Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 15 | |
15:1 См.: 🔗Чис. 34:3 | И быша пределы сынов Иудиных по сонмом их, от предел Идумейских, от пустыни Син к ливу даже до Кадис к югу: |
15:2 См.: 🔗Нав. 18:19 | и быша пределы их от полудне до части моря Сланаго, от верха клонящагося к югу, |
15:3 См.: 🔗Быт. 14:7 🔗Чис. 34:4 | и проходят прямо восхождению Акраввим, и обходят Сена, и восходят от юга до Кадис – Варни: и исходят из Есрона, и восходят во Аддару, и исходят на запады Кадис, обходят Аккарки, |
15:4 См.: 🔗Чис. 34:5 | и исходят во Асемону, и преходят даже до дебри Египетския: и будет исход пределов его к морю. Сии суть пределы их от юга. |
15:5 | И пределы от восток, все море Сланое даже до части Иордана, и пределы их к северу, и от верха моря, и от части Иордански: |
15:6 См.: 🔗Нав. 18:17 | восходят пределы (тии) в Вифаглу и преходят от севера к Вефару, и восходят пределы к камени Веора сына Рувимля, |
15:7 | и восходят пределы к Девиру дебри Ахоровы, и нисходят до Галгалы, яже есть прямо схождению Адоммин, иже есть к югу дебри, и восходит предел к воде источника Солнечна, и будет исход его источник Рогиль: |
15:8 См.: 🔗Неем. 11:4 🔗Нав. 18:14 | и восходят пределы в дебрь Енном, созади Иевуса от полудне, сей есть Иерусалим: и исходят пределы на верх горы, яже есть пред лицем дебри Енном к морю, яже есть от части земли Рафаин к северу: |
15:9 | и преходит предел от верха горы ко источнику воды Наффо и преходит к горе Ефрони, и изведет предел в Ваал, сей есть Град Иарим: |
15:10 | и обыдет предел от Ваала к морю и прейдет в гору Сиир, и прейдет созади града Иарима от севера, сей есть Хасалон: и снидет ко граду Солнечну и прейдет к югу: |
15:11 | и преходит предел созади Аккарона до севера, и преходят пределы в Сакхарон, и прейдут гору земли Валаани, и преходят ко Иавнилу, и будет исход пределов к морю, и пределы их от моря, море великое определит. |
15:12 | Сии пределы сынов Иудиных окрест по сонмом их. |
15:13 См.: 🔗Нав. 14:13 | И даде (Иисус) Халеву сыну Иефонниину часть посреде сынов Иудиных повелением Божиим, и даде ему Иисус Град Арвок, отца Енакова: сей есть Хеврон. |
15:14 См.: 🔗Суд. 1:10 | И потреби оттуду Халев сын Иефонниин три сыны Енаковы, Сусиа и Фолмаи и Ахима: |
15:15 | и взыде оттуду Халев на живущих в Давире: имя же прежде бяше Давиру Град Писмен. |
15:16 См.: 🔗1Цар. 18:25 🔗Суд. 1:12 | И рече Халев: иже аще возмет кто Град Писмен и возобладает им, дам ему Асхань дщерь мою в жену. |
15:17 | И взя его Гофониил сын Кенеза, брата Халевова, юнейший: и даде ему Асхань дщерь свою в жену. |
15:18 | И бысть внегда отходити ей, и совеща с ним, глаголющи: попрошу у отца моего села. И воззва со осляти. И рече ей Халев: что ти есть? |
15:19 См.: 🔗Быт. 33:11 | И рече ему: даждь ми благословение, яко в землю полуденную отдал еси мя: даждь ми Голаф – Маим. И даде ей Халев Голаф – Маим вышний и Голаф нижний. |
15:20 | Сие наследие племене сынов Иудиных по сонмом их: |
15:21 См.: 🔗Неем. 11:25 | быша же гради их гради племене сынов Иудиных к пределом едомлим в пустыни, Кавсеил и Едраим и Иагур, |
15:22 | и Кина и Димона и Адада, |
15:23 | и Кедес и Асор и Ифнаксиф, |
15:24 | и Телем и Валоф, |
15:25 См.: 🔗2Цар. 13:23 | и Асор Новый и Град Асером (сей есть Асор): |
15:26 | Амам и Самаа и Модада, |
15:27 | и Асергадда и Веффалеф, |
15:28 | и Асарсула и Вирсавее (и села их и предградия их): |
15:29 | и Ваала и Авим и Асем, |
15:30 | и Елфолад и Хесил и Ерма, |
15:31 | и Сикелег и Ведевина и Сансанна, |
15:32 См.: 🔗Зах. 14:10 🔗Нав. 19:6 | и Лавоф и Селеим, и Аин и Реммон: всех градов двадесять и девять, и села их. |
15:33 См.: 🔗Нав. 19:41 | В напольней, Есфаол и Сараа, и Асна (и Рамен), |
15:34 | и Зано и Ингоним, и Фаффуа и Инаим, |
15:35 См.: 🔗Мих. 1:15 | и Иеримуф и Одоллам, (и Немра) и Сохо и Азика, |
15:36 | и Сагарим и Адиафаим, и Гадира и села ея: гради четыренадесять и веси их. |
15:37 | Сеннам и Адаса и Магдалгад, |
15:38 | и Далаан и Масфа и Иекфаил, |
15:39 См.: 🔗Нав. 10:32 🔗4Цар. 14:19 | и Лахис и Васхаф и Еглом, |
15:40 | и Хаввон и Ламас и Хафлос, |
15:41 | и Гадироф и Виф – Дагон, и Нома и Макида: гради шестьнадесять и веси их. |
15:42 См.: 🔗Нав. 10:29 | Левна и Афер и Асан, |
15:43 | и Иеффа и Асенна и Несив, |
15:44 См.: 🔗Нав. 19:29 🔗2Пар. 14:9 | и Кеила и Ахзев, и Мариса (и Едом): гради девять и веси их. |
15:45 См.: 🔗4Цар. 1:2 | Аккарон и села его и предградия его. |
15:46 | (И) от Аккарона, иемне и вси елики суть близ Асдофа, и веси их: |
15:47 См.: 🔗Чис. 34:6 | Асдоф и веси его и предградия его: Газа и веси ея и предградия ея, даже до водотечи Египетския, и море великое определяет. |
15:48 | И в горней, Сафир и Иефер и Сохо, |
15:49 | и Ренна, Град Писмен (сей есть Давир), |
15:50 | и Анов и Есфемо и Аним, |
15:51 См.: 🔗Нав. 10:41 | и Госом и Хилуон и Гилон: градов единонадесять и веси их. |
15:52 | Ерев и Есан и Рума, |
15:53 | и Ианум и Веф – Фапфуе и Афака, |
15:54 | и Хаммата и Град Арво (сей есть Хеврон) и Сиор: градов девять и села их. |
15:55 См.: 🔗1Цар. 23:25 | Маон и Хермел, и Зиф и Иетта, |
15:56 | и Иездраель и Иекдаам и Зано, |
15:57 | Аким и Гаваа и Фамна: гради десять и веси их. |
15:58 | Алул и Вефсур и Гедор, |
15:59 | и Мароф и Вефанон и Елфекен: гради шесть и веси их: Феко и Ефрафа (сей есть Вифлеем): и Фагор и Етам, и Кулон и Татами, и Сорис и Карем, и Галлим и Вефир и Манохо: градов единонадесять и веси их. |
15:60 См.: 🔗Нав. 18:14 | Кариаф – Ваал (сей Град Иарим) и Аревва: гради два, и села их и предградия их. |
15:61 | Ваддаргис и Вифарава, (и) Мадон и Сохоха, |
15:62 См.: 🔗2Пар. 20:2 | и Невсан и град Соли и Ингадди: гради шесть и веси их. |
15:63 См.: 🔗Суд. 1:8 🔗2Цар. 5:6 | И Иевусей обиташе во Иерусалиме, и не возмогоша сынове Иудины погубити их: и обиташа Иевусее с сынми Иудиными во Иерусалиме даже до дне онаго. |