих, да множайшыя приобрящу: |
9:20 | бых Иудеем яко Иудей, да Иудеи приобрящу: подзаконным яко подзаконен, да подзаконныя приобрящу: |
9:21 См.: 🔗1Кор. 7:18 | беззаконным яко беззаконен, не сый беззаконник Богу, но законник Христу, да приобрящу беззаконныя. |
9:22 См.: 🔗Рим. 15:1 | Бых немощным яко немощен, да немощныя приобрящу. Всем бых вся, да всяко некия спасу. |
9:23 | Сие же творю за Благовестие, да сообщник ему буду. |
9:24 См.: 🔗Флп. 3:12 🔗2Тим. 4:7 | Не весте ли, яко текущии в позорищи вси убо текут, един же приемлет почесть? Тако тецыте, да постигнете. |
9:25 См.: 🔗2Тим. 2:4 🔗Отк. 2:10 | Всяк же подвизаяйся от всех воздержится: и они убо да истленен венец приимут, мы же неистленен. |
9:26 | Аз убо тако теку, не яко безвестно, тако подвизаюся, не яко воздух бияй: |
9:27 См.: 🔗Рим. 6:18 | но умерщвляю тело мое и порабощаю, да не како, иным проповедуя, сам неключимь буду. |