Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 14 | |
14:1 См.: 🔗Сир. 19:17 🔗Иак. 3:2 | Блажен муж, иже не поползнуся устнама своима и не уязвися печалию греха. |
14:2 См.: 🔗1Ин. 3:21 | Блажен, емуже не зазре душа его, и иже не спаде от надежды своея. |
14:3 См.: 🔗Сир. 31:28 | Мужеви скупому не лепо есть богатство, и человеку завидливу на что имение? |
14:4 См.: 🔗Еккл. 5:9 | Собираяй от души своея инем собирает, и во благих его инии насладятся. |
14:5 | Иже себе зол, кому добр будет? И не возвеселится во имении своем. |
14:6 См.: 🔗Прит. 11:17 | Завидящаго себе самому несть злейша: и сие воздаяние злобы его. |
14:7 | Аще и добро творит, в забытии творит и на последок изявит злобу свою. |
14:8 | Лукав (есть) завидяй оком, отвращаяй лице и презираяй душы. |
14:9 См.: 🔗Прит. 27:20 🔗Кол. 3:5 | Око лихоимца не насыщается части, и обида лукаваго изсушает душу. |
14:10 См.: 🔗Сир. 31:14 | Око лукаво завидливо и о хлебе, и на трапезе своей скудно. |
14:11 См.: 🔗Чис. 18:29 🔗Прит. 3:9 | Чадо, якоже имаши, добро твори себе, и приношения Господеви достойно приноси: |
14:12 См.: 🔗Евр. 9:27 | помяни, яко смерть не замедлит, и завет адов не показан ти бысть. |
14:13 | Прежде неже умреши ты, добро твори другу и по силе твоей простри и даждь ему. |
14:14 См.: 🔗Лк. 16:19 | Не лишися от дне добра, и часть желания блага да не прейдет тебе. |
14:15 См.: 🔗Лк. 12:20 | Не инем ли оставиши притяжания твоя и труды твоя, в разделение жребия? |
14:16 См.: 🔗Лк. 6:38 | Даждь и возми, и освяти душу твою: |
14:17 | яко несть во аде взыскати сладости. |
14:18 | Всяка плоть яко риза обетшает, завет бо от века: смертию умреши. |
14:19 См.: 🔗Еккл. 1:4 | Яко лист расплощаяся на древе часте, ов убо спадает, другий же прозябает: такожде и род плоти и крови, ов убо умирает, ов же родится. |
14:20 | Всякое дело гниющее изчезает, и делаяй е с ним отидет. |
14:21 См.: 🔗Втор. 6:7 🔗Пс. 1:2 | Блажен муж, иже во премудрости умрет и иже в разуме своем поучается святыни: |
14:22 | размышляяй пути ея в сердцы своем, и в сокровенных ея уразумится. |
14:23 | Изыди вслед ея яко изследник и на путех ея приседи. |
14:24 См.: 🔗Прит. 8:34 | Приницаяй сквозе оконца ея и при дверех ея послушает. |
14:25 | Обитаяй близ дому ея и вбиет кол в стены ея, поставит скинию свою вскрай ея и обитати будет во обители благих, |
14:26 См.: 🔗Еф. 6:4 | положит чада своя в покрове ея и под ветвьми ея водворится, |
14:27 | покрыется ею от зноя и во славе ея обитати будет. |