Первое послание апостола Павла к Коринфянам, глава 16

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Рус. (еп. Кассиан) Беларускi Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 16
16:1 См.: 🔗Рим. 12:13	О милостыни же, яже ко святым, якоже устроих церквам Галатийским, тако и вы сотворяйте:
16:2	по единей от суббот кийждо вас да полагает у себе сохраняя, еже аще что благопоспешится, да не егда прииду, тогда собрания бывают.
16:3 См.: 🔗2Кор. 8:19	Егда же прииду, ихже аще искусите, с посланьми сих послю отнести благодать вашу во Иерусалим.
16:4	Аще же достойно будет и мне ити, со мною пойдут.
16:5	Прииду же к вам, егда Македонию преиду: Македонию бо прохожду.
16:6	У вас же, аще случится мне, пребуду, или и озимею, да вы мя проводите, аможе аще поиду.
16:7 См.: 🔗Иак. 4:15 🔗1Кор. 4:19	Не хощу бо вас ныне в мимохождении видети: уповаю же время некое пребыти у вас, аще Господь повелит.
16:8	Пребуду же во Ефесе до Пентикостии:
16:9	дверь бо ми отверзеся велика и поспешна, и сопротивнии мнози.
16:10	Аще же приидет Тимофей, блюдите, да без страха будет у вас: дело бо Господне делает, якоже и аз:
16:11	да никтоже убо его уничижит: проводите же его с миром, да приидет ко мне, жду бо его с братиею.
16:12	О Аполлосе же брате: много молих его, да приидет к вам с братиею: и всяко не бе воля, да ныне приидет, приидет же, егда упразднится.
16:13 См.: 🔗Мф. 24:42 🔗1Пет. 5:8 🔗Отк. 3:11	Бодрствуйте, стойте в вере, мужайтеся, утверждайтеся:
16:14	вся вам любовию да бывают.
16:15 См.: 🔗1Кор. 1:16	Молю же вы, братие: весте дом Стефанинов, яко есть начаток Ахаии, и в служение святым учиниша себе:
16:16	да и вы повинуйтеся таковым и всякому споспешствующу и труждающуся.
16:17	Возрадовахся же о пришествии Стефанинове и Фуртунатове и Ахаикове, яко ваше лишение сии исполниша:
16:18	упокоиша бо мой дух и ваш. Познавайте убо таковыя.
16:19 См.: 🔗2Тим. 4:19	Целуют вы церкви Асийския: целуют вы о Господе много Акила и Прискилла с домашнею их церковию.
16:20 См.: 🔗1Пет. 5:14 🔗Рим. 16:16 🔗2Кор. 13:12	Целуют вы братия вся. Целуйте друг друга лобзанием святым.
16:21	Целование моею рукою Павлею.
16:22	Аще кто не любит Господа Иисуса Христа, да будет проклят, маран афа.
16:23	Благодать Господа нашего Иисуса Христа с вами,
16:24	(и) любы моя со всеми вами о Христе Иисусе. Аминь.