Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 1 | |
1:1 См.: 🔗Кол. 1:27 | Павел, посланник Иисус Христов по повелению Бога Спаса нашего и Господа Иисуса Христа упования нашего, |
1:2 См.: 🔗Деян. 16:1 🔗Отк. 1:4 | Тимофею присному чаду в вере: благодать, милость, мир от Бога Отца нашего и Христа Иисуса Господа нашего. |
1:3 | Якоже умолих тя пребыти во Ефесе, идый в Македонию, да завещаеши неким не инако учити, |
1:4 См.: 🔗1Тим. 4:7 🔗Тит. 1:14 | ниже внимати баснем и родословием безконечным, яже стязания творят паче, нежели Божие строение, еже в вере. |
1:5 См.: 🔗Рим. 13:8 | Конец же завещания есть любы от чиста сердца и совести благия и веры нелицемерныя, |
1:6 | в нихже нецыи погрешивше, уклонишася в суесловия, |
1:7 | хотяще быти законоучителе, не разумеюще ни яже глаголют, ни о нихже утверждают. |
1:8 См.: 🔗Рим. 7:12 | Вемы же, яко добр закон (есть), аще кто его законне творит, |
1:9 См.: 🔗Гал. 5:23 | ведый сие, яко праведнику закон не лежит, но беззаконным и непокоривым, нечестивым (же) и грешником, неправедным и скверным, отца и матере досадителем, мужеубийцам, |
1:10 | блудником, мужеложником, разбойником, (клеветником, скотоложником,) лживым, клятвопреступником, и аще что ино здравому учению противится, |
1:11 См.: 🔗1Фес. 2:4 | по благовестию славы блаженнаго Бога, еже мне уверено бысть. |
1:12 См.: 🔗Деян. 9:15 | И благодарю укрепляющаго мя Христа Иисуса Господа нашего, яко верна мя непщева, положив (мя) в службу, |
1:13 См.: 🔗Гал. 1:13 | бывша мя иногда хульника и гонителя и досадителя: но помилован бых, яко неведый сотворих в неверствии: |
1:14 См.: 🔗1Кор. 15:10 | упреумножися же благодать Господа нашего (Иисуса Христа) с верою и любовию яже о Христе Иисусе. |
1:15 | Верно слово и всякаго приятия достойно, яко Христос Иисус прииде в мир грешники спасти, от нихже первый есмь аз. |
1:16 | Но сего ради помилован бых, да во мне первем покажет Иисус Христос все долготерпение, за образ хотящих веровати Ему в жизнь вечную. |
1:17 См.: 🔗Дан. 7:14 | Царю же веков нетленному, невидимому, единому премудрому Богу, честь и слава во веки веков. Аминь. |
1:18 См.: 🔗1Тим. 6:13 | Сие же завещание предаю ти, чадо Тимофее, по бывших на тя прежде пророчествиих, да воинствуеши в них доброе воинство, |
1:19 См.: 🔗1Тим. 3:9 | имея веру и благую совесть, юже нецыи отринувше, от веры отпадоша: |
1:20 См.: 🔗1Кор. 5:5 | от нихже есть Именей и Александр, ихже предах сатане, да накажутся не хулити. |