Первая книга Паралипоменон (Первая книга Хроник, Первая Летопись), глава 20

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 20
20:1 См.: 🔗2Цар. 11:1 🔗2Цар. 12:26	И бысть в находящее лето во время исхождения царей (ко брани), и собра Иоав всю силу воинства, и опустоши землю сынов Аммоних: приидоша же и обседоша Равваф. Давид же пребываше во Иерусалиме: Иоав же порази Равваф и разори его.
20:2 См.: 🔗2Цар. 12:30	Взя же Давид венец Молхома царя их от главы его, и обретеся вес в нем талант злата, и в нем камень драгий, и бе на главе Давидове: плены же градски взя многи зело,
20:3	и людий сущих в нем изведе и претре пилами и орудии железными и разсецающими: тако сотвори Давид всем градом сынов Аммоних, и возвратися Давид и вси людие его во Иерусалим.
20:4 См.: 🔗2Цар. 21:18	И бысть по сем, и начася еще брань в Газере со иноплеменники: тогда порази Совохай Усафитянин Сафута от сынов Исполиновых и смири его.
20:5 См.: 🔗2Цар. 21:19	И бысть еще брань противу иноплеменник, и порази Елеанан сын Иаиров Лаомиа, брата Голиафа Гефейскаго, емуже древо копия его яко навой ткущих.
20:6 См.: 🔗2Цар. 21:20	И бысть еще брань в Гефе, и бе муж зело велик, по шести имеющь перстов, всех двадесять четыре, и сей бе от колена Исполинов,
20:7 См.: 🔗1Цар. 16:9 🔗1Цар. 17:10	и поноси Израиля: и порази его Ионафан сын Саммаа брата Давидова.
20:8	Сии родишася Рафаю в Гефе, всех их бе четыри исполины, и падоша рукою Давидовою и рукою рабов его.