Евангелие от Иоанна, глава 14

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Рус. (еп. Кассиан) Беларускi Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 14
14:1	Да не смущается сердце ваше: веруйте в Бога, и в Мя веруйте:
14:2	в дому Отца Моего обители многи суть: аще ли же ни, рекл бых вам: иду уготовати место вам:
14:3 См.: 🔗Ин. 17:24 🔗1Фес. 4:17	и аще уготовлю место вам, паки прииду и поиму вы к Себе, да идеже есмь Аз, и вы будете:
14:4	и аможе Аз иду, весте, и путь весте.
14:5	Глагола Ему Фома: Господи, не вемы, камо идеши: и како можем путь ведети?
14:6 См.: 🔗Ис. 35:8 🔗Ин. 1:14 🔗Ин. 6:33 🔗Ин. 8:32 🔗Ин. 10:28 🔗Ин. 11:25 🔗1Ин. 5:20 🔗Еф. 1:13	Глагола ему Иисус: Аз есмь путь и истина и живот: никтоже приидет ко Отцу, токмо Мною:
14:7	аще Мя бысте знали, и Отца Моего знали бысте (убо): и отселе познасте Его, и видесте Его.
14:8	Глагола Ему Филипп: Господи, покажи нам Отца, и довлеет нам.
14:9	Глагола ему Иисус: толико время с вами есмь, и не познал еси Мене, Филиппе? Видевый Мене виде Отца: и како ты глаголеши: покажи нам Отца?
14:10	Не веруеши ли, яко Аз во Отце, и Отец во Мне есть? Глаголголы, яже Аз глаголю вам, о Себе не глаголю: Отец же во Мне пребываяй, Той творит дела:
14:11	веруйте Мне, яко Аз во Отце, и Отец во Мне: аще ли же ни, за та дела веру имите Ми.
14:12	Аминь, аминь глаголю вам: веруяй в Мя, дела, яже Аз творю, и той сотворит, и болша сих сотворит: яко Аз ко Отцу Моему гряду:
14:13 См.: 🔗Мф. 7:7 🔗Мк. 11:24 🔗Лк. 11:9 🔗Ин. 15:7 🔗Ин. 16:23 🔗Иак. 1:6	и еже аще что просите (от Отца) во имя Мое, то сотворю, да прославится Отец в Сыне:
14:14	(и) аще чесо просите во имя Мое, Аз сотворю.
14:15	Аще любите Мя, заповеди Моя соблюдите,
14:16	и Аз умолю Отца, и иного Утешителя даст вам, да будет с вами в век,
14:17 См.: 🔗Ин. 16:13 🔗1Кор. 2:14	Дух истины, Егоже мир не может прияти, яко не видит Его, ниже знает Его: вы же знаете Его, яко в вас пребывает и в вас будет.
14:18	Не оставлю вас сиры: прииду к вам:
14:19 См.: 🔗Ин. 11:25 🔗1Фес. 4:14	еще мало, и мир ктому не увидит Мене: вы же увидите Мя, яко Аз живу, и вы живи будете:
14:20	в той день уразумеете вы, яко Аз во Отце Моем, и вы во Мне, и Аз в вас.
14:21	Имеяй заповеди Моя и соблюдаяй их, той есть любяй Мя: а любяй Мя возлюблен будет Отцем Моим, и Аз возлюблю его и явлюся ему Сам.
14:22	Глагола Ему Иуда не Искариотский: Господи, и что бысть, яко нам хощеши явитися, а не мирови?
14:23 См.: 🔗Зах. 2:10 🔗1Кор. 3:16 🔗Отк. 3:20	Отвеща Иисус и рече ему: аще кто любит Мя, слово Мое соблюдет: и Отец Мой возлюбит его, и к нему приидема и обитель у него сотворима:
14:24 См.: 🔗Ин. 12:49	не любяй Мя словес Моих не соблюдает: и слово, еже слышасте, несть Мое, но пославшаго Мя Отца.
14:25	Сия глаголах вам в вас сый:
14:26 См.: 🔗Ин. 15:26	Утешитель же, Дух Святый, Егоже послет Отец во имя Мое, той вы научит всему и воспомянет вам вся, яже рех вам.
14:27 См.: 🔗Флп. 4:7	Мир оставляю вам, мир Мой даю вам: не якоже мир дает, Аз даю вам. Да не смущается сердце ваше, ни устрашает.
14:28	Слышасте, яко Аз рех вам: иду и прииду к вам. Аще бысте любили Мя, возрадовалися бысте (убо), яко рех: иду ко Отцу: яко Отец Мой болий Мене есть.
14:29	И ныне рех вам, прежде даже не будет, да, егда будет, веру имете.
14:30 См.: 🔗Ин. 12:31 🔗Ин. 16:11	Ктому не много глаголю с вами: грядет бо сего мира князь и во Мне не имать ничесоже.
14:31 См.: 🔗Ин. 10:18 🔗Евр. 10:7	Но да разумеет мир, яко люблю Отца, и якоже заповеда Мне Отец, тако творю: востаните, идем отсюду.