Третья книга Царств (Первая книга Царей), глава 2

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 2
2:1	И приближишася Давиду дние умрети ему, и заповеда Соломону сыну своему, глаголя:
2:2 См.: 🔗Нав. 23:14	аз отхожду в путь всея земли: ты же крепися, и буди муж совершен,
2:3 См.: 🔗Нав. 22:3 🔗1Пар. 28:9	и сохрани завет Господа Бога твоего, еже ходити во всех путех Его, хранити заповеди Его и оправдания Его, и судбы Его и свидения Его, писанная в законе Моисеове: да разумееши яже сотвориши по всем, елика заповедах тебе:
2:4 См.: 🔗Пс. 131:12 🔗3Цар. 8:23	да утвердит Господь слово Свое, еже рече о мне, глаголя: аще сохранят сынове твои пути своя, еже ходити предо Мною во истине всем сердцем своим и всею душею своею, глаголя: не искоренится тебе муж с престола Израилева:
2:5 См.: 🔗2Цар. 3:27 🔗2Цар. 20:10	и ты веси, елика сотвори мне Иоав сын Саруин, елика сотвори двема воеводама сил Израилевых, Авениру сыну Нирову и Амессаю сыну Иеферову, и уби их, и излия крови брани в мире, и даде кровь неповинных на поясе своем, иже на чреслех его, и на сапозе своем сущем на нозе его:
2:6	и сотвориши по мудрости твоей, и не сведеши старости его с миром во ад:
2:7 См.: 🔗2Цар. 19:31	сыном же Верзеллии Галаадитина сотвориши милость, и да будут с ядущими трапезу твою: яко тако приближишася мне, внегда бежати мне от лица Авессалома брата твоего:
2:8 См.: 🔗2Цар. 16:13 🔗2Цар. 19:16 🔗3Цар. 2:23	и се, с тобою Семей сын Гирань сын Иемениин от Ваурима, и той прокля мя проклятием горьким, в день в оньже исхождах в Полки: и той сниде на сретение ми на Иордан, и кляхся ему о Господе, глаголя: не убию тя оружием:
2:9	и да не обезвиниши его, яко муж мудр еси ты, и увеси что сотвориши ему, и сведеши старость его с кровию во ад.
2:10 См.: 🔗Деян. 2:29 🔗Деян. 13:36	И успе Давид со отцы своими, и погребен бысть во граде Давидове.
2:11 См.: 🔗2Цар. 5:4 🔗1Пар. 29:26	И бысть дний, в няже царствова Давид во Израили, четыредесять лет: в Хевроне царствова седмь лет, во Иерусалиме же тридесять три лета.
2:12 См.: 🔗1Пар. 29:23	И Соломон седе на престоле Давида отца своего сын дванадесяти лет, и уготовася царствие его зело.
2:13	И вниде Адониа сын Аггифин к Вирсавии матери Соломони, и поклонися ей. Она же рече: мир ли вход твой? И рече: мир.
2:14	И рече: слово мне к тебе. И рече ему: глаголи.
2:15 См.: 🔗3Цар. 1:5 🔗1Пар. 22:9	И рече ей: ты веси, яко мне бе царство, и на мя весь Израиль положи лице свое, еже царствовати, и обратися царство, и бысть брату моему, яко от Господа бысть ему:
2:16	и ныне прошения единаго аз прошу от тебе, не отврати лица своего. И рече ему Вирсавиа: глаголи.
2:17 См.: 🔗3Цар. 1:3	И рече к ней: рцы к Соломону царю, яко не имать отвратити лица своего от тебе, и дабы ми дал Ависагу Сумантяныню в жену.
2:18	И рече Вирсавиа: добре, аз имам глаголати о тебе к царю.
2:19	И вниде Вирсавиа пред царя Соломона глаголати ему о Адонии. И воста царь на сретение ей, и поклонися ей, и седе на престоле своем: и поставиша престол другий матери цареве, и седе одесную его,
2:20	и рече ему: прошения мала единаго аз прошу у тебе, не отврати лица моего. И рече к ней царь: проси, мати моя, яко не отвращуся от тебе.
2:21	И рече: даждь Ависагу Сумантяныню Адонии брату твоему в жену.
2:22 См.: 🔗3Цар. 1:7	И отвеща царь Соломон и рече матери своей: вскую ты просиши Ависаги Сумантяныни Адонии? Еще проси ему и царства, яко той брат мой болший мене, и ему Авиафар иерей, и ему Иоав сын Саруин воевода друг.
2:23	И клятся царь Соломон Господем, глаголя: сия да сотворит мне Бог и сия да приложит, яко на душу свою глагола Адониа слово сие:
2:24 См.: 🔗2Цар. 7:12	и ныне жив Господь, Иже уготова мя, и посади мя на престоле отца моего Давида, и Той сотвори ми дом, якоже глагола Господь, яко днесь умрет Адониа.
2:25	И посла царь Соломон рукою Ванеа сына Иодаева, и уби его, и умре Адониа в той день.
2:26 См.: 🔗Нав. 21:18 🔗Иер. 1:1 🔗Чис. 4:15	И Авиафару иерею рече царь: тецы ты во Анафоф на село твое, яко муж смерти еси ты в днешний день, но не умерщвлю тебе, яко носил еси кивот завета Господня пред отцем моим (Давидом), и яко озлоблен был еси во всех, имиже озлоблен бе отец мой.
2:27 См.: 🔗1Цар. 2:31	И изгна Соломон Авиафара, еже не быти ему иереем Господним, якоже сбытися словеси Господню, еже глагола на дом Илиев в Силоме.
2:28 См.: 🔗3Цар. 1:50	И слух дойде до Иоава сына Саруина, яко Иоав последова Адонии, и в след Соломонь не уклонися. И бежа Иоав в скинию Господню, и ятся рогов олтаревых.
2:29	И возвестиша Соломону, глаголюще: яко бежа Иоав в скинию Господню, и се, держится рогов олтаревых. И посла царь Соломон ко Иоаву, глаголя: что ти бысть, яко убежал еси во олтарь? И рече Иоав: яко убояхся от лица твоего, и бежах ко Господу. И посла Соломон Ванеа сына Иодаева, глаголя: иди, и убий его, и погреби его.
2:30	И прииде Ванеа сын Иодаев ко Иоаву в скинию Господню, и рече ему: сия глаголет царь: изыди. И рече Иоав: не изыду, но да зде умру. И возвратися Ванеа сын Иодаев и рече царю, глаголя: сия глагола Иоав и сия отвеща мне.
2:31 См.: 🔗Исх. 21:14 🔗2Цар. 23:20	И рече ему царь: иди и сотвори ему, якоже рече, и убий его, и погреби его, и отими днесь кровь, юже туне пролия Иоав, от мене и от дому отца моего:
2:32 См.: 🔗2Цар. 3:27 🔗2Цар. 20:10	и возврати Господь кровь неправды его на главу его, якоже нападе на два мужа праведна и блага паче его, и уби их оружием: и отец мой Давид не разуме крове их, Авенира сына Нирова, воеводу Израилева, и Амессая сына Иеферова, воеводу Иудина:
2:33 См.: 🔗Быт. 9:6 🔗Мф. 26:52 🔗Отк. 13:10	и возвратися кровь их на главу его и на главу семене его во веки: Давиду же и семени его, и дому его, и престолу его мир да будет до века от Господа.
2:34 См.: 🔗2Цар. 3:39	И взыде Ванеа сын Иодаев и нападе на него, и уби его, и погребе его в дому его в пустыни.
2:35 См.: 🔗3Цар. 2:8 🔗3Цар. 4:29 🔗3Цар. 5:15 🔗3Цар. 6:38 🔗3Цар. 9:15 🔗3Цар. 11:27	И постави царь Соломон Ванеа сына Иодаева вместо его над воинством: царство же управляшеся во Иерусалиме. И Садока иереа даде Соломон царь во иереа перваго вместо Авиафара. (1) и даде Господь смысл Соломону и премудрость многу зело, и широту сердца, якоже песок иже при мори: (2) и исполнися разума Соломон паче разума всех древних сынов и паче всех мудрых Египетских. И поят дщерь фараоню, и введе ю во град Давидов, дондеже сконча себе здати дом свой, и дом Господень в первых, и стену Иерусалима окрест: (3) в седмь лет сотвори и сконча. (4) и бяше у Соломона седмьдесят тысящ (мужей) носящих бремена, и осмьдесят тысящ каменосечцев в горе. И сотвори Соломон море, и подкрепления, и бани великия, и столпы, и источник дворный, и море медяное: (5) и созда краеградие, и забрала над ним, и разсече град Давидов. (6) тако дщи фараоня прейде от града Давидова в дом свой, егоже созда ей: (7) тогда созда краеградие. И Соломон возношаше трижды в лето всесожжения и мирная на олтарь, егоже созда Господеви, и кадяше пред Господем, и соверши дом. И сии старейшины приставлени над делами Соломоними, (8) три тысящы и шесть сот приставник за людьми делающими дело. И созда (9) Ассур, и Магдон и Газер, и Вефорон вышний и Валалаф: обаче по создании дому Господня и стены Иерусалимския окрест, по сих созда грады сия. И еще жив сый Давид, заповеда Соломону глаголя: (10) се, с тобою Семей сын Гирань, сын семене Иемениина, от Хеврона: сей кляше мя клятвою укоризненною, в день в оньже идох в Полки: и той сниде в сретение ми на Иордан, и кляхся ему Господем, глаголя, яко не умерщвлю его оружием: и ныне да не обезвиниши его, яко муж смыслен еси ты, и разумееши яже сотвориши ему, и сведеши старость его с кровию во ад.
2:36	И послав царь Соломон, призва Семеа и рече ему: созижди себе дом во Иерусалиме и седи тамо, и не исходи оттуду никаможе:
2:37 См.: 🔗2Цар. 15:23 🔗4Цар. 23:4 🔗Ин. 18:1	и будет в день исхода твоего, и прейдеши поток Кедрский, разумея разумей, яко смертию умреши: кровь твоя будет на главе твоей. И заклят его царь в день той.
2:38	И рече Семей к царю: благ глагол, егоже глаголал еси, господи мой царю: тако сотворит раб твой. И седе Семей во Иерусалиме три лета.
2:39 См.: 🔗1Цар. 21:10 🔗1Цар. 27:2	И бысть по триех летех, и бежаста два раба Семеина ко Агхусу сыну Маахаину, царю Гефску. И возвестиша Семею, глаголюще: се, раби твои во Гефе.
2:40	И воста Семей, и оседла осля свое, и иде во Геф ко Агхусу взыскати рабы своя: и пойде Семей, и приведе рабы своя от Гефа.
2:41	И возвестиша Соломону, глаголюще: яко Семей ходи из Иерусалима в Геф и возврати рабы своя.
2:42	И посла царь и призва Семеа и рече к нему: не заклях ли тя Господем, и засвидетелствовах тебе, глаголя: в оньже аще день изыдеши из Иерусалима и пойдеши на десно или на шуее, разумея разумей, яко смертию умреши? И рекл ми еси: благ глагол, егоже слышах:
2:43	и что яко не сохранил еси клятвы Господни и заповеди, юже заповедах на тя?
2:44 См.: 🔗2Цар. 16:5 🔗2Цар. 19:23	И рече царь к Семею: ты веси всю злобу твою, юже весть сердце твое, яже сотворил еси Давиду отцу моему: и возврати Господь злобу твою на главу твою:
2:45 См.: 🔗1Мак. 2:57	и царь Соломон благословен, и престол Давидов будет готов пред Господем во веки.
2:46	И заповеда царь Соломон Ванею сыну Иодаеву: и изыде, и уби его, и умре (Семей).