Книга Бытия, глава 15

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 15
15:1 См.: 🔗Ис. 40:10 🔗Ис. 41:10 🔗Ис. 43:1	По глаголех же сих, бысть слово Господне ко Авраму в видении нощию, глаголя: не бойся, Авраме: Аз защищаю тя, мзда твоя многа будет зело.
15:2 См.: 🔗Быт. 24:2	Глагола же Аврам: Владыко Господи, что ми даси? Аз же отпущаюся безчаден: сын же масек домочадицы моея, сей Дамаск Елиезер.
15:3	И рече Аврам: понеже мне не дал еси семене, домочадец же мой наследник мой будет.
15:4	И абие глас Господень бысть к нему, глаголющий: не будет сей наследник твой, но иже изыдет из тебе, той будет наследник тебе.
15:5 См.: 🔗Быт. 22:17	Изведе же его вон и рече ему: воззри на небо и изочти звезды, аще возможеши исчести я. И рече: тако будет семя твое.
15:6 См.: 🔗Рим. 4:3 🔗Гал. 3:6 🔗Иак. 2:23	И верова Аврам Богу, и вменися ему в правду.
15:7	Рече же к нему: Аз (есмь) Бог изведый тя от страны Халдейския, яко дати тебе землю сию наследствовати.
15:8	И рече: Владыко Господи, по чесому уразумею, яко наследити ю имам?
15:9	Рече же к нему: возми Мне юницу трилетну и козу трилетну и овна трилетна, и горлицу и голубя.
15:10 См.: 🔗Иер. 34:18	Взя же он вся сия и раздели я на полы, и положи я противолична едина ко другому: птиц же не раздели.
15:11	Слетеша же птицы на телеса растесаная их: и седе близу их Аврам.
15:12	Заходящу же солнцу, ужас нападе на Аврама, и се, страх темен велий нападе нань.
15:13 См.: 🔗Деян. 7:6 🔗Исх. 12:40	И речено бысть ко Авраму: ведый увеси, яко преселно будет семя твое в земли не своей, и поработят я, и озлобят я, и смирят я лет четыриста:
15:14	языку же, емуже поработают, сужду Аз: по сих же изыдут семо со имением многим:
15:15	ты же отидеши ко отцем твоим в мире, препитан в старости добрей:
15:16 См.: 🔗Исх. 12:41	в четвертем же роде возвратятся семо: не бо исполнишася греси Аморреов до ныне.
15:17 См.: 🔗Иер. 34:18	Егда же бысть солнце на западе, пламень бысть: и се, пещь дымящися, и свещы огненны, яже проидоша между растесании сими.
15:18 См.: 🔗Быт. 12:7 🔗Быт. 13:15 🔗Быт. 26:4 🔗Втор. 34:4	В день той завеща Господь Авраму завет, глаголя: семени твоему дам землю сию от реки Египетския даже до реки великия Евфрата:
15:19	Кенеов и Кенезеов и Кедмонеов,
15:20	и Хеттеов и Ферезеов и Рафаинов,
15:21	и Аморреов и Хананеов, и Евеов и Гергесеов и Иевусеов.