Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 9 | |
9:1 См.: 🔗Втор. 7:1 🔗Втор. 11:23 | Слыши, Израилю, ты преходиши Иордан днесь, внити еже наследити языки великия и крепчайшы паче вас, грады велики и ограждены до небесе, |
9:2 См.: 🔗Чис. 13:23 | люди велики и многи и предолги, сыны Енаковы, яже ты веси, и ты слышал еси: кто противу станет сыном Енаковым? |
9:3 | И увеси днесь, яко Господь Бог твой Сей предидет пред лицем твоим: огнь попаляяй есть: Сей потребит я, и Сей отвратит я от лица твоего, и потребит я вскоре, якоже рече тебе Господь. |
9:4 | Не рцы в сердцы твоем, егда потребит Господь Бог твой языки сия пред лицем твоим, глаголя: правд ради моих введе мя Господь наследити землю благую сию: |
9:5 См.: 🔗Прем. 12:3 | не ради правды твоея, ниже преподобия ради сердца твоего ты входиши наследити землю их, но нечестия ради и беззакония языков сих Господь от лица твоего потребит я, и да уставит завет, имже клятся Господь отцем вашым, Аврааму и Исааку и Иакову: |
9:6 | и да увеси днесь, яко не ради правды твоея Господь Бог твой дает тебе землю благую сию наследити: яко людие жестоковыйнии есте. |
9:7 | Помни, не забуди, колико разгневасте Господа Бога своего в пустыни: от негоже дне изыдосте из земли Египетския, даже внидосте в место сие, не покаряющеся совершасте яже противу Господа: |
9:8 См.: 🔗Исх. 32:10 | и в Хориве разгневасте Господа, и разгневася Господь на вы, потребити вас, |
9:9 См.: 🔗Исх. 24:18 🔗Исх. 34:28 | восходящу мне на гору, взяти скрижали каменныя, скрижали завета, яже завеща Господь к вам: и пребых в горе четыредесять дний и четыредесять нощей: хлеба не ядох и воды не пих. |
9:10 | И даде ми Господь две скрижали каменны, написаны перстом Божиим, и на них бяху написана вся словеса, яже глагола Господь к вам в горе из среды огня в день собрания: |
9:11 См.: 🔗Исх. 31:18 | и бысть но четыредесяти днех и по четыредесяти нощех, даде ми Господь две скрижали каменны, скрижали завета, |
9:12 См.: 🔗Исх. 32:7 | и рече Господь ко мне: востани и сниди скоро отсюду, яко беззаконноваша людие твои, яже извел еси из земли Египетски: соступиша скоро с пути, егоже заповедал еси им, и сотвориша себе слияние. |
9:13 См.: 🔗Исх. 33:3 | И рече Господь ко мне: глаголах тебе единою и дважды, глаголя: видех люди сия, и се, людие жестоковыйнии суть: |
9:14 См.: 🔗Исх. 32:10 | остави Мя, да потреблю Я, и погублю имя их под небесем, и сотворю тя в язык велик и крепок и мног паче сих. |
9:15 См.: 🔗Исх. 32:15 🔗Евр. 12:18 | И возвратився снидох с горы, и гора горяше огнем: и две скрижали свидений во обою руку моею: |
9:16 | и видев, яко согрешисте пред Господем Богом вашим, и сотвористе себе телца слияна, и соступисте с пути скоро, егоже заповеда Господь вам творити, |
9:17 См.: 🔗Исх. 32:19 | и взем обе скрижали, повергох я из руку моею и сокруших их пред вами. |
9:18 См.: 🔗Исх. 32:31 🔗Исх. 34:28 | И молихся пред Господем второе, якоже и первое, четыредесять дний и четыредесять нощей, хлеба не ядох и воды не пих, всех ради грехов ваших, имиже согрешисте, творяще злое пред Господем Богом вашим, еже разгневати Его: |
9:19 | и боязнен бех гнева ради и ярости, яко разгневася Господь на вы, да потребит вас: и послуша мене Господь и в то время. |
9:20 См.: 🔗Исх. 32:21 | И на Аарона разгневася Господь зело, еже погубити его: и молихся и за Аарона во время оно. |
9:21 См.: 🔗Исх. 32:20 🔗4Цар. 23:12 | И грех ваш, егоже сотвористе, телца, взях его и сожгох его на огни, и избих его и сотрох его зело, даже бысть дробен, и бысть яко прах, и изсыпах прах в водотечу сходящую с горы. |
9:22 См.: 🔗Чис. 11:1 🔗Исх. 17:7 | И в Запалении, и во Искушении, и во гробех Похотения разгневасте Господа Бога вашего. |
9:23 См.: 🔗Чис. 13:3 🔗Чис. 14:2 | И егда посла вас Господь от Кадис – Варни, глаголя: взыдите и наследите землю, юже Аз даю вам: и сопротивитися глаголголу Господа Бога вашего, и не веровасте Ему, и не послушасте гласа Его: |
9:24 | и не покаряющеся бысте Господу от дне, в оньже познася вам. |
9:25 См.: 🔗Исх. 32:11 | И молихся пред Господем четыредесять дний и четыредесять нощей, в няже молихся: рече бо Господь погубити вас. |
9:26 См.: 🔗Чис. 14:13 | И молихся Богу и рекох: Господи, Господи Царю богов, не погуби людий Твоих и наследия Твоего, еже избавил еси крепостию Твоею великою, яже извел еси из земли Египетския крепостию Твоею великою и рукою сильною и мышцею Твоею высокою: |
9:27 См.: 🔗Исх. 32:13 | помяни Авраама и Исаака и Иакова, рабы Твоя, имже клялся еси Собою: не призирай на жестокость людий сих, и на нечестие их и на грехи их: |
9:28 См.: 🔗Чис. 14:16 | да не когда рекут живущии на земли, отнюдуже извел еси нас, глаголюще: не могий Господь ввести их в землю, юже им обеща, и ненавидя их Господь, изведе погубити их в пустыни: |
9:29 См.: 🔗Исх. 19:5 🔗Исх. 32:11 | и сии людие Твои и жребий Твой, ихже извел еси из земли Египетския крепостию Твоею великою и мышцею Твоею высокою. |