Книга Исход, глава 17

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 17
17:1 См.: 🔗Чис. 33:14	И воздвижеся весь сонм сынов Израилевых от пустыни Син по полком своим словом Господним и ополчишася в Рафидине. Не бяше же воды людем пити,
17:2 См.: 🔗Чис. 20:2 🔗Втор. 9:7	и хуляху людие Моисеа, глаголюще: даждь нам воду, да пием. И рече им Моисей: что хулите мя? И что искушаете Господа?
17:3 См.: 🔗Исх. 14:11	Возжаждаша же тамо людие воды и роптаху на Моисеа, глаголюще: вскую сие? Извел еси нас из Египта уморити нас и чада наша и скоты жаждею?
17:4 См.: 🔗Чис. 14:10	Возопи же Моисей ко Господу глаголя: что сотворю людем сим? Еще мало, и побиют мя камением.
17:5 См.: 🔗Исх. 7:20	И рече Господь к Моисею: пойди пред людьми сими, и поими с собою от старец людских, и жезл, имже пресекл еси море, возми в руку твою, и пойди:
17:6 См.: 🔗Чис. 20:11 🔗Пс. 77:16 🔗Пс. 104:41 🔗Прем. 11:4 🔗1Кор. 10:4	Аз же стану тамо прежде пришествия твоего у камене в Хориве: и удариши в камень, и изыдет из него вода, и да пиют людие. Сотвори же Моисей тако пред сыны Израилевыми,
17:7	и прозва имя месту тому Искушение и Похуление, хулы ради сынов Израилевых, и занеже искусиша Господа, глаголюще: аще есть в нас Господь, или ни?
17:8 См.: 🔗Втор. 25:17 🔗Прем. 11:3	Прииде же Амалик и воева на Израиля в Рафидине.
17:9 См.: 🔗Нав. 1:1	Рече же Моисей ко Иисусу: избери себе мужы сильны и изшед ополчися на Амалика заутра: и се, аз стану на верху горы, и жезл Божий в руце моей.
17:10 См.: 🔗Исх. 24:14 🔗Исх. 31:2	И сотвори Иисус, якоже рече ему Моисей, и изшед ополчися на Амалика: Моисей же и Аарон и Ор взыдоша на верх горы.
17:11 См.: 🔗Нав. 8:18	И бысть егда воздвизаше Моисей руце, одолеваше Израиль: егда же опускаше руце, одолеваше Амалик:
17:12	руце же Моисеовы тяжки беша: и вземше камень, подложиша ему, и седяше на нем: Аарон же и Ор поддержаста руце ему, един отсюду, а другий оттуду: и быша Моисеови руце укреплены до захождения солнца:
17:13 См.: 🔗Суд. 4:23 🔗Прем. 11:3	и преодоле Иисус Амалика и вся люди его убийством меча.
17:14 См.: 🔗Исх. 34:27 🔗Чис. 24:20 🔗Втор. 25:17	Рече же Господь к Моисею: впиши сие на память в книги и вдай во ушы Иисусу, яко пагубою погублю память Амаликову от поднебесныя.
17:15	И созда Моисей олтарь Господу и прозва имя ему Господь Прибежище мое:
17:16	яко рукою тайною ратует Господь на Амалика от рода в род.