Книга пророка Малахии, глава 4

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 4
4:1 См.: 🔗Ис. 1:31	Яко се, день грядет горящь яко пещь и попалит я, и будут вси иноплеменницы и вси творящии беззаконная яко стеблие: и возжжет я день Господень грядый, глаголет Господь Вседержитель, и не останется от них корень ниже ветвь.
4:2 См.: 🔗Лк. 1:78	И возсияет вам боящымся имене Моего Солнце правды и изцеление в крилех Его: и изыдете и взыграете, якоже телцы от уз разрешени:
4:3 См.: 🔗Ис. 25:10 🔗Рим. 16:20	и поперете беззаконники, и будут пепел под ногами вашими в день, в оньже Аз сотворю, глаголет Господь Вседержитель.
4:4 См.: 🔗Исх. 20:1	Помяните закон Моисеа раба Моего, якоже повелех ему в Хориве ко всему Израилю повеления и оправдания.
4:5 См.: 🔗Мф. 17:10 🔗Мк. 9:11 🔗Лк. 1:17	И се, Аз послю вам Илию Фесвитянина, прежде пришествия дне Господня великаго и просвещеннаго,
4:6 См.: 🔗Лк. 1:17	иже устроит сердце отца к сыну и сердце человека ко искреннему его, да не пришед поражу землю в конец.