Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Псаломъ 68 | |
68:1 | В конец, о изменшихся, псалом Давиду. |
68:2 См.: 🔗Ис. 43:2 | Спаси мя, Боже, яко внидоша воды до души моея. |
68:3 | Углебох в тимении глубины, и несть постояния: приидох во глубины морския, и буря потопи мя. |
68:4 | Утрудихся зовый, измолче гортань мой: изчезосте очи мои, от еже уповати ми на Бога моего. |
68:5 | Умножишася паче влас главы моея ненавидящии мя туне: укрепишася врази мои, изгонящии мя неправедно: яже не восхищах, тогда воздаях. |
68:6 | Боже, Ты уведел еси безумие мое, и прегрешения моя от Тебе не утаишася. |
68:7 | Да не постыдятся о мне терпящии Тебе, Господи, Господи сил: ниже да посрамятся о мне ищущии Тебе, Боже Израилев. |
68:8 | Яко Тебе ради претерпех поношение, покры срамота лице мое. |
68:9 | Чуждь бых братии моей и странен сыновом матере моея: |
68:10 См.: 🔗Ин. 2:17 🔗Рим. 15:3 | яко ревность дому Твоего снеде мя, и поношения поносящих Ти нападоша на мя. |
68:11 | И покрых постом душу мою, и бысть в поношение мне: |
68:12 | и положих одеяние мое вретище, и бых им в притчу. |
68:13 См.: 🔗Иов. 30:9 | О мне глумляхуся седящии во вратех, и о мне пояху пиющии вино. |
68:14 См.: 🔗Ис. 49:8 | Аз же молитвою моею к Тебе, Боже: время благоволения, Боже: во множестве милости Твоея услыши мя, во истине спасения Твоего. |
68:15 См.: 🔗Пс. 39:3 | Спаси мя от брения, да не углебну: да избавлюся от ненавидящих мя и от глубоких вод. |
68:16 | Да не потопит мене буря водная, ниже да пожрет мене глубина, ниже сведет о мне ровенник уст своих. |
68:17 | Услыши мя, Господи, яко блага милость Твоя: по множеству щедрот Твоих призри на мя. |
68:18 См.: 🔗Пс. 101:3 | Не отврати лица Твоего от отрока Твоего, яко скорблю: скоро услыши мя. |
68:19 | Вонми души моей и избави ю: враг моих ради избави мя. |
68:20 См.: 🔗Пс. 43:16 | Ты бо веси поношение мое, и студ мой, и срамоту мою: пред Тобою вси оскорбляющии мя. |
68:21 См.: 🔗Мф. 27:39 🔗Лк. 23:49 | Поношение чаяше душа моя и страсть: и ждах соскорбящаго, и не бе, и утешающих, и не обретох. |
68:22 См.: 🔗Мф. 27:34 🔗Ин. 19:29 | И даша в снедь мою желчь, и в жажду мою напоиша мя оцта. |
68:23 См.: 🔗Рим. 11:9 | Да будет трапеза их пред ними в сеть и в воздаяние и в соблазн. |
68:24 | Да помрачатся очи их, еже не видети, и хребет их выну сляцы. |
68:25 | Пролий на ня гнев Твой, и ярость гнева Твоего да постигнет их. |
68:26 См.: 🔗Деян. 1:20 | Да будет двор их пуст, и в жилищих их да не будет живый. |
68:27 См.: 🔗Ис. 53:4 | Зане егоже Ты поразил еси, тии погнаша, и к болезни язв моих приложиша. |
68:28 См.: 🔗Рим. 1:28 | Приложи беззаконие к беззаконию их, и да не внидут в правду Твою. |
68:29 | Да потребятся от книги живых, и с праведными да не напишутся. |
68:30 | Нищь и боляй есмь аз: спасение Твое, Боже, да приимет мя. |
68:31 | Восхвалю имя Бога моего с песнию, возвеличу Его во хвалении: |
68:32 | и угодно будет Богу паче телца юна, роги износяща и пазнокти. |
68:33 См.: 🔗Пс. 21:27 | Да узрят нищии и возвеселятся: взыщите Бога, и жива будет душа ваша. |
68:34 См.: 🔗Пс. 33:7 | Яко услыша убогия Господь, и окованныя Своя не уничижи. |
68:35 См.: 🔗Пс. 147:1 | Да восхвалят Его небеса и земля, море и вся живущая в нем. |
68:36 См.: 🔗1Кор. 3:10 | Яко Бог спасет Сиона, и созиждутся гради Иудейстии, и вселятся тамо и наследят и: |
68:37 | и семя рабов Твоих удержит и, и любящии имя Твое вселятся в нем. |