Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 3 | |
3:1 | И бысть слово Господне ко Ионе вторицею глаголя: |
3:2 | востани и иди в Ниневию град великий, и проповеждь в нем по проповеди преждней, юже Аз глаголах тебе. |
3:3 См.: 🔗Ион. 1:2 | И воста Иона и иде в Ниневию, якоже глагола Господь. Ниневиа же бяше град велик Богу, яко шествия пути триех дний. |
3:4 | И начат Иона входити во град, яко шествие пути дне единаго, и проповеда и рече: еще три дни, и Ниневиа превратится. |
3:5 См.: 🔗Мф. 12:41 🔗Лк. 11:32 | И вероваша мужие Ниневийстии Богови, и заповедаша пост, и облекошася во вретища от велика их даже до мала их. |
3:6 | И дойде слово ко царю Ниневийскому, и воста с престола своего и сверже ризы своя с себе, и облечеся во вретище и седе на пепеле. |
3:7 | И проповедася и речено бысть в Ниневию от царя и вельмож его глаголющих: человецы и скоти, и волове и овцы да не вкусят ничесоже, ни да пасутся, ниже воды да пиют. |
3:8 См.: 🔗Иер. 18:11 | И облекошася во вретища человецы и скоти и возопиша прилежно к Богу, и возвратися кийждо от пути своего лукаваго и от неправды сущия в руках их, глаголюще: |
3:9 См.: 🔗Иоил. 2:14 | кто весть, аще раскается и умолен будет Бог, и обратится от гнева ярости Своея, и не погибнем? |
3:10 См.: 🔗Иер. 18:7 🔗Иер. 26:19 | И виде Бог дела их, яко обратишася от путий своих лукавых, и раскаяся Бог о зле, еже глаголаше сотворити им, и не сотвори. |