Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 11 | |
11:1 | Управи дела их рукою пророка святаго: |
11:2 См.: 🔗Исх. 15:22 | проидоша пустыню необитанную и в непроходимых водрузиша кущы, |
11:3 См.: 🔗Исх. 17:10 | сопротивишася супостатом и отмстиша врагом: |
11:4 | возжадаша и призваша Тебе, и дана бысть им вода от камене несекомаго и изцеление жажды от камене жестока. |
11:5 | Имиже бо наказани быша врази их, |
11:6 | сими сии во оскудении суще благодетелствовани быша: |
11:7 См.: 🔗Исх. 7:20 | за источник убо приснотекущия реки, кровию излиянною смятенныя, |
11:8 См.: 🔗Исх. 1:15 🔗Исх. 17:6 | во обличение младенцеубийственнаго повеления, дал еси им изюбилну воду безнадежно, |
11:9 | показав тогда жаждею, како противных умучил еси. |
11:10 См.: 🔗Втор. 8:2 🔗1Кор. 11:32 | Егда бо искушени быша и в милости наказани, познаша, како во гневе судимии нечестивии мучишася: |
11:11 | сих бо яко отец учащь искусил еси, онех же яко жесток царь осуждая истязал еси. |
11:12 | Отстоящии же и присутствующии такожде мучишася: |
11:13 | сугуба бо их прият печаль и стенание с памятию минувших. |
11:14 | Егда бо слышаху своими мучении благодействуемых оных, познаваху Господа: |
11:15 См.: 🔗Исх. 5:2 | егоже бо древле во отложении отвержена отрекошася смеющеся, при концы события удивишася, неподобною праведным томими жаждею. |
11:16 См.: 🔗Лев. 26:14 | За помышления же безумная неправды их, в нихже заблудивше почитаху безсловесная пресмыкающаяся и зверей худых, послал еси им множество безсловесных животных во отмщение, |
11:17 См.: 🔗Прем. 12:27 🔗Рим. 1:27 | да познают, яко имиже кто согрешает, сими и мучится. |
11:18 См.: 🔗Лев. 26:22 🔗Иер. 8:17 | Не неможаше бо всесильная рука Твоя, яже сотвори мир от безобразнаго вещества, послати на них множество медведей, или лютых львов, |
11:19 См.: 🔗Чис. 21:6 🔗Прем. 12:9 | или новосозданных ярости исполненых зверей незнаемых, или огненным дышущих духом, или злосмрадный произносящих дым, или страшныя из очей искры испускающих: |
11:20 | ихже не токмо вред можаше истребити я, но и зрак устрашающь погубити. |
11:21 | И без тех, единым духом пасти могоша, от суда гоними и развеяни от духа силы Твоея: но вся мерою и числом и весом расположил еси. |
11:22 См.: 🔗Рим. 9:19 | Еже бо много мощи, присутствует Тебе всегда, и державе мышцы Твоея кто сопротивится? |
11:23 | Понеже, якоже стражик в превесех, (тако) весь мир пред Тобою, и яко капля росы утренния, сходящия на землю. |
11:24 См.: 🔗Мих. 7:18 🔗Рим. 2:4 | Милуеши же всех, яко вся можеши, и презираеши грехи человеком в покаяние. |
11:25 См.: 🔗Прем. 12:13 | Любиши же сущая вся, и ни чесогоже гнушаешися, яже сотворил еси: ниже бо ненавидя что устроил еси. |
11:26 | Како же пребыло бы что, аще бы Ты не изволил еси? Или, еже не наречено от Тебе, сохранилося бы? |
11:27 См.: 🔗Прем. 12:16 🔗Иез. 18:23 | Щадиши же вся, яко Твоя суть, Владыко душелюбче! |