Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Псаломъ 105 | |
105:1 См.: 🔗Пс. 117:1 | Исповедайтеся Господеви, яко благ, яко в век милость Его. |
105:2 См.: 🔗Сир. 43:34 | Кто возглаголет силы Господни, слышаны сотворит вся хвалы Его? |
105:3 См.: 🔗Пс. 36:37 | Блажени хранящии суд и творящии правду во всякое время. |
105:4 См.: 🔗Неем. 5:19 | Помяни нас, Господи, во благоволении людий Твоих, посети нас спасением Твоим, |
105:5 См.: 🔗Пс. 2:8 | видети во благости избранныя Твоя, возвеселитися в веселии языка Твоего, хвалитися с достоянием Твоим. |
105:6 См.: 🔗Дан. 9:5 | Согрешихом со отцы нашими, беззаконновахом, неправдовахом: |
105:7 См.: 🔗Исх. 14:11 | отцы наши во Египте не разумеша чудес Твоих, ни помянуша множества милости Твоея: и преогорчиша восходяще в Чермное море. |
105:8 | И спасе их имене Своего ради, сказати силу Свою: |
105:9 См.: 🔗Исх. 14:21 🔗Пс. 77:13 | и запрети Чермному морю, и изсяче: и настави я в бездне яко в пустыни. |
105:10 См.: 🔗Лк. 1:71 | И спасе я из руки ненавидящих и избави я из руки врагов. |
105:11 См.: 🔗Исх. 14:28 | Покры вода стужающыя им: ни един от них избысть. |
105:12 | И вероваша словеси Его и воспеша хвалу Его. |
105:13 См.: 🔗Иер. 2:32 | Ускориша, забыша дела Его, не стерпеша совета Его: |
105:14 См.: 🔗Чис. 11:33 | и похотеша желанию в пустыни и искусиша Бога в безводней. |
105:15 См.: 🔗Иак. 4:3 | И даде им прошение их, посла сытость в душы их. |
105:16 См.: 🔗Чис. 16:2 | И прогневаша Моисеа в стану, Аарона святаго Господня. |
105:17 См.: 🔗Чис. 16:31 🔗Втор. 11:6 | Отверзеся земля и пожре Дафана и покры на сонмищи Авирона: |
105:18 | и разжжеся огнь в сонме их, пламень попали грешники. |
105:19 См.: 🔗Исх. 32:4 | И сотвориша телца в Хориве и поклонишася истуканному: |
105:20 См.: 🔗Рим. 1:23 | и измениша славу Его в подобие телца ядущаго траву. |
105:21 | И забыша Бога спасающаго их, сотворшаго велия во Египте, |
105:22 | чудеса в земли Хамове, страшная в мори Чермнем. |
105:23 См.: 🔗Исх. 32:11 | И рече потребити их, аще не бы Моисей избранный Его стал в сокрушении пред Ним, возвратити ярость Его, да не погубит их. |
105:24 См.: 🔗Чис. 14:2 | И уничижиша землю желанную, не яша веры словеси Его: |
105:25 См.: 🔗Втор. 1:27 | и поропташа в селениих своих, не услышаша гласа Господня. |
105:26 См.: 🔗Чис. 14:29 | И воздвиже руку Свою на ня, низложити я в пустыни, |
105:27 | и низложити семя их во языцех, и расточити я в страны. |
105:28 См.: 🔗Чис. 25:3 | И причастишася Веельфегору и снедоша жертвы мертвых: |
105:29 | и раздражиша Его в начинаниих своих, и умножися в них падение. |
105:30 См.: 🔗Чис. 25:7 | И ста Финеес и умилостиви, и преста сечь: |
105:31 См.: 🔗Чис. 25:13 | и вменися ему в правду, в род и род до века. |
105:32 См.: 🔗Чис. 20:3 | И прогневаша Его на воде Пререкания, и озлоблен бысть Моисей их ради: |
105:33 | яко преогорчиша дух его и разнствова устнама своима. |
105:34 См.: 🔗Втор. 7:2 | Не потребиша языки, яже рече Господь им. |
105:35 См.: 🔗Ос. 7:8 | И смесишася во языцех и навыкоша делом их: |
105:36 См.: 🔗Исх. 23:33 🔗Втор. 7:16 | и поработаша истуканным их, и бысть им в соблазн. |
105:37 | И пожроша сыны своя и дщери своя бесовом, |
105:38 | и пролияша кровь неповинную, кровь сынов своих и дщерей, яже пожроша истуканным Ханаанским: и убиена бысть земля их кровьми |
105:39 | и осквернися в делех их: и соблудиша в начинаниих своих. |
105:40 См.: 🔗Суд. 2:14 🔗Суд. 3:8 | И разгневася яростию Господь на люди Своя и омерзи достояние Свое: |
105:41 | и предаде я в руки врагов, и обладаша ими ненавидящии их. |
105:42 | И стужиша им врази их: и смиришася под руками их. |
105:43 | Множицею избави я: тии же преогорчиша Его советом своим, и смиришася в беззакониих своих. |
105:44 | И виде Господь, внегда скорбети им, внегда услышаше моление их: |
105:45 См.: 🔗Втор. 30:1 | и помяну завет Свой, и раскаяся по множеству милости Своея: |
105:46 | и даде я в щедроты пред всеми пленившими я. |
105:47 См.: 🔗1Пар. 16:35 🔗Ис. 11:12 | Спаси ны, Господи, Боже наш, и собери ны от язык, исповедатися имени Твоему святому, хвалитися во хвале Твоей. |
105:48 | Благословен Господь Бог Израилев от века и до века. И рекут вси людие: буди, буди. |