Послание апостола Павла к Евреям, глава 6

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Рус. (еп. Кассиан) Беларускi Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 6
6:1	Темже оставльше начала Христова слово, на совершение да ведемся, не паки основание покаяния полагающе от мертвых дел, и веры в Бога,
6:2	крещений учения, возложения же рук, воскресения же мертвых и суда вечнаго.
6:3	И сие сотворим, аще Бог повелит.
6:4 См.: 🔗Мф. 12:45	Невозможно бо просвещенных единою и вкусивших дара небеснаго, и причастников бывших Духа Святаго,
6:5	и добраго вкусивших Божия глаголгола и силы грядущаго века,
6:6 См.: 🔗2Пет. 2:20 🔗1Ин. 5:16 🔗Евр. 10:29	и отпадших, паки обновляти в покаяние, второе распинающих Сына Божия себе и обличающих.
6:7	Земля бо пившая сходящий на ню множицею дождь и раждающая былия добрая оным, имиже и делаема бывает, приемлет благословение от Бога:
6:8 См.: 🔗Иер. 26:6 🔗Иер. 44:22 🔗Мк. 11:21	а износящая терния и волчец непотребна есть и клятвы близ, еяже кончина в пожжение.
6:9	Надеемся же о вас, возлюбленнии, лучших и придержащихся спасения, аще и тако глаголем.
6:10 См.: 🔗Мф. 10:42 🔗Мф. 25:40	Не обидлив бо Бог, забыти дела вашего и труда любве, юже показасте во имя Его, послуживше святым и служаще.
6:11	Желаем же, да кийждо вас являет тожде тщание ко извещению упования даже до конца,
6:12	да не лениви будете, но подражателе наследствующих обетования верою и долготерпением.
6:13 См.: 🔗Быт. 22:16 🔗Пс. 104:9 🔗Лк. 1:73	Аврааму бо обетовая Бог, понеже ни единем имяше болшим клятися, клятся Собою,
6:14 См.: 🔗Быт. 22:17	глаголя: воистинну благословя благословлю тя и умножая умножу тя.
6:15 См.: 🔗Рим. 4:17	И тако долготерпев, получи обетование.
6:16 См.: 🔗Исх. 22:11	Человецы бо болшим кленутся, и всякому их прекословию кончина во извещение клятва (есть).
6:17 См.: 🔗Пс. 32:11 🔗Прит. 19:21	В немже лишше хотя Бог показати наследником обетования непреложное совета Своего, ходатайствова клятвою:
6:18	да двема вещьми непреложными, в нихже невозможно солгати Богу, крепкое утешение имамы прибегшии ятися за предлежащее упование,
6:19 См.: 🔗Лев. 16:15	еже аки котву имамы души, тверду же и известну, и входящую во внутреннейшее завесы,
6:20 См.: 🔗Ин. 14:2 🔗Евр. 4:14	идеже предтеча о нас вниде Иисус, по чину Мелхиседекову Первосвященник быв во веки.