Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 5 | |
5:1 См.: 🔗Лк. 21:36 | Тогда станет во дерзновении мнозе праведник пред лицем оскорбивших его и отметающих труды его: |
5:2 | видящии смятутся страхом тяжким и ужаснутся о преславнем спасении его, |
5:3 См.: 🔗Рим. 2:9 🔗Иов. 12:4 | и рекут в себе кающеся и в тесноте духа воздыхающе: сей бе, егоже имехом некогда в посмех и в притчу поношения. |
5:4 См.: 🔗Деян. 26:24 | Безумнии, житие его вменихом неистово и кончину его безчестну: |
5:5 См.: 🔗Кол. 1:12 | како вменися в сынех Божиих, и во святых жребий его есть? |
5:6 См.: 🔗Ин. 1:5 | Убо заблудихом от пути истиннаго, и правды свет не облиста нам, и солнце не возсия нам: |
5:7 | беззаконных исполнихомся стезь и погибели и ходихом в пустыни непроходимыя, пути же Господня не уведехом. |
5:8 См.: 🔗Прит. 11:4 | Что пользова нам гордыня, и богатство с величанием что воздаде нам? |
5:9 См.: 🔗Прем. 2:5 | Преидоша вся она яко сень и яко весть претекающая. |
5:10 См.: 🔗Прит. 30:19 | Яко корабль преходяй волнующуюся воду, егоже проходу несть стопы обрести, ниже стези шествия его в волнах: |
5:11 См.: 🔗Иов. 9:26 | или яко птицы, прелетающия по аеру, ни едино обретается знамение пути, язвою же смущаяй биемый дух легкий, и разсецаемый силою шумящею движением крил прелете, и посем ни едино знамение обретеся проходу в нем: |
5:12 | или яко стрелою испущеною на намереное место разсеченный аер внезапу в себе самем заключен бысть, яко не познатися проходу ея: |
5:13 | тако и мы рождени оскудехом и добродетели убо ни единаго знамения можем показати, во злобе же нашей скончахомся. |
5:14 См.: 🔗Иов. 8:13 🔗Пс. 1:4 | Ибо упование нечестиваго, яко прах от ветра подемлемый и яко пена мягка от бури расторгнена, и яко дым от ветра разливается и яко память пришелца единаго дне прейде: |
5:15 См.: 🔗Отк. 22:12 | праведницы же во веки живут, и во где мзда их, и попечение их у Вышняго: |
5:16 | сего ради приимут царствие благолепия и венец доброты от руки Господни, яко десницею покрыет их и мышцею защитит их. |
5:17 | Приимет всеюружие рвение Свое и вооружит тварь в месть врагом, |
5:18 См.: 🔗Ис. 59:17 | облечется в броня правды и возложит шлем суд нелицемерен, |
5:19 | приимет щит непобедимый преподобие, |
5:20 См.: 🔗Пс. 7:13 | поострит же напрасный гнев во оружие: споборет же с Ним мир на безумныя. |
5:21 | Пойдут праволучныя стрелы молниины, и яко от благокругла лука облаков на намерение полетят: |
5:22 См.: 🔗Нав. 10:11 🔗Отк. 16:21 | и от каменометныя ярости исполнь падут грады: вознегодует на них вода морская, реки же потопят нагло: |
5:23 См.: 🔗Пс. 1:4 | сопротив станет им дух силы, и яко вихор развеет их: |
5:24 См.: 🔗Прит. 20:28 | и опустошит всю землю беззаконие, и злодейство превратит престолы сильных. |