Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 3 | |
3:1 | О, несмысленнии Галате, кто вы прельстил есть не покоритися истине, имже пред очима Иисус Христос преднаписан бысть, в вас распят? |
3:2 См.: 🔗Деян. 2:38 🔗Деян. 10:43 | Сие едино хощу уведети от вас: от дел ли закона Духа приясте, или от слуха веры? |
3:3 См.: 🔗Гал. 5:7 | Тако ли несмысленни есте? Наченше духом, ныне плотию скончаваете? |
3:4 | Толика пострадасте туне? Аще точию и туне. |
3:5 | Подаяй убо вам Духа и действуяй силы в вас, от дел ли закона, или от слуха веры? |
3:6 | Якоже Авраам верова Богу, и вменися ему в правду. |
3:7 См.: 🔗Ин. 8:39 | Разумейте убо, яко сущии от веры, сии суть сынове Авраамли. |
3:8 См.: 🔗Быт. 12:3 | Предувидевшее же Писание, яко от веры оправдает языки Бог, прежде благовествова Аврааму, яко благословятся о тебе вси языцы. |
3:9 | Темже сущии от веры, благословятся с верным Авраамом: |
3:10 См.: 🔗Втор. 27:26 🔗Иер. 11:3 | елицы бо от дел закона суть, под клятвою суть. Писано бо есть: проклят всяк, иже не пребудет во всех писанных в книзе законней, яко творити я. |
3:11 | А яко в законе никтоже оправдается от Бога, яве, яко праведный от веры жив будет. |
3:12 См.: 🔗Лев. 18:5 | Закон же несть от веры: но сотворивый та человек жив будет в них. |
3:13 | Христос ны искупил есть от клятвы законныя, быв по нас клятва: писано бо есть: проклят всяк висяй на древе: |
3:14 См.: 🔗Ис. 44:5 🔗Деян. 3:25 | да в языцех благословение Авраамле будет о Христе Иисусе, да обетование Духа приимем верою. |
3:15 См.: 🔗Евр. 9:17 | Братие, по человеку глаголю: обаче человеческаго предутвержденна завета никтоже отметает или приповелевает. |
3:16 См.: 🔗Быт. 12:7 🔗Быт. 15:5 | Аврааму же речени быша обеты, и семени его. Не глаголет же: и семенем, яко о мнозех, но яко о едином: и семени твоему, иже есть Христос. |
3:17 См.: 🔗Исх. 12:40 🔗Деян. 7:6 | Сие же глаголю, завета предутвержденнаго от Бога во Христа, бывый по летех четыриста и тридесятих закон не отметает, во еже разорити обетование. |
3:18 См.: 🔗Рим. 8:17 🔗Гал. 2:21 | Аще бо от закона наследие, не ктому уже от обетования: Аврааму же обетованием дарова Бог. |
3:19 См.: 🔗Исх. 19:3 🔗Деян. 7:38 | Что убо закон? Преступлений ради приложися, дондеже приидет семя, емуже обетовася, вчинен Ангелы, рукою ходатая. |
3:20 | Ходатай же единаго несть, Бог же един есть. |
3:21 | Закон ли убо противу обетованием Божиим? Да не будет. Аще бо дан бысть закон могий оживити, воистинну от закона бы была правда: |
3:22 См.: 🔗Рим. 3:9 | но затвори Писание всех под грехом, да обетование от веры Иисус Христовы дастся верующым. |
3:23 | Прежде же пришествия веры, под законом стрегоми бехом, затворени в хотящую веру открытися. |
3:24 См.: 🔗Рим. 10:4 | Темже закон пестун нам бысть во Христа, да от веры оправдимся: |
3:25 | пришедшей же вере, уже не под пестуном есмы. |
3:26 См.: 🔗Ин. 1:12 🔗Рим. 8:15 | Вси бо вы сынове Божии есте верою о Христе Иисусе: |
3:27 См.: 🔗Рим. 6:3 | елицы бо во Христа крестистеся, во Христа облекостеся. |
3:28 См.: 🔗Ин. 17:21 🔗Рим. 10:12 | Несть Иудей, ни Еллин: несть раб, ни свободь: несть мужеский пол, ни женский: вси бо вы едино есте о Христе Иисусе. |
3:29 См.: 🔗Еф. 3:6 | Аще ли вы Христовы, убо Авраамле семя есте, и по обетованию наследницы. |