Книга Левит, глава 8

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 8
8:1	И рече Господь к Моисею, глаголя:
8:2 См.: 🔗Исх. 28:1 🔗Лев. 9:18	поими Аарона и сыны его, и ризы его, и елей помазания, и телца иже за грех, и два овна, и кошницу опресноков,
8:3	и весь сонм собери пред двери скинии свидения.
8:4	И сотвори Моисей, якоже повеле ему Господь: и собра сонм пред двери скинии свидения.
8:5	И рече Моисей к сонму: сие есть слово, еже завеща Господь сотворити.
8:6 См.: 🔗Исх. 28:1 🔗Исх. 40:12	И приведе Моисей Аарона и сыны его и измы я водою::
8:7	и облече его в срачицу, и опояса его поясом, и облече его в исподнюю ризу, и возвлече нань верхнюю ризу:
8:8	и опояса его по устроению ефуда, и стисне его им: и возложи нань слово, и возложи на слово явление и истину:
8:9	и возложи увясло на главу его, и возложи на увясло против лица его дщицу златую освященную святую, якоже повеле Господь Моисею.
8:10 См.: 🔗Исх. 30:25 🔗Чис. 7:1	И взя Моисей от елеа помазания,
8:11	и воскропи от него на олтарь седмижды, и помаза олтарь и освяти его и вся сосуды его, и умывалницу и стояло ея, и освяти я, и помаза скинию и вся сосуды ея, и освяти ю,
8:12 См.: 🔗Исх. 29:7 🔗Чис. 35:25 🔗Пс. 132:2 🔗Сир. 45:18	и возлия Моисей от елеа помазания на главу Аароню, и помаза его, и освяти его.
8:13	И приведе Моисей сыны Аарони, и облече я в срачицы, и опояса я поясы, и возложи на ня клобуки, якоже повеле Господь Моисею.
8:14 См.: 🔗Исх. 29:10	И приведе Моисей телца иже за грех, и возложи Аарон и сынове его руки на главу телца иже за грех,
8:15 См.: 🔗2Пар. 29:22 🔗Исх. 29:16	и закла его ю взя Моисей от крове, и возложи на роги олтаря окрест перстом, и очисти олтарь: и кровь пролия на стояло олтаря, и освяти его, еже молитися у него.
8:16 См.: 🔗Лев. 3:4	И взя Моисей весь тук иже на утробе, и препонку яже на печени, и обе почки, и тук иже на них, и вознесе Моисей на олтарь:
8:17	телца же и кожу его, и мяса его и мотылы его, сожже я огнем вне полка, якоже повеле Господь Моисею.
8:18 См.: 🔗Исх. 29:15	И приведе Моисей овна иже во всесожжение, и возложи Аарон и сынове его руки своя на главу овню.
8:19	И закла Моисей овна, и пролия Моисей кровь на олтарь окрест:
8:20	овна же раздроби на уды его, и вознесе Моисей главу и уды и тук, и утробу и ноги измы водою:
8:21 См.: 🔗Исх. 29:18 🔗Лев. 1:9	и вознесе Моисей всего овна на олтарь: всесожжение есть в воню благовония: принос есть Господу, якоже заповеда Господь Моисею.
8:22 См.: 🔗Исх. 29:19	И приведе Моисей овна втораго, овна совершения: и возложи Аарон и сынове его руки своя на главу овню,
8:23 См.: 🔗Лев. 14:14	и закла его: и взя Моисей от крове его, и возложи на край уха Аароня деснаго, и на край руки его десныя, и на край ноги его десныя.
8:24	И приведе Моисей сыны Аарони, и возложи Моисей от крове на край ушес их десных, и на край рук их десных, и на край ног их десных: и пролия Моисей кровь на олтарь окрест:
8:25 См.: 🔗Исх. 29:22	и взя Моисей тук и чресла, и тук иже на утробе, и препонку печени, и обе почки, и тук иже на них, и рамо десное,
8:26 См.: 🔗Исх. 29:23	и от кошницы совершения, яже есть пред Господем, и взя хлеб един пресный, и хлеб елеен един, и опреснок един, и возложи на тук, и рамо десное:
8:27	и возложи вся на руце Аарони и на руце сынов его, и вознесе я участие пред Господа.
8:28 См.: 🔗Лев. 1:9	И взя Моисей от рук их и вознесе на олтарь на всесожжение совершения, еже есть воня благоухания: принос есть Господу.
8:29 См.: 🔗Исх. 29:24 🔗Лев. 7:33	И взем Моисей грудь, отлучи ю возложение пред Господем от овна совершения: и бысть Моисею в масть, якоже заповеда Господь Моисею.
8:30 См.: 🔗Исх. 29:21 🔗Сир. 45:18	И взя Моисей от елеа помазания и от крове яже на олтари, и воскропи на Аарона и на ризы его, и на сыны его и на ризы сынов его с ним: и освяти Аарона и ризы его, и сыны его и ризы сынов его с ним.
8:31 См.: 🔗Исх. 29:32 🔗Лев. 24:9 🔗Мф. 12:4 🔗Мк. 2:26 🔗Лк. 6:4	И рече Моисей Аарону и сыном его: сварите мяса во дворе скинии свидения на месте святе, и тамо да снесте я, и хлебы иже в кошнице совершения, якоже заповедано бысть мне глаголя: Аарон и сынове его да снедят я:
8:32	и останок мяс и хлебов на огни да сожжете:
8:33	и из дверий скинии свидения да не изыдете седмь дний, дондеже день скончается, день совершения вашего: в седмь бо дний совершит руки вашя:
8:34	якоже сотвори в день сей, в оньже заповеда Господь сотворити, яко молитися о вас:
8:35 См.: 🔗Лев. 10:7	и у дверий скинии свидения седите седмь дний, день и нощь, и сохраните повеления Господня, да не умрете: тако бо заповеда мне Господь Бог.
8:36	И сотвори Аарон и сынове его вся словеса, яже завеща Господь Моисею.