Послание апостола Павла к Галатам, глава 2

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Рус. (еп. Кассиан) Беларускi Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 2
2:1	Потом же по четыренадесяти летех паки взыдох во Иерусалим с Варнавою, поем с собою и Тита.
2:2 См.: 🔗Флп. 2:16	Взыдох же по откровению, и предложих им благовествование, еже проповедую во языцех, наедине же мнимым, да не како вотще теку, или текох.
2:3 См.: 🔗Деян. 16:3	Но ни Тит, иже со мною, Еллин сый, нужден бысть обрезатися.
2:4 См.: 🔗Гал. 4:3	И за пришедшую лжебратию, иже привнидоша соглядати свободы нашея, юже имамы о Христе Иисусе, да нас поработят:
2:5	имже ни к часу повинухомся в покорение, да истина благовестия пребудет в вас.
2:6 См.: 🔗Втор. 10:17 🔗2Пар. 19:7 🔗Иов. 34:19 🔗Деян. 10:34 🔗Рим. 2:11 🔗Еф. 6:9	От мнящихся же быти что, якови некогда беша, ничтоже ми разнствует: лица Бог человеча не приемлет. Мне бо мнимии ничтоже привозложиша:
2:7 См.: 🔗Деян. 9:15	но сопротивное, уразумевше, яко уверено ми бысть благовестие необрезания, якоже Петру обрезания:
2:8	ибо Споспешествовавый Петру в послание обрезания, споспешествова и мне во языки:
2:9	и познавше благодать данную ми, Иаков и Кифа и Иоанн, мнимии столпи быти, десницы даша мне и Варнаве общения, да мы во языки, они же во обрезание,
2:10 См.: 🔗Деян. 24:17 🔗Рим. 15:26 🔗1Кор. 16:1 🔗2Кор. 9:1	точию нищих да помнима: еже и потщахся сие истое сотворити.
2:11	Егда же прииде Петр во Антиохию, в лице ему противустах, яко зазорен бе.
2:12 См.: 🔗Деян. 21:20	Прежде бо даже не приити неким от Иакова, с языки ядяше: егда же приидоша, опряташеся и отлучашеся, бояся сущих от обрезания.
2:13	И лицемеришася с ним и прочии Иудеи, яко и Варнаве пристати лицемерству их.
2:14 См.: 🔗Деян. 10:28	Но егда видех, яко не право ходят ко истине Благовествования, рекох Петру пред всеми: аще ты, Иудей сый, язычески, а не иудейски живеши, почто языки нудиши иудейски жительствовати?
2:15	Мы естеством Иудее, а не от язык грешницы:
2:16 См.: 🔗Деян. 13:38 🔗Гал. 3:11 🔗Тит. 3:7	уведевше же, яко не оправдится человек от дел закона, но токмо верою Иисус Христовою, и мы во Христа Иисуса веровахом, да оправдимся от веры Христовы, а не от дел закона: зане не оправдится от дел закона всяка плоть.
2:17 См.: 🔗Рим. 3:19	Аще ли, ищуще оправдитися о Христе, обретохомся и сами грешницы, Христос убо греху ли служитель? Да не будет.
2:18	Аще бо, яже разорих, сия паки созидаю, преступника себе представляю.
2:19 См.: 🔗1Пет. 4:2 🔗Рим. 7:6 🔗2Кор. 5:15	Аз бо законом закону умрох, да Богови жив буду. Христови сраспяхся:
2:20 См.: 🔗Рим. 6:6 🔗Тит. 2:14	живу же не ктому аз, но живет во мне Христос. А еже ныне живу во плоти, верою живу Сына Божия, возлюбившаго мене и предавшаго Себе по мне.
2:21 См.: 🔗Гал. 5:2 🔗Евр. 7:11	Не отметаю благодати Божия. Аще бо законом правда, убо Христос туне умре.