Книга пророка Исаии, глава 47

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 47
47:1 См.: 🔗Иер. 13:18 🔗Иер. 48:18 🔗Втор. 28:56	Сниди, сяди на земли, дево, дщи Вавилоня, вниди во тму, дщи Халдейска, яко не приложиши ксему прозыватися мягка и юна.
47:2 См.: 🔗Суд. 16:21	Возми жерновы, мели муку, открый покрывало твое, открый седины, возсучи голени, прейди реки:
47:3 См.: 🔗Наум. 3:5	открыется студ твой, явятся укоризны твоя, праведное от тебе возму, ктому не предам человеком.
47:4 См.: 🔗1Тим. 4:10	Рече Избавивый тя Господь Саваоф, имя Ему Святый Израилев:
47:5	сяди умилена, вниди во тму, дщи Халдейска, ксему не прозовешися крепость царства.
47:6 См.: 🔗Зах. 1:15 🔗2Цар. 24:14	Разгневахся на люди Моя, осквернила еси наследие Мое: Аз вдах я в руку твою, ты же не дала им милости, старчий ярем отягчила еси зело
47:7 См.: 🔗Отк. 18:7	и рекла еси: в век буду владычица: не помыслила еси сих в сердцы твоем, ниже помянула еси последних:
47:8 См.: 🔗Соф. 2:15	ныне же слыши сие, юная, седящая, уповающая, глаголющая в сердцы своем: аз есмь, и несть иныя, не сяду вдовою и не познаю сиротства.
47:9 См.: 🔗Ис. 51:19	Ныне же приидут на тя два сия внезапу во един день, безчадие и вдовство внезапу приидет на тя, в волшебстве твоем и в крепости волхвов твоих зело,
47:10 См.: 🔗Пс. 61:11 🔗Ис. 30:12 🔗Иез. 28:2	в надеянии злобы твоея: ты бо рекла еси: аз есмь, и несть иныя: увеждь, яко смышление сих и блужение твое будет тебе срам: и рекла еси сердцем своим: аз есмь, и несть иныя.
47:11	И приидет на тя пагуба, и не увеси, пропасть, и впадеши в ню: и приидет на тя печаль, и не возможеши чиста быти: и приидет на тя внезапу пагуба, и не увеси.
47:12	Стани ныне с волхвы твоими и со многими чары твоими, имже научилася еси из юности твоея, аще возмогут ти помощи.
47:13	Утрудилася еси в советех твоих: да станут ныне и спасут тя звездочетцы небесе, смотряющии звезд, да возвестят ти, что имать на тя приити.
47:14 См.: 🔗Ис. 33:11 🔗Иов. 31:12	Се, вси яко хврастие огнем погорят и не изимут души своея из пламене, понеже имаши углие огненное, сяди на них.
47:15	Сии будут тебе помощь: трудилася еси в преложении от юности, человек сам в себе прельстися, тебе не не будет спасения.