Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 2 | |
2:1 См.: 🔗Неем. 7:6 | Сии же суть сынове страны, иже взыдоша от плена преселения, ихже пресели Навуходоносор царь Вавилонский в Вавилон: и возвратишася во Иерусалим и Иудею кийждо муж во град свой. |
2:2 См.: 🔗Неем. 7:7 | Иже приидоша с Зоровавелем: Иисус, Неемиа, Сараиа, Реелиа, Мардохей, Валасан, Масфар, Вагуй, Реум, Ваана. Сие число мужем людий Израилевых: |
2:3 | сынове Фаресовы две тысящы сто седмьдесят и два, |
2:4 | сынове Сафатиевы триста седмьдесят два, |
2:5 См.: 🔗Неем. 7:10 | сынове Аресовы седмь сот седмьдесят пять, |
2:6 См.: 🔗Неем. 7:11 | сынове Фааф – Моавли от сынов Иисуевух и Иоавлих две тысящы осмь сот дванадесять, |
2:7 | сынове Еламли тысяща двести пятьдесят четыри, |
2:8 | сынове Зафуевы девять сот четыредесять пять, |
2:9 | сынове Закхани седмь сот шестьдесят, |
2:10 См.: 🔗Неем. 7:15 | сынове Вануевы шесть сот четыредесять два, |
2:11 | сынове Ваваевы шесть сот двадесять три, |
2:12 | сынове Авгадовы тысяща двести двадесять два, |
2:13 | сынове Адоникамовы шесть сот шестьдесят шесть, |
2:14 | сынове Вагуевы две тысящы пятьдесят шесть, |
2:15 | сынове Адины четыриста пятьдесят четыри, |
2:16 | сынове Атировы, иже бяху от Езекии, девятьдесят осмь, |
2:17 | сынове Вассуевы триста двадесять три, |
2:18 | сынове Иоравовы сто дванадесять, |
2:19 | сынове Асумли двести двадесять три, |
2:20 | сынове Гаверовы девятьдесят пять, |
2:21 | сынове Вефлаемли сто двадесять три, |
2:22 | сынове Нетофаевы пятьдесят шесть, |
2:23 См.: 🔗Иер. 1:1 | сынове Анафофовы сто двадесять осмь, |
2:24 | сынове Азмофовы четыредесять три, |
2:25 | сынове Кариафиаримли, Хафира и Вироф, седмь сот четыредесять три, |
2:26 | сынове от Рамы и Гаваи шесть сот двадесять един, |
2:27 | мужей Махмаских сто двадесять два, |
2:28 | мужей Вефилских и Гайских четыреста двадесять три, |
2:29 См.: 🔗1Цар. 21:1 | сынове от Навы пятьдесят два, |
2:30 | сынове Магевисовы сто пятьдесят шесть, |
2:31 | сынове Иламаровы тысяща двести пятьдесят четыри, |
2:32 | сынове Ирамли триста двадесять, |
2:33 | сынове Лиддоновы, Лодадидовы и Оновы седмь сот двадесять пять, |
2:34 | сынове Иерихони триста четыредесять пять, |
2:35 | сынове Сеннааевы три тысящы шесть сот тридесять. |
2:36 См.: 🔗1Пар. 24:7 | Священницы же: сынове Иедуевы в дому Иисуеве девять сот седмьдесят три, |
2:37 См.: 🔗1Пар. 24:14 | сынове Еммировы тысяща пятьдесят два, |
2:38 См.: 🔗1Пар. 9:12 | сынове Фассуровы тысяща двести четыредесять седмь, |
2:39 См.: 🔗1Пар. 24:8 | сынове Иремли тысяща седмьнадесять. |
2:40 См.: 🔗1Езд. 3:9 🔗Неем. 7:43 | Левити же сынове Иисуевы и Кадмиили от сынов Одуиевых седмьдесят четыри. |
2:41 | Певцы же сынове Асафовы сто двадесять осмь. |
2:42 | Сынове дверников: сынове Селлумли, сынове Атироы, сынове Телмоновы, сынове Акувовы, сынове Атитовы, сынове Соваиевы, всех сто тридесять девять. |
2:43 | Нафинее: сынове Суавли, сынове Суфатовы, сынове Тавваофли, |
2:44 | сынове Кирасовы, сынове Сирсавли, сынове Фадонины, |
2:45 | сынове Лавановы, сынове Агавовы, сынове Акувовы, |
2:46 | сынове Агавовы, сынове Селамиины, сынове Анановы, |
2:47 | сынове Геддилины, сынове Гааровы, сынове Раиаевы, |
2:48 | сынове Расоновы, сынове Некодовы, сынове Газемли, |
2:49 | сынове Азоковы, сынове Фасиевы, сынове Расиины, |
2:50 | сынове Асенаевы, сынове Мунниновы, сынове Нефусимли, |
2:51 | сынове Ваквуковы, сынове Акуфаевы, сынове Ануровы, |
2:52 | сынове Васалофовы, сынове Мидановы, сынове Арсановы, |
2:53 | сынове Варкосовы, сынове Сисарины, сынове Фемавли, |
2:54 | сынове Нафиевы, сынове Атифовы. |
2:55 См.: 🔗3Цар. 9:21 🔗Неем. 11:3 | Сынове слуг Соломоновых: сынове Сотаевы, сынове Сефирины, сынове Фадуровы, |
2:56 | сынове Иеалаевы, сынове Дерконовы, сынове Геддилины, |
2:57 | сынове Сафатиевы, сынове Аттилевы, сынове Фахерафовы, сынове Асевоимли, сынове Имеевы: |
2:58 | вси нафанимовы и сынове слуг Соломоновых триста девятьдесят два. |
2:59 См.: 🔗Неем. 7:61 | И сии, иже восхождаху от Фелмелеха, Фелариса, Херув, Идан, Еммир, и не могоша сказати дому отечества своего и семене своего, от Израиля ли быша: |
2:60 | сынове Далаиевы, сынове Товиевы, сынове Некодаевы, шесть сот пятьдесят два: |
2:61 См.: 🔗Неем. 7:63 🔗2Цар. 17:27 | и от сынов священнических сынове Оваиевы, сынове Аккусовы, сынове Верзеллаевы, иже поя от дщерей Верзеллаа Галаадитина жену и наречеся именем их: |
2:62 См.: 🔗Неем. 7:64 | тии искаша писания роду своему и не обретоша, и изгнани суть от священства. |
2:63 | И рече Аферсафа им, да не ядят от святаго святых, дондеже востанет священник со изявлением и истиною. |
2:64 См.: 🔗Неем. 7:66 | Все же множество купно яко четыри тмы две тысящы триста шестьдесят, |
2:65 См.: 🔗Неем. 7:67 | кроме рабов их и рабынь их, сих седмь тысящ триста тридесять седмь: и сии певцы и певницы двести. |
2:66 | Коней их седмь сот тридесять шесть, мсков их двести четыредесять пять, |
2:67 | велблюдов их четыреста тридесять пять, ослов их шесть тысящ седмь сот двадесять. |
2:68 | И от князей отечеств, егда вхождаху тии в церковь Господню, яже во Иерусалиме, добровольно принесоша в дом Божий, поставити его на основании его: |
2:69 | по силе своей даша в росход дела, злата драхм шестьдесят тысящ и тысящу, и сребра мнас пять тысящ, и одеяний священнических сто. |
2:70 | И седоша священницы и левити, и иже от людий, и певцы и дверницы и нафинимляне во градех своих, и весь Израиль во градех своих. |