Книга Премудрости Соломона, глава 16 неканонич.

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 16
16:1 См.: 🔗Прем. 12:26 🔗Исх. 8:24	Сего ради от подобных пострадаша достойне, и множеством зверей казнени быша.
16:2 См.: 🔗Исх. 16:13 🔗Чис. 11:31	Вместо мучения благо сотворил еси людем Твоим, в похотение желания странное вкушение, пищу уготовал еси крастели,
16:3	да они убо вожделевшии пищи, показанием посланых, и от нужнаго хотения отвратятся, сии же вмале скудни бывше, и странна приобщатся вкушения.
16:4	Подобаше бо на оных убо неизбежней нищете наити мучителствующих, сим же токмо показати, како врази их мучишася.
16:5 См.: 🔗Чис. 21:6 🔗1Кор. 10:9	Ибо егда тем найде жесток зверей гнев, и угрызеньми сверепых истребляхуся змиев,
16:6 См.: 🔗Ин. 3:14	но не до конца пребысть гнев Твой: в наказание же вмале смущени быша, знамение имеюще спасения, на воспоминание заповеди закона Твоего:
16:7 См.: 🔗Чис. 21:9	обративыйся бо не (вещию) зримою целяшеся, но Тобою всех Спасителем.
16:8 См.: 🔗Пс. 3:9 🔗2Тим. 4:8	И в сем же показал еси врагом нашым, яко Ты еси избавляяй от всякаго зла:
16:9 См.: 🔗Исх. 8:24 🔗Пс. 104:31 🔗Отк. 9:3	тех бо акриды и мухи побиша угрызением, и не обретеся цельба душам их, яко достойни бяху от таковых мучитися.
16:10	Сынов же Твоих ниже ядовитых змиев зубы одолеша: милость бо Твоя прихождаше и изцеляше их.
16:11	В память бо словес Твоих бяху усечени и скоро изцеляхуся, да не во глубину впадше забвения отлучатся Твоего благодеяния:
16:12 См.: 🔗Пс. 106:20	ниже бо зелие, ниже обязание изцели их, но слово Твое, Господи, изцеляющее вся.
16:13 См.: 🔗Втор. 32:39 🔗1Цар. 2:6 🔗Тов. 13:2	Ты бо живота и смерти власть имаши, и низводиши даже до врат ада, и возводиши.
16:14 См.: 🔗Иов. 14:10	Человек же убивает убо злобою своею: изшедшаго же духа не возвратит, ниже паки призывает душу взятую.
16:15 См.: 🔗Рим. 2:3	Твоея же руки избежати невозможно есть:
16:16 См.: 🔗Исх. 9:23 🔗Пс. 77:47 🔗Пс. 104:32	отметающиися бо Тебе ведети нечестивии, в крепости мышцы Твоея биени быша странными дождьми и градами, и бурями гоними неизбежно, и огнем растаеваеми.
16:17 См.: 🔗Прем. 19:19	Преславное бо, в воде вся угашающей множае действоваше огнь: споборник бо есть мир о праведных.
16:18	Овогда бо убо укрощашеся пламень, да не сожжет посланных животных на нечестивыя: но сии зряще да ведят, яко от Божия суда страждут гонение.
16:19	Овогда же и между водою выше силы огненныя паляше, да беззаконныя земли порождения растлит.
16:20 См.: 🔗Исх. 16:4 🔗Чис. 11:7 🔗Втор. 8:16 🔗Пс. 77:24 🔗3Езд. 1:17 🔗Ин. 6:31	Вместо же сих ангелскою пищею питал еси люди Твоя, и уготован хлеб с небесе послал еси им без труда, всякое услаждение в себе имеющь и ко всякому сличный вкушению.
16:21 См.: 🔗1Пет. 2:3	Существо бо Твое сладость Твою ко сыном показоваше, и угождая единаго коегождо воли, якоже кто хотяше, превращашеся.
16:22 См.: 🔗Исх. 9:23	Снег же и лед терпяху огнь и не растаяваху: да уведят, яко плоды врагов истребляше огнь горящь во граде и в дождех блистающь:
16:23	тойже паки, да питаются праведнии, (огнь) и свою забы силу.
16:24	Творение бо, Тебе Творцу всех служащее, распростирается на муку противу неправедных и легчае творится во благодеяние ради на Тя надеющихя.
16:25	Сего ради и тогда во вся преобразуемое всех кормителнице благодати Твоей служаше к воли требующих:
16:26 См.: 🔗Втор. 8:3 🔗Мф. 4:4 🔗Лк. 4:4	да научатся сынове Твои, ихже возлюбил еси, Господи, яко не рождения плодов питают человека, но слово Твое Тебе верующих соблюдает.
16:27	Еже бо огнем нерастлено скоро от малыя лучи солнечныя греемое растаявашеся:
16:28	да знаемо будет (всем), яко подобает предварити солнце на благодарение Тебе и к востоку света Тебе поклонитися.
16:29 См.: 🔗Прем. 5:14	Неблагодарнаго бо упование яко зимный иней растает, и излиется яко вода неключима.