Книга Притчей Соломоновых, глава 17

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 17
17:1 См.: 🔗Прит. 15:17	Лучше укрух хлеба со сластию в мире, нежели дом исполнен многих благих и неправедных жертв со бранию.
17:2 См.: 🔗Сир. 10:28	Раб смыслен обладает владыки безумными, в братиих же разделит (имение) на части.
17:3 См.: 🔗Прит. 27:21 🔗Сир. 2:5 🔗Иер. 17:10	Якоже искушается в пещи сребро и злато, тако избранная сердца у Господа.
17:4	Злый послушает языка законопреступных, праведный же не внимает устнам лживым.
17:5 См.: 🔗Прит. 14:31	Ругайся убогому раздражает Сотворшаго его, радуяйся же о погибающем не обезвинится: милуяй же помилован будет.
17:6 См.: 🔗Пс. 127:6 🔗2Тим. 1:5	Венец старых чада чад: похвала же чадом отцы их. Верному весь мир богатство, неверному же ниже пенязь.
17:7	Неприличны суть безумному устне верны, ниже праведному устне лживы.
17:8	Мзда благодатей наказание употребляющым: и аможе аще обратится, успеет.
17:9 См.: 🔗Прит. 10:12 🔗Сир. 6:5	Иже таит обиды, ищет любве: а иже ненавидит скрывати, разлучает други и домашния.
17:10	Сокрушает прещение сердце мудраго: безумный же биемь не чувствует (ран).
17:11	Прекословия воздвижет всяк злый: Господь же ангела немилостива послет нань.
17:12	Впадет попечение мужу смысленну: безумнии же размышляют злая.
17:13 См.: 🔗Втор. 32:35 🔗1Пет. 3:9 🔗Рим. 12:17 🔗1Фес. 5:15	Иже воздает злая за благая, не подвигнутся злая из дому его.
17:14	Власть дает словесем начало правды: предводителствует же скудости пря и брань.
17:15 См.: 🔗Прит. 24:24 🔗Ис. 5:23	Иже судит праведнаго неправедным, неправеднаго же праведным, нечист и мерзок у Господа.
17:16	Вскую бяше имение безумному? Стяжати бо премудрости безсердый не может. Иже высок творит свой дом, ищет сокрушения: остроптеваяй же учитися впадет во злая.
17:17 См.: 🔗Прит. 18:25 🔗Сир. 12:8	На всяко время друг да будет тебе, братия же в нуждах полезни да будут: сего бо ради раждаются.
17:18 См.: 🔗Прит. 6:1 🔗Прит. 11:15	Муж безумен плещет и радуется себе, якоже поручаяйся испоручит друга своего, на своих же устнах огнь сокровишствует.
17:19	Грехолюбец радуется сваром, а жестокосердый не усрящет благих.
17:20 См.: 🔗Прит. 6:14	Муж удобопреложный языком впадет во злая: сердце же безумнаго болезнь стяжавшему е.
17:21 См.: 🔗Прит. 15:20	Не веселится отец о сыне ненаказаннем: сын же мудр веселит матерь свою.
17:22 См.: 🔗Прит. 15:13	Сердце веселящеся благоиметися творит: мужу же печальну засышут кости.
17:23 См.: 🔗Прит. 21:14	Приемлющему дары неправедно в недра не предуспевают путие: нечестивый же укланяет пути правды.
17:24 См.: 🔗Еккл. 2:14 🔗Еккл. 8:1	Лице разумно мужа премудра, очи же безумнаго на концех земли.
17:25 См.: 🔗Прит. 15:20	Гнев отцу сын безумен, и болезнь рождшей его.
17:26	Тщеты творити мужу праведну не добро, ниже преподобно наветовати властем праведным.
17:27 См.: 🔗Иак. 1:19	Иже щадит глагол произнести жесток, разумен: долготерпеливый же муж премудр, лучше ищущаго науки.
17:28	Несмысленному вопросившу о мудрости, мудрость вменится: нема же кто себе творит, возмнится разумен быти.