Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 29 | |
29:1 См.: 🔗4Цар. 18:2 | И Езекиа нача царствовати сый двадесяти и пяти лет, и двадесять девять лет царствова во Иерусалиме. Имя же матери его Авиа, дщерь Захариина. |
29:2 См.: 🔗4Цар. 18:3 | Сотвори же правое пред Господем по всем, яже сотвори Давид отец его. |
29:3 См.: 🔗2Пар. 28:24 | И бысть егда ста на царстве своем в месяц первый, отверзе двери дому Господня и обнови их, |
29:4 | и введе священники и левиты, и постави их на стране яже к востоку, |
29:5 См.: 🔗Неем. 12:30 | и рече им: послушайте мя, левити, ныне очиститеся и очистите дом Господа Бога отец наших, и изрините нечистоту из святилища: |
29:6 | яко отступиша отцы наши и сотвориша лукавое пред Господем Богом нашим, и оставиша Его, и отвратиша лице свое от скинии Господни, и даша хребет, |
29:7 См.: 🔗Чис. 28:6 | и заключиша врата храма, и погасиша светилники, и фимиамом не кадиша, и всесожжений не принесоша во святилищи Богу Израилеву: |
29:8 | и разгневася яростию Господь на Иуду и на Иерусалим, и предаде их во ужас и погубление и на звиздание, якоже вы видите очима вашима: |
29:9 | и се, поражени быша отцы наши мечем, и сынове наши и дщери нашя и жены нашя в пленении в земли не своей, якоже и ныне суть: |
29:10 | ныне убо положите на сердца ваша, еже завещати завет с Господем Богом Израилевым, и отвратит гнев ярости Своея от нас: |
29:11 См.: 🔗Втор. 10:8 | и ныне не пренебрегайте, яко вас избра Господь стояти пред Ним, служити Ему, и да будете Ему служаще и кадяще. |
29:12 См.: 🔗1Пар. 6:44 | И восташа левити, Маал сын Амасиев и Иоиль сын Захариев от сынов Каафовых, и от сынов Мерариных Кис сын Авдиев и Азариа сын Илаелилов, и от сынов Гедсоних Иоадад сын Земмань и Иоадам, сии сынове Иоахаини: |
29:13 | от сынов Елисафаних Самарий и Иеиил, и от сынов Асафовых Захариа и Матфаниа, |
29:14 | и от сынов Еманих Иеиил и Семей, от сынов же Идифумлих Самафиа и Озиил: |
29:15 См.: 🔗Исх. 19:10 | собраша же братию свою и освятишася по заповеди цареве повелением Господним, да очистят дом Божий: |
29:16 | и внидоша священницы внутрь церкве Господни, да очистят ю, и извергоша всю нечистоту обретенную в дому Господни и во дворе дому Господня: и вземше левити, изнесоша к потоку Кедрску вон. |
29:17 См.: 🔗4Цар. 23:12 | И начаша в первый день новомесячия перваго месяца очищати, и в день осмый того месяца внидоша во храм Господень, и очистиша церковь Господню во осми днех, и в день шестыйнадесять месяца перваго совершиша. |
29:18 | И внидоша внутрь ко Езекии царю и рекоша: очистихом вся, яже в дому Господни, олтарь всесожжения и сосуды его, и трапезу предложения со всеми сосуды ея, |
29:19 См.: 🔗2Пар. 28:24 | и вся сосуды, яже оскверни царь Ахаз в царство свое во отступлении своем, уготовахом и очистихом, и се, суть пред олтарем Господним. |
29:20 | И воста рано Езекиа царь, и собра началники града, и взыде в дом Господень, |
29:21 См.: 🔗Лев. 4:13 | и вознесе телцев седмь и овнов седмь, агнцев седмь и козлов от коз седмь за грех, за царство и за святилище и за Израиля, и рече сыном Аароним священником, да взыдут на олтарь Господень жрети телцев. |
29:22 См.: 🔗Лев. 8:15 | И заклаша телцев, и взяша кровь священницы и излияша на олтарь: и заклаша овнов и кровь на олтарь возлияша: и заклаша агнцев и облияша кровию олтарь: |
29:23 См.: 🔗Исх. 29:10 🔗Лев. 1:4 | и приведоша козлов, иже за грех, пред царя и церковь, и возложиша руки своя на них, |
29:24 | и пожроша их священницы, и покропиша кровию их пред олтарем, и помолишася о всем Израили: зане рече царь, о всем Израили всесожжение и яже о гресе. |
29:25 | Постави же левиты в дому Господни с кимвалы и псалтирми и гусльми, по заповеди Давида царя и Гада провидца царю и Нафана пророка, яко по заповеди Господней повеление (бысть) рукою пророков Его. |
29:26 См.: 🔗Чис. 10:10 | Сташа же левити со органы Давидовы и священницы с трубами. |
29:27 | И повеле Езекиа, да вознесут всесожжение на олтарь: и егда начаша возносити всесожжение, начаша хвалы пети Господеви и трубити при органех Давида царя Израилева. |
29:28 См.: 🔗2Пар. 23:18 | И вся церковь покланяшеся, и певцы пояху, и трубы трубяху, дондеже совершися всесожжение. |
29:29 | Егда же скончаша приношение, преклонися царь и вси иже бяху с ним и поклонишася Господеви. |
29:30 | Повеле же Езекиа царь и князи левитом, да восхвалят Господа словесы Давидовыми и Асафа пророка: иже восхвалиша в веселии, и падоша, и поклонишася Господеви. |
29:31 См.: 🔗Лев. 7:12 | И отвеща Езекиа и рече: ныне исполнисте руки вашя Господу, приведите и принесите жертвы хваления в дом Господень. И принесе (все) собрание жертвы и хвалы в дом Господень, и всяк усердный сердцем всесожжения. |
29:32 | И бысть число всесожжения, еже принесе собрание, телцев седмьдесят, овнов сто, агнцев двести, вся сия во всесожжение Господеви: |
29:33 | освященных же телцев шестьсот, овец три тысящы. |
29:34 См.: 🔗2Пар. 35:11 | Но священницы не мнози бяху и не можаху одирати кож всесожжения, и помогоша им братия их левити, дондеже исполнися дело и дондеже освятишася жерцы, левити бо усерднее освятишася, нежели священницы: |
29:35 См.: 🔗Лев. 3:3 | всесожжения же много в туках совершения спасения, и возлияний всесожжения: и исправися дело в дому Господни. |
29:36 | Возвеселися же Езекиа и вси людие, яко уготова Бог людем, понеже внезапу бысть слово. |