Вторая книга Паралипоменон (Вторая книга Хроник, Вторая Летопись), глава 11

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 11
11:1 См.: 🔗3Цар. 12:21	Прииде же Ровоам во Иерусалим, и созва (весь) дом Иудин и Вениаминь, сто осмьдесят тысящ избранных юношей творящих брань, и воеваше противу Израиля и Иеровоама, да обратит к себе царство.
11:2 См.: 🔗3Цар. 12:22	И бысть слово Господне к Самею человеку Божию, глаголя:
11:3	глаголи к Ровоаму сыну Соломоню, царю Иудину, и ко всему Израилю, иже есть во Иуде и Вениамине:
11:4 См.: 🔗3Цар. 12:24 🔗2Пар. 10:15	сия рече Господь: не восходите, ниже ополчайтеся противу братии вашея: возвратитеся кийждо в дом свой, зане от Мене бысть глаголгол сей. И послушаша слова Господня, и возвратишася, и не поидоша противу Иеровоама.
11:5	Обита же Ровоам во Иерусалиме и созда грады стенаты во Иудеи:
11:6 См.: 🔗Быт. 35:19	сострои же Вифлеем и Етам, и Фекуе
11:7	и Вефсур, и Сокхоф и Одоллам,
11:8	и Геф и Марисан, и Зиф
11:9	и Адурем, и Лахис и Азику,
11:10	и Салаю и Елон и Хеврон, иже есть Иудин и Вениаминь, грады крепкия:
11:11	и укрепи их стенами, и постави в них началники, житохранилища, и елей и вино,
11:12	во всяцем граде щиты и копия, и укрепи их во множестве зело, и быста под ним Иуда и Вениамин.
11:13	Священницы же и левиты, иже бяху во всем Израили, собрашася к нему от всех предел:
11:14 См.: 🔗Чис. 35:2 🔗3Цар. 12:31	яко оставиша левити селения одержания своего и поидоша ко Иуде во Иерусалим, понеже изгна их Иеровоам и сынове его, еже не служити Господеви:
11:15 См.: 🔗3Цар. 12:31 🔗2Пар. 13:9	и постави себе жерцы на высоких, и идолом, и суетным, и телцем, ихже сотвори Иеровоам.
11:16	И изгна их от всех колен Израилевых, иже вдаша сердце свое, да взыщут Господа Бога Израилева: и приидоша во Иерусалим пожрети Господу Богу отец своих:
11:17 См.: 🔗2Пар. 12:1	и укрепиша царство Иудино. И укрепися Ровоам сын Соломонь в три лета, хождаше бо по путем Давида и Соломона отца своего лета три.
11:18 См.: 🔗1Цар. 16:6	И взя себе Ровоам жену Моолафу, дщерь Иеримофа сына Давидова, и Авигею дщерь Елиава сына Иессеова.
11:19	И роди ему сыны: Иеуса и Самориа и Заама.
11:20 См.: 🔗2Пар. 13:2	По сих же поя себе Мааху дщерь Авессаломлю, и роди ему Авию и Иеффиа, и Зизу и Салимофа.
11:21 См.: 🔗3Цар. 15:2	И возлюби Ровоам Мааху дщерь Авессаломлю паче всех жен своих и подложниц своих, яко жен осмьнадесять име и подложниц шестьдесят: и роди двадесять осмь сынов и шестьдесят дщерей.
11:22 См.: 🔗3Цар. 15:1	И постави в началника Ровоам Авию сына Маахина и князем над всею братиею его, того бо и царем сотворити помышляше.
11:23	И возрасте паче всех братий своих во всех пределех Иудиных и Вениаминих и во градех крепких, и даде им пищи множество много, и многих взыска жен.