Откровение Иоанна Богослова (Апокалипсис), глава 2

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Рус. (еп. Кассиан) Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 2
2:1 См.: 🔗Отк. 1:16	Ангелу Ефесския церкве напиши: тако глаголет Держяй седмь звезд в деснице Своей, Ходяй посреде седми светилников златых:
2:2 См.: 🔗1Ин. 4:1 🔗2Кор. 11:13 🔗2Тим. 2:19	вем твоя дела, и труд твой, и терпение твое, и яко не можеши носити злых, и искусил еси глаголющыяся быти апостолы, и не суть, и обрел еси их ложных:
2:3 См.: 🔗Гал. 6:9	и понесл еси, и терпение имаши, и за имя Мое трудился еси и не изнемогл еси.
2:4	Но имам на тя, яко любовь твою первую оставил еси.
2:5 См.: 🔗Иез. 18:24 🔗Отк. 3:3	Помяни убо, откуду спал еси, и покайся, и первая дела сотвори: аще же ни, гряду тебе скоро и двигну светилник твой от места своего, аще не покаешися.
2:6	Но се имаши, яко ненавидиши дел Николаитских, ихже и Аз ненавижду.
2:7 См.: 🔗Быт. 2:9 🔗1Езд. 7:58	Имеяй ухо да слышит, что Дух глаголет церквам: побеждающему дам ясти от древа животнаго, еже есть посреде рая Божия.
2:8 См.: 🔗Ис. 41:4 🔗Ис. 44:6 🔗Ис. 48:12	И Ангелу церкве Смирнския напиши: тако глаголет Первый и Последний, Иже бысть мертв, и (се,) жив есть:
2:9 См.: 🔗Лк. 6:20 🔗Иак. 2:5 🔗Рим. 2:29	вем твоя дела и скорбь и нищету, но богат еси, и хулы глаголющихся быти Иудей, и не суть, но сонмище сатанино.
2:10 См.: 🔗Мф. 10:21	Не бойся ничесоже, яже имаши пострадати. Се, имать диавол всаждати от вас в темницы, да искуситеся: и имети будете скорбь до десяти дний. Буди верен даже до смерти, и дам ти венец живота.
2:11 См.: 🔗Отк. 21:8	Имеяй ухо слышати да слышит, что Дух глаголет церквам: побеждаяй не имать вредитися от смерти вторыя.
2:12 См.: 🔗Отк. 1:16 🔗Отк. 19:21	И Ангелу Пергамския церкве напиши: тако глаголет Имеяй мечь обоюду изощрен:
2:13	вем дела твоя, и где живеши, идеже престол сатанин: и держиши имя Мое, и не отверглся еси веры Моея и в (Моя) дни, в няже Антипас свидетель Мой верный, иже убиен бысть в вас, идеже живет сатана.
2:14 См.: 🔗Чис. 25:1 🔗Чис. 31:16	Но имам на тя мало, яко имаши ту держащих учение Валаамово, иже учаше Валака положити соблазн пред сынми Израилевыми, ясти жертвы идолския и любы творити.
2:15	Тако имаши и ты держащыя учение Николаитско, егоже ненавижду.
2:16 См.: 🔗Ис. 11:4 🔗2Фес. 2:8 🔗Отк. 1:16	Покайся: аще ли ни, прииду тебе скоро и брань сотворю с ними мечем уст Моих.
2:17 См.: 🔗Ис. 65:15 🔗Ин. 6:33	Имеяй ухо слышати да слышит, что Дух глаголет церквам: побеждающему дам ясти от манны сокровенныя, и дам ему камень бел и на камени имя ново написано, егоже никтоже весть, токмо приемляй.
2:18 См.: 🔗Отк. 1:14	И Ангелу Фиатирския церкве напиши: тако глаголет Сын Божий, Имеяй очи свои яко пламень огнен, и нозе Его подобне халколивану:
2:19 См.: 🔗2Кор. 9:12	вем твоя дела и любовь, и службу и веру, и терпение твое и дела твоя, и последняя болша первых.
2:20 См.: 🔗Исх. 34:15 🔗1Кор. 10:19	Но имам на тя мало, яко оставляеши жене Иезавели, глаголющей себе быти пророчицу, учити и льстити Моя рабы, любодействовати и снести жертву идолскую.
2:21	И дах ей время, да покается от любодейства своего, и не покаяся.
2:22	Се, Аз полагаю ю на одре и любодеющыя с нею в скорбь велию, аще не покаются от дел своих:
2:23 См.: 🔗1Цар. 16:7 🔗Пс. 7:10 🔗Иер. 11:20 🔗Иер. 17:10	и чада их умрут смертию: и уразумеют вся церкви, яко Аз есмь испытаяй сердца и утробы: и дам вам комуждо по делом вашым.
2:24	Вам же глаголю и прочым сущым в Фиатире, иже не имут учения сего и иже не разумеют глубин сатаниных, якоже глаголют: не возложу на вы тяготы иныя:
2:25	токмо, еже имате, держите, дондеже прииду.
2:26 См.: 🔗Дан. 7:22 🔗Ин. 6:29 🔗1Кор. 6:3	И побеждающему и соблюдающему дела Моя до конца, дам ему власть на языцех,
2:27 См.: 🔗Пс. 2:9	и упасет я жезлом железным, яко сосуды скудельничи сокрушатся, якоже и Аз приях от Отца Моего:
2:28 См.: 🔗2Пет. 1:19 🔗Отк. 22:16	и дам ему звезду утреннюю.
2:29	Имеяй ухо слышати да слышит, что Дух глаголет церквам.