Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 1 | |
1:1 См.: 🔗Чис. 33:8 | Сия словеса, яже глагола Моисей всему Израилю об ону страну Иордана, в пустыни на запады, близ Чермнаго моря, между Фараном и Тофолом, и Ловоном и Авлоном и златыми рудами: |
1:2 См.: 🔗Исх. 3:1 | единонадесяти дний от Хорива путь чрез гору Сиир даже до Кадис – Варни. |
1:3 | И бысть в четыредесятое лето, в первыйнадесять месяц, в первый день месяца глагола Моисей ко всем сыном Израилевым, по всему елико заповеда ему Господь к ним, |
1:4 См.: 🔗Чис. 21:24 | по убиении Сиона царя Аморрейска, жившаго во Есевоне, и Ога царя Васанска, жившаго во Астарофе и во Едраине, |
1:5 | об ону страну Иордана в земли Моавли, нача Моисей изясняти закон сей, глаголя: |
1:6 См.: 🔗Исх. 19:1 🔗Чис. 10:11 | Господь Бог наш глагола нам в Хориве, глаголя: да довлеет вам жити в горе сей: |
1:7 См.: 🔗Быт. 2:14 🔗Быт. 15:18 | обратитеся и воздвигнитеся вы, и внидите в гору Аморрейску, и ко всем населником Аравы, в гору и поле, и к югу и в приморскую землю Ханааню, и во Антиливан, даже до реки великия, реки Евфрата: |
1:8 | видите, предах пред вами землю, вшедше наследите землю, еюже клятся Господь отцем вашым, Аврааму и Исааку и Иакову, дати ю им и семени их по них. |
1:9 См.: 🔗Исх. 18:18 🔗Чис. 11:14 | И рекох к вам во время оно глаголя: не возмогу един водити вас: |
1:10 См.: 🔗Быт. 15:5 | Господь Бог ваш умножил вы есть, и се, есте днесь яко звезды небесныя множеством: |
1:11 | Господь Бог отец ваших да приложит вам, яко да будете тысящами сугубо, и да благословит вас, яко же глагола вам: |
1:12 | како возмогу един носити труды вашя и тяжести вашя и пререкания ваша? |
1:13 | Изберите себе мужы мудры и уметелны и смысленны в племенех ваших, и поставлю их над вами старейшины вам. |
1:14 | И отвещасте ми и рекосте: добро слово, еже глаголал еси сотворити. |
1:15 См.: 🔗Исх. 18:25 🔗Чис. 11:16 | И взях от вас мужы мудры и уметелны и смысленны, и поставих их владети над вами тысященачалники и стоначалники, и пятьдесятоначалники и десятоначалники, и писмовводители судиям вашым. |
1:16 См.: 🔗Ин. 7:24 | И заповедах судиям вашым во время оно, глаголя: разслушайте посреде братий ваших, и судите праведно посреде мужа и посреде брата его и посреде пришелца его: |
1:17 | да не познаете лица в суде, малому и великому судиши, и не устыдишися лица человеча, яко суд Божий есть: и речь, яже аще жестока будет у вас, донесете ю ко мне, и услышу ю. |
1:18 | И заповедах вам во время оно вся словеса, яже сотворите. |
1:19 См.: 🔗Чис. 13:1 | И воздвигшеся от Хорива, проидохом всю пустыню великую и страшную ону, юже видесте, путь горы Аморрейски, якоже заповеда нам Господь Бог наш: и приидохом до Кадис – Варни. |
1:20 | И рекох вам: приидосте до горы Аморрейски, юже Господь Бог наш дает вам: |
1:21 См.: 🔗Нав. 8:1 | видите, предаде Господь Бог ваш пред лицем вашим землю: вшедше наследите, якоже глагола Господь Бог отец ваших вам: небойтеся, ни ужасайтеся. |
1:22 См.: 🔗Чис. 13:3 | И приидосте ко мне вси и рекосте: да послем мужы пред нами, и да соглядают нам землю, и да поведят нам ответ, путь, имже дойдем ея, и грады, в няже внидем. |
1:23 | И угодно бысть слово предо мною, и поях от вас дванадесять мужей, мужа единаго от коегождо племене. |
1:24 См.: 🔗Чис. 13:24 | И обратившеся взыдоша на гору, и приидоша до дебри Грезновныя, и соглядаша ю: |
1:25 См.: 🔗Чис. 13:28 | и взяша в руце свои от плода земли и принесоша к нам, и глаголаху: блага земля, юже Господь Бог наш дает нам. |
1:26 | И не восхотесте взыти, но преслушасте глаголгол Господа Бога вашего: |
1:27 См.: 🔗Чис. 14:2 🔗Пс. 105:24 | и возроптасте в кущах своих и рекосте: ненависти ради изведе ны Господь из земли Египетския предати нас в руки Аморрейския, потребити нас: |
1:28 См.: 🔗Чис. 32:9 🔗Быт. 11:4 | камо мы взыдем? Братия же вашя отвратиша сердца ваша, глаголюще: язык велик и мног и крепчае нас, и грады велицы и ограждени даже до небесе, но и сыны Исполинов видехом тамо. |
1:29 См.: 🔗Нав. 2:9 | И глаголах к вам: не ужасайтеся, ниже убойтеся от них: |
1:30 См.: 🔗Исх. 14:14 🔗Нав. 10:14 | Господь Бог ваш предходяй пред лицем вашим, Той повоюет их с вами, по всему елико сотвори вам в земли Египетстей пред очима вашима, |
1:31 | и в пустыни сей, юже видесте: яко воспита тебе Господь Бог твой, якоже некий человек питает сына своего, по всему пути в оньже ходисте, дондеже приидосте на место сие. |
1:32 См.: 🔗Пс. 77:32 🔗Евр. 3:18 | И в словеси сем не веровасте Господеви Богу вашему, |
1:33 См.: 🔗Исх. 13:21 | иже предходит пред вами в путь избрати вам место, путеводя вас огнем нощию, показуя вам путь, имже ити по нем, и облаком во дни. |
1:34 | И услыша Господь (Бог) глас словес ваших, и разгневався клятся, глаголя: |
1:35 | аще узрит кто от мужей сих землю благую сию, еюже Аз кляхся отцем их, |
1:36 | разве Халев сын Иефонниин, сей узрит ю, и сему дам землю, на нюже взыде, и сыном его, понеже прилежит Господеви. |
1:37 | И на мя разгневася Господь вас ради, глаголя: ниже ты внидеши тамо: |
1:38 | Иисус сын Навин, иже стоит пред тобою, сей внидет тамо: сего укрепи, яко сей даст ю в наследие Израилю: |
1:39 См.: 🔗Чис. 14:31 🔗Ион. 4:11 | и отрочата ваша, о нихже глаголасте, яко в пленении имут быти, и всяко отроча младо, еже не весть днесь добра или зла, сии внидут тамо, и сим дам ю, и сии наследят ю: |
1:40 См.: 🔗Чис. 14:25 | и вы обратившеся ополчистеся в пустыню, путем к Чермному морю. |
1:41 См.: 🔗Чис. 14:40 | И отвещасте и рекосте мне: согрешихом пред Господем Богом нашим: мы шедше повоюем, по всему елико заповеда Господь Бог наш нам. И вземше кийждо орудия ратная своя и собравшеся взыдосте на гору. |
1:42 См.: 🔗Втор. 23:14 | И рече Господь ко мне: рцы им: не восходите, ниже ратуйте, несмь бо с вами, и да не будете сотрени пред враги вашими. |
1:43 См.: 🔗Чис. 14:41 | И глаголах к вам, и не послушасте мене: и преступисте слово Господне, и понудившеся взыдосте на гору. |
1:44 | И изыде Аморрей живущий на горе той противу вам, и прогна вас, аки бы пчелы творили, и уязвляху вас от Сиира даже до Ермы. |
1:45 | (И возвратистеся,) и седше плакасте пред Господем, и не послуша Господь гласа вашего, ниже внят вам: |
1:46 См.: 🔗Втор. 2:14 | и седесте в Кадисе дни многи, елики дни тогда седесте. |