Вторая книга Паралипоменон (Вторая книга Хроник, Вторая Летопись), глава 20

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 20
20:1	По сих же приидоша сынове Моавли и сынове Аммони и с ними от Амманитов ко Иосафату на брань.
20:2 См.: 🔗Быт. 14:7 🔗Нав. 15:62	Приидоша же и сказаша Иосафату, глаголюще: идет противу тебе велико множество от об он пол моря от Сирии, и се, стоят во Асасан – Фамаре, иже есть Енгадди.
20:3 См.: 🔗2Пар. 17:3	И убояся, и вдаде Иосафат лице свое взыскати Господа, и проповеда пост во всей Иудеи.
20:4	И собрася весь Иуда взыскати Господа: и от всех градов Иудиных приидоша ко умолению Господню.
20:5	И ста Иосафат в собрании Иуды во Иерусалиме, в дому Господни пред лицем двора новаго,
20:6 См.: 🔗Пс. 8:2 🔗Пс. 46:8 🔗2Пар. 14:11	и рече: Господи Боже отец наших, не Ты ли еси Бог на небеси горе, и Ты владычствуеши всеми царствы язык, и в руку Твоею есть крепость силы, и кто противостанет Тебе?
20:7 См.: 🔗Ис. 41:8 🔗Ин. 8:33 🔗Иак. 2:23	Не Ты ли еси Бог наш искоренивый живущыя на земли сей от лица людий Твоих Израиля, и дал еси ю семени Авраамлю возлюбленному Твоему во веки?
20:8	И вселишася на ней, и устроиша в ней святыню имени Твоему, глаголюще:
20:9 См.: 🔗2Пар. 6:28	аще нападут на ны злая, мечь, суд, губителство, глад, станем пред домом сим и пред Тобою, яко призвано имя Твое в дому сем, и возопием к Тебе от скорбей наших, и услышиши и спасеши:
20:10 См.: 🔗Втор. 2:9	и ныне се, сынове Аммони и Моавли и гора Сиир, сквозе яже не изволил еси Израилю проити, егда исхождаху от земли Египетския, но уклонишася от них и не избиша их:
20:11	и се, ныне сии нападают на ны исходяще изгонити нас от наследия нашего, еже предал еси нам.
20:12 См.: 🔗Пс. 24:15 🔗Пс. 120:1 🔗Мф. 8:25	Господи Боже наш, не судиши ли им? В нас бо несть толика крепость, да можем сему множеству сопротивитися, еже нападе на ны, и не вемы что соделати имамы им: но токмо очи наши к Тебе.
20:13	И весь Иуда стояше пред Господем, и чада их, и жены их.
20:14 См.: 🔗Суд. 11:29 🔗2Пар. 24:20	Бе же Иозиил сын Захариин, сынов Ванеа, сынов Елеила, сынов Мафаниа левитина, от сынов Асафовых, и бысть на нем Дух Господень посреде народа,
20:15 См.: 🔗Исх. 14:13 🔗Нав. 10:14 🔗Ис. 33:2	и рече: слышите, весь Иуда и обитающии во Иерусалиме, и ты, царю Иосафате: сия рече Господь вам: не бойтеся, ниже ужасайтеся от лица народа сего многаго, несть бо ваше ополчение, но Божие:
20:16	заутра изыдите противу их: се, восходят по восходу Ассис, и обрящете их на краи реки противу пустыни Иериил:
20:17 См.: 🔗Исх. 14:13 🔗Чис. 14:9	не ваше есть воевати: сия разумейте и узрите сие спасение Господне с вами, Иудо и Иерусалиме: не убойтеся, ни ужасайтеся заутра изыти противу их, и Господь с вами.
20:18	И преклонься Иосафат на лице свое, и весь Иуда, и обитающии во Иерусалиме, падоша пред Господем поклонитися Господеви.
20:19	И восташа левити от сынов Каафовых и от сынов Кореовых, хвалити Господа Бога Израилева гласом великим в высоту.
20:20 См.: 🔗2Цар. 14:2 🔗Пс. 45:1 🔗Исх. 14:31	И заутра восташа рано и изыдоша в пустыню Фекое. И внегда исходити им, ста Иосафат (посреде их), и возопи и рече: услышите мя, мужие Иудины и вси обитающии во Иерусалиме: веруйте в Господа Бога нашего и уверитеся: веруйте пророку Его, и благопоспешится вам.
20:21	И советова с людьми, и постави псалмопевцы, и хвалящих исповедатися, и хвалити святая, внегда изыти пред силою, и глаголаху: исповедайтеся Господеви, яко благ, яко в век милость Его.
20:22	Егда же начаша хваления и исповедания, обрати Господь воевати сынов Аммоних на Моава и гору Сиир, изшедших на Иуду, и поражени быша.
20:23 См.: 🔗Суд. 7:22 🔗1Цар. 14:20	И восташа сынове Аммони и Моавли на обитающих в горе Сиири, да побиют их и сокрушат: и егда скончаша обитающих в Сиире, восташа друг на друга, да потребятся.
20:24	Иуда же прииде на созирание от пустыни, и воззре, и виде множество: и се, вси мертви падше на землю, и не бе спасыйся.
20:25	И изыде Иосафат и людие его взяти корысти их, и обретоша скота много, и одежды, и корысти, и сосуды дражайшыя и плениша их: и быша собирающе корысти их три дни, яко многи бяху.
20:26	Дне же четвертаго собрахуся во удоль благословения, ибо тако благословиша Господа: сего ради прозваша место то удоль благословения даже до сего дне.
20:27	И возвратишася вси мужие Иудины во Иерусалим и Иосафат вождь их с веселием великим: яко возвесели их Господь о вразех их.
20:28	И внидоша во Иерусалим со псалтирми и гусльми и трубами в дом Господень.
20:29 См.: 🔗2Пар. 14:14	И бысть страх Господень на вся царства земная, внегда услышати им, яко порази Господь враги Израилевы.
20:30 См.: 🔗2Пар. 14:6 🔗2Пар. 15:15	И умирися царство Иосафатово, и даде ему Господь покой окрест.
20:31 См.: 🔗3Цар. 22:42	И царствова Иосафат над Иудою, сый лет тридесяти пяти, егда царство прия и двадесять пять лет царствова во Иерусалиме. Имя же матери его Азува, дщи Салиина.
20:32	И хождаше в путех отца своего Асы, и не уклонися от них творити правое пред Господем:
20:33 См.: 🔗3Цар. 22:43	обаче высокая еще бяху, и еще людие не управиша сердца своего ко Господу Богу отец своих.
20:34 См.: 🔗3Цар. 22:45	Прочая же деяния Иосафатова первая и последняя, се, писана суть во словесех Ииуа сына Ананиина, иже написа книгу царей Израилевых.
20:35 См.: 🔗3Цар. 22:4	И по сих сообщися Иосафат царь Иудин со Охозиею царем Израилевым, и сей беззаконнова,
20:36 См.: 🔗3Цар. 22:48	занеже сотвори, и отиде к нему, да сотворят корабли, еже ити во Фарсис: и сотвори корабли в Гасион – Гавере.
20:37	И пророчествова Елиезер сын Додиа от Марисиса на Иосафата, глаголя: понеже возимел еси любовь со Охозиею, сокруши Господь дело твое, и сокрушишася корабли твоя и не возмогоша поити во Фарсис.