Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 23 | |
23:1 См.: 🔗2Цар. 7:12 🔗Кол. 3:16 | И сия словеса Давидова последняя. Верен Давид сын Иессеов, и верен муж, егоже возстави Господь в христа Бога Иаковля, и благолепны псалмы Израилевы. |
23:2 См.: 🔗Деян. 1:16 🔗Мк. 12:36 | И Дух Господень глагола во мне, и слово Его на языце моем. |
23:3 См.: 🔗Исх. 17:5 | Глаголет Бог Израилев: мне глагола хранитель Израилев притчу: рех в человецех: како удержите страх Божий? |
23:4 | И во свете Божии утреннем, и возсия солнце заутра, не прейде от сияния, и яко от дождя злачна от земли. |
23:5 См.: 🔗2Цар. 7:15 | Не тако бо дом мой с Крепким: завет бо вечен положи ми, готов во всяком времени сохранен: яко все спасение мое и все хотение во Господе, яко не имать прозябнути беззаконный. |
23:6 См.: 🔗Пс. 57:10 🔗Евр. 6:8 | Якоже терние извержено вси сии, яко не возмутся рукою, |
23:7 См.: 🔗Ис. 1:31 | и муж не потрудится в них: и множество железа, и древо копийное, и огнем сожжет, и попалятся в срамоту свою. |
23:8 См.: 🔗1Пар. 11:11 | Сия имена сильных Давидовых: Иевосфей Хананеанин князь третияго есть: адинон асоней, сей обнажи мечь свой на осмь сот воинов (и победи) единою. |
23:9 См.: 🔗1Пар. 11:12 🔗1Пар. 27:4 | И по нем Елеазар, сын отца брата его, в триех сильных братиях, сей бе со Давидом (во сирране) внегда поносити ему во иноплеменницех: и иноплеменницы собрашася тамо на брань, |
23:10 См.: 🔗1Цар. 11:13 🔗1Цар. 14:45 | и изыдоша мужие Израилевы противу лица их, и той воста и убиваше иноплеменники, дондеже утрудися рука его и прильпе рука его к мечу: и сотвори Господь спасение велико в той день: и людие обратишася вслед его токмо совлачати. |
23:11 | И по нем Самаиа сын Асы, Арухейский: и собрашася иноплеменницы во Фирию: и бе тамо часть села исполнь лящи: и людие бежаша от лица иноплеменнича: |
23:12 | и ста аки столп посреде части, и исхити ю, и порази иноплеменники: и сотвори Господь спасение велико. |
23:13 См.: 🔗1Пар. 11:15 | И снидоша три князи от тридесятих, и приидоша в касон к Давиду в вертеп Одоллам: и чинове иноплеменник ополчишася во юдоли Рафаинстей. |
23:14 См.: 🔗1Пар. 11:16 | И Давид тогда бе во обдержании, и стан иноплеменническ бе тогда в Вифлееме. |
23:15 См.: 🔗1Пар. 11:17 | И возжада Давид и рече: кто напоит мя водою из рова, иже в Вифлееме при вратех? Стан же бе тогда иноплеменничь в Вифлееме. |
23:16 | И расторгоша трие сильнии ополчение иноплеменничо, и почерпоша воды из рова Вифлеемскаго, иже при вратех: и взяша, и приидоша ко Давиду, и не восхоте пити ея: и возлия ю Господу |
23:17 См.: 🔗1Пар. 11:19 | и рече: милостив мне, Господи, еже сотворити сие, кровь ли мужей пошедших в душах своих пити имам? И не восхоте пити ея. Сия сотвориша трие сильнии. |
23:18 См.: 🔗1Пар. 11:20 🔗2Цар. 21:17 | И Авесса брат Иоавль сын Саруин, сей бе князь в триех, и сей воздвиже копие свое на триста язвеных, и тому имя есть в триех. |
23:19 | От триех оных славный, и бысть им князь, и даже до триех не прииде. |
23:20 | И Ванеа сын Иодаев, муж сей премног в делех, от Кавасаила, и сей уби два сына Ариила Моавскаго: и той сниде, и уби льва посреде рова в день снежен: |
23:21 | и той порази мужа Египтянина, мужа красна, в руце же Египтянина копие яко древо лествицы корабленыя: и сниде к нему со палицею, и исторже копие из руку Египтянина, и уби его копием его: |
23:22 | сия сотвори Ванеа сын Иодаев, и тому имя в триех сильных, |
23:23 | от триех славный, и ко трием не прииде: и постави его Давид над таинники своими. |
23:24 См.: 🔗1Пар. 11:26 🔗1Пар. 27:7 | И сия имена сильных Давида царя: Асаил брат Иоавль, сей в тридесятих: Елеанан сын отца брата его от Вифлеема: |
23:25 | Семоф Ародиин: |
23:26 | Хеллис Келофийский: Ира сын Еккиса Фекоитскаго: |
23:27 | Авиезер Анафофитский: Савухей иже от Асофиты: |
23:28 | Еллон Алонитский: моей Нетофафитянин: |
23:29 См.: 🔗1Пар. 27:15 | Ели сын Ваань, иже от Нетофафит: Еффи сын Ривань от Гаваона сынов Вениаминих: |
23:30 См.: 🔗1Пар. 11:31 🔗1Пар. 27:14 | Ванеас Фарафонитский: Урий от Наалгеа: |
23:31 | Ариил сын Аравофитянина: Заор Варсамитский: |
23:32 | Елеаса сын Салавонитский: Васей гонитский: |
23:33 | Ионафан сын Самана Ароритскаго: Ахиан сын Арати Арафурскаго: |
23:34 | Елифалаф сын Маахиавль: Елиав сын Ахитофела Гелонитскаго: |
23:35 | Асараи Кармилский: Урем сын Асви: |
23:36 | и Гала сын Нафанов: и Ваан сын Агарин: |
23:37 | Елли Амманитский: Гелорей Вирофийский, носяй оружие Иоава сына Саруина: |
23:38 | Ирас Еффирский: Гарев Иерфейский: и Уриа Гефейский. |
23:39 См.: 🔗2Цар. 11:3 | Всех тридесять и седмь. |