Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 25 | |
25:1 См.: 🔗Пс. 132:1 | Треми украсихся и стах красна пред Господем и человеки: |
25:2 | единомыслием братий и любовию искренних, и муж и жена между собою согласни. |
25:3 См.: 🔗Прит. 30:21 | Три же виды возненавиде душа моя, и зело ми омерзе живот их: |
25:4 См.: 🔗Дан. 13:10 | убога горда, и богата лжива, и стара прелюбодея умаляющагося умом. |
25:5 См.: 🔗Прит. 6:6 | Иже в юности не собрал еси, то како можеши обрести в старости твоей? |
25:6 | Коль есть красен сединам суд, и старейшым разумети совет? |
25:7 См.: 🔗Прит. 16:31 | Коль красна старым премудрость и славным разумение и совет? |
25:8 | Венец старцем многоразличное искусство, и похваление их страх Господень. |
25:9 | Девять помышлений ублажих в сердцы моем, а десятое изреку языком: |
25:10 См.: 🔗Быт. 3:15 🔗Быт. 45:26 | человек веселяйся о чадех, живяй и зряй падение врагов. |
25:11 См.: 🔗Иак. 3:2 | Блажен живяй со женою разумною, и иже языком (своим) не поползнуся, и иже не поработа недостойному себе. |
25:12 | Блажен, иже обрете мудрость и поведаяй во уши послушающих. |
25:13 | Коль велик, иже мудрость обрете, но несть паче боящагося Господа. |
25:14 | Страх Господень паче всего предуспе, держай его кому уподобится? |
25:15 См.: 🔗Быт. 27:6 🔗Суд. 16:4 | Всяка язва и не язва сердечная и всякое лукавство и не лукавство женское: |
25:16 | всякое нападение и не нападение ненавидящих, и всякое мщение и не отмщение врагов. |
25:17 См.: 🔗Быт. 3:1 | Несть главы паче главы змиины, и несть ярости паче ярости вражия. |
25:18 См.: 🔗Прит. 21:19 | Лучше жити со львом и змием, неже жити со женою лукавою. |
25:19 | Лукавство жены изменяет зрак ея и омрачает лице свое яко вретище: |
25:20 | посреде искренних своих возляжет муж ея, и слышав воздохнет горько. |
25:21 | Мала есть всяка злоба противу злобе женстей: жребий грешника спадет на ню. |
25:22 | Якоже восхождение по песку ногама стараго, тако жена язычна мужу молчаливу. |
25:23 | Не сматряй на красоту женскую и жены в похоть не пожелай. |
25:24 | Гнев и безстудие и срамота велика жена, аще обладает мужем своим. |
25:25 | Сердце смирено, и лице дряхло, и язва сердечна жена лукава: |
25:26 | руце немощныя и колена разслаблена, (жена) яже не блажит мужа своего. |
25:27 См.: 🔗Быт. 3:6 🔗1Тим. 2:14 | От жены начало греха, и тою умираем вси. |
25:28 | Не даждь воде прохода, ни жене лукаве дерзновения: |
25:29 | аще не ходит под рукою твоею, отсецы ю от плоти твоея. |