Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 5 | |
5:1 См.: 🔗Иов. 4:19 🔗Евр. 9:11 | Вемы бо, яко аще земная наша храмина тела разорится, создание от Бога имамы, храмину нерукотворену, вечну на небесех. |
5:2 См.: 🔗Рим. 8:23 | Ибо о сем воздыхаем, в жилище наше небесное облещися желающе: |
5:3 См.: 🔗Ис. 61:10 🔗Отк. 16:15 | аще точию и облекшеся, не нази обрящемся. |
5:4 См.: 🔗1Кор. 15:54 | Ибо сущии в теле сем воздыхаем отягчаеми, понеже не хощем совлещися, но пооблещися, да пожерто будет мертвенное животом. |
5:5 См.: 🔗2Кор. 1:22 | Сотворивый же нас в сие истое Бог, Иже и даде нам обручение Духа. |
5:6 | Дерзающе убо всегда и ведяще, яко живуще в теле отходим от Господа: |
5:7 См.: 🔗Рим. 8:25 | верою бо ходим, а не видением: |
5:8 См.: 🔗Флп. 1:23 | дерзаем же и благоволим паче отити от тела и внити ко Господу: |
5:9 | темже и тщимся, аще входяще, аще отходяще, благоугодни Ему быти: |
5:10 | всем бо явитися нам подобает пред судищем Христовым, да приимет кийждо, яже с телом содела, или блага, или зла. |
5:11 | Ведуще убо страх Господень, человеки увещаваем, Богови же явлени есмы: уповаем же, яко и в совестех ваших явлени есмы. |
5:12 | Не паки бо себе хвалим пред вами, но вину даем вам похвалению о нас, да имате к хвалящымся в лицы, а не в сердцы. |
5:13 См.: 🔗2Кор. 11:11 | Аще бо изумихомся, Богови: аще ли целомудрствуем, вам. |
5:14 | Ибо любы Божия обдержит нас суждших сие: яко аще един за всех умре, то убо вси умроша. |
5:15 См.: 🔗Рим. 14:9 🔗Гал. 2:20 | Христос же за всех умре, да живущии не ктому себе живут, но умершему за них и воскресшему. |
5:16 | Темже и мы отныне ни единаго вемы по плоти: аще же и разумехом по плоти Христа, но ныне ктому не разумеем. |
5:17 | Темже аще кто во Христе, нова тварь: древняя мимоидоша, се быша вся нова: |
5:18 | всяческая же от Бога, примирившаго нас Себе Иисус Христом и давшаго нам служение примирения: |
5:19 | зане Бог бе во Христе мир примиряя Себе, не вменяя им согрешений их и положив в нас слово примирения. |
5:20 | По Христе убо молим, яко Богу молящу нами, молим по Христе: примиритеся с Богом. |
5:21 | Не ведевшаго бо греха по нас грех сотвори, да мы будем правда Божия о Нем. |