Книга пророка Иеремии, глава 50

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 50
50:1 См.: 🔗Ис. 13:1 🔗Ис. 14:4	Слово, еже рече Господь на Вавилон и на землю Халдейскую Иеремиею пророком.
50:2 См.: 🔗Ис. 46:1	Возвестите во языцех и слышано сотворите, воздвигните знамение, возопийте и не скрывайте, рцыте: пленен бысть Вавилон, посрамися Вил, победися Меродах, посрамишася изваяния его, сокрушишася кумиры их.
50:3 См.: 🔗Иер. 4:25 🔗Иер. 9:10	Яко прииде нань язык от севера, той положит землю его в запустение, и не будет живяй в ней от человека даже и до скота: подвигнушася, отидоша.
50:4 См.: 🔗Ис. 55:6 🔗Ос. 3:5 🔗Ос. 6:1	В тыя дни и в то время, глаголет Господь, приидут сынове Израилевы, тии и сынове Иудины вкупе ходяще и плачуще пойдут и Господа Бога своего взыщут.
50:5	Во Сион испытают стези, тамо бо обративше лица своя приидут и приложатся ко Господу заветом вечным, иже забвению не предастся.
50:6 См.: 🔗Иер. 2:8 🔗Иер. 10:21 🔗Иез. 34:1	Овцы погибшыя быша людие Мои, пастырие их совратиша их и сотвориша я крытися по горам: с горы на холм ходиша.
50:7	Забыша ложа своего, вси обретающии их снедаху их, и врази их рекоша: не пощадим их, зане согрешиша Господу, пажить правды, собирающему отцев их Господу.
50:8 См.: 🔗Ис. 48:20 🔗Иер. 51:6 🔗Отк. 18:4	Отидите от среды Вавилона и от земли Халдейски изыдите, и будите яко козлища пред овцами.
50:9	Яко се, Аз воздвигну и приведу на Вавилон собрания языков великих от земли полунощныя, и ополчатся нань: оттуду пленен будет, якоже стрела мужа сильна искусна и возвратится праздна.
50:10	И будет земля Халдейска в разграбление, вси грабителе ея наполнятся глаголет Господь:
50:11 См.: 🔗Иез. 34:18	зане веселистеся и велеречивасте, расхищающе наследие Мое, скакасте бо яко телцы на траве и бодосте якоже волы.
50:12	Поругана бысть мати ваша зело, и посрамися родившая вас: се, последняя во языцех пуста и непроходна и суха.
50:13 См.: 🔗Иер. 18:16 🔗Иер. 49:17	От гнева Господня не поживут во век: но будет весь в запустение, и всяк ходяй сквозе Вавилон подивится и позвиждет над всякою язвою Его.
50:14	Ополчитеся на Вавилон, вси окрестнии наляцающии лук, стреляйте нань, не щадите стрел ваших, понеже пред Господем согреши,
50:15 См.: 🔗Втор. 32:35 🔗Рим. 12:19	возмите его: ослабеша руце его, падоша основания его, сокрушишася забрала его, яко месть Господня есть: отмстите ему, якоже сотвори, сотворите ему:
50:16	потребите семя от Вавилона, и держащаго серп во время жатвы от лица меча Еллинска, кийждо к людем своим обратится, и кийждо в землю свою убежит.
50:17 См.: 🔗4Цар. 15:19 🔗4Цар. 16:7 🔗4Цар. 17:3	Овча заблуждающее Израиль, львове изнуриша е: первее яде его царь Ассур, сей же последний и кости оглода ему Навуходоносор царь Вавилонский.
50:18 См.: 🔗4Цар. 19:35 🔗Ис. 37:36	Сего ради тако глаголет Господь Вседержитель, Бог Израилев: се, Аз посещу на царя Вавилонска и на землю его, якоже посетих на царя Ассурска,
50:19 См.: 🔗3Цар. 18:19 🔗Втор. 32:14	и возведу паки Израиля на пажить его, и упасется в Кармиле и Васане, и в горе Ефремли и в Галааде, и насытится душа его.
50:20 См.: 🔗Иер. 31:34 🔗Иер. 33:8 🔗Дан. 9:24	В тыя дни и в той час, глаголет Господь, поищут неправды Израилевы, и не будет, и грехов Иудиных, и не обрящутся: яко милостив буду им оставшымся.
50:21	На землю владеющих взыди и на живущих в ней посети, разори и убий сущыя по них, глаголет Господь, и сотвори вся, елика заповедаю тебе.
50:22	Глас брани и сотрение велико в земли Халдейстей.
50:23 См.: 🔗Ис. 13:19 🔗Ис. 14:4 🔗Отк. 18:17	Како сокрушися и сотреся млат всея земли? Како обратися в пустыню Вавилон во языцех?
50:24	Взыдут на тя, и пленен будеши, и не познаеши, яко Вавилон еси: обретен и ят еси, понеже разгневал еси Господа.
50:25 См.: 🔗Втор. 32:34 🔗Ис. 13:5 🔗Рим. 2:5	Отверзе Господь сокровища Своя и изнесе сосуды гнева Своего, яко дело есть Господу Вседержителю в земли Халдейстей:
50:26	яко приидоша времена его: отверзите хранилища его и испытайте и, аки вертеп, и погубите его, да не будет останка его.
50:27 См.: 🔗Иер. 46:21 🔗4Цар. 25:9	Изсушите вся плоды его, и да снидут в заклание: горе им, яко прииде день их и час отмщения их.
50:28	Глас бежащих и избегших от земли Вавилонския, да возвестят в Сионе отмщение Господа Бога нашего, отмщение храма Его.
50:29 См.: 🔗Отк. 17:16 🔗Отк. 18:6	Возвестите на Вавилон многим, всем наляцающым лук, ополчитеся нань окрест: да не убежит ни един из него: воздайте ему по делом его, по всему, елика сотвори, сотворите ему, яко воста на Господа Бога Святаго Израилева.
50:30 См.: 🔗Иер. 49:26	Сего ради падут юноши его на стогнах его, и вси мужие воинстии его низвержени будут в той день, глаголет Господь.
50:31 См.: 🔗Иер. 46:10 🔗Отк. 18:8	Се, Аз на тя, горде, глаголет Господь Бог Вседержитель, яко прииде день твой и час посещения твоего:
50:32 См.: 🔗Иер. 11:16	и падет гордыня твоя и разрушится, и не будет возставляяй ю: и возжгу огнь в дубраве его, и пояст вся окрестная его.
50:33	Тако глаголет Господь Вседержитель: порабощение терпят сынове Израилевы и сынове Иудины, вкупе вси пленившии их поработиша их, не хощут бо отпустити их.
50:34	Избавитель же их сильный, Господь Вседержитель имя Ему, судом судити имать супостаты своя, яко да избавит землю, и потрясет жительми Вавилонскими.
50:35	Мечь на Халдеев, глаголет Господь, и на жители Вавилонския, и на князи и на мудрыя его,
50:36	мечь на обаятели его, и буии будут, и мечь на сильныя его, и ослабеют:
50:37 См.: 🔗Иер. 51:30	мечь на кони его и на колесницы его, и на вся прочыя люди, иже суть посреде его, и будут яко жены: мечь на сокровища его, и расхитятся:
50:38	мечь на воды его, и постыдятся, яко земля изваянных есть, и во островех хваляхуся.
50:39 См.: 🔗Ис. 13:21 🔗Отк. 18:2	Сего ради поживут мечты во островех, и поживут в нем дщери сиринов, и не будет живуща в нем ктому во веки, ниже соградится от рода в род.
50:40 См.: 🔗Быт. 19:25 🔗Иер. 49:18	Якоже преврати Господь Содома и Гоморра и окрестныя грады их, глаголет Господь, не пребудет тамо муж, ниже поживет в нем сын человечь.
50:41 См.: 🔗Иер. 6:22 🔗Мих. 5:5	Се, людие идут от севера, и язык велик, и царие мнози востанут от конец земли,
50:42	луки и щиты имуще, грозни суть и немилостиви: глас их яко море возшумит, на кони возсядут, уготовани якоже огнь на брань противу тебе, дщи Вавилоня.
50:43 См.: 🔗Дан. 5:5	Услыша царь Вавилонский слух их, и ослабеша руце его, скорбь объят его и болезни, яко раждающую.
50:44 См.: 🔗Иер. 49:19 🔗Иов. 41:1	Се, яко лев изыдет от рыкания Иорданова на место Ефана, яко скоро отмщу их от него, и всякаго юношу над ним поставлю. Кто бо подобен Мне? И кто может стояти противу Мене? И кто есть пастырь сей, иже воспротивится лицу Моему?
50:45 См.: 🔗Иер. 49:20	Темже слышите совет Господень, егоже совеща на Вавилон, и умышления Его, яже умысли на землю Халдейску: аще не исторгнутся агнцы овец их, аще не будет разметана (вкупе с ними) пажить их.
50:46 См.: 🔗Иер. 49:21 🔗Иер. 51:29 🔗Отк. 18:15	От гласа бо пленения Вавилонскаго потрясется земля, и вопль во языцех слышан будет.