Откровение Иоанна Богослова (Апокалипсис), глава 17

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Рус. (еп. Кассиан) Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 17
17:1 См.: 🔗Наум. 3:4	И прииде един от седми Ангел имущих седмь фиал, и глагола со мною, глаголя ми: прииди, да покажу ти суд любодейцы великия, седящия на водах многих:
17:2 См.: 🔗Иер. 51:7 🔗Отк. 14:8 🔗Отк. 18:3	с неюже любодеяша царие земстии, и упишася живущии на земли от вина любодеяния ея.
17:3 См.: 🔗2Фес. 2:3 🔗Отк. 13:1	И веде мя в пусто место духом: и видех жену седящу на звери червлене, исполненем имен хулных, иже имеяше глав седмь и рогов десять.
17:4	И жена бе облечена в порфиру и червленицу, и позлащена златом и камением драгим и бисером, имущи чашу злату в руце своей полну мерзости и скверн любодеяния ея:
17:5 См.: 🔗Отк. 16:19 🔗Отк. 18:2	и на челе ея написано имя: тайна, Вавилон великий, мати любодейцам и мерзостем земским.
17:6	И видех жену пияну кровьми святых и кровьми свидетелей Иисусовых, и дивихся, видев ю, дивом великим.
17:7	И рече ми Ангел: что дивишися? Аз ти реку тайну жены (сея) и зверя носящаго ю, седмь глав имуща и рогов десять.
17:8 См.: 🔗Дан. 12:1 🔗Отк. 11:7 🔗Отк. 13:1 🔗Отк. 20:12	Зверь, егоже видел еси, бе, и несть, и имать взыти от бездны, и в пагубу пойдет: и удивятся живущии на земли, имже имена не написана суть в книгу животную от сложения мира, видяще, яко зверь бе, и несть, и преста.
17:9	Зде ум, иже имать мудрость. Седмь глав горы суть седмь, идеже жена седит на них,
17:10	и царие седмь суть: пять их пало, и един есть, (а) другий еще не прииде: и егда приидет, мало ему есть пребыти.
17:11	И зверь, иже бе и несть, и той осмый есть, и от седмих есть, и в пагубу идет.
17:12 См.: 🔗Дан. 7:20 🔗Отк. 13:1	И десять рогов, яже видел еси, десять царей суть, иже царства еще не прияша, но область яко царие на един час приимут со зверем.
17:13	Сии едину волю имут, и силу и область свою зверю дадут:
17:14 См.: 🔗Дан. 7:27 🔗Мф. 28:18 🔗1Тим. 6:15 🔗Отк. 18:8 🔗Отк. 19:16	сии со Агнцем брань сотворят, и Агнец победит я, яко Господь господем есть и Царь царем: и сущии с Ним званнии и избраннии и верни.
17:15 См.: 🔗Ис. 8:7	И глагола ми: воды, яже еси видел, идеже любодейца седит, людие и народи суть, и племена и языцы.
17:16 См.: 🔗Отк. 18:8	И десять рогов, яже видел еси на звери, сии любодейцу возненавидят, и запустевшу сотворят ю и нагу, и плоть ея снедят, и сожгут ю огнем:
17:17	Бог бо дал есть в сердца их, сотворити волю Его, и сотворити едину волю, и дати царство свое зверю, дондеже скончаются глаголголы Божии.
17:18 См.: 🔗Отк. 16:19	И жена, юже видел еси, град есть великий, иже имать царство над цари земными.