Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Псаломъ 48 | |
48:1 | В конец, сыном Кореовым, псалом. |
48:2 | Услышите сия, вси языцы, внушите, вси живущии по вселенней, |
48:3 | земнороднии же и сынове человечестии, вкупе богат и убог. |
48:4 | Уста моя возглаголют премудрость, и поучение сердца моего разум. |
48:5 См.: 🔗Пс. 77:2 🔗Мф. 13:35 | Приклоню в притчу ухо мое, отверзу во псалтири ганание мое. |
48:6 | Вскую боюся в день лют? Беззаконие пяты моея обыдет мя. |
48:7 | Надеющиися на силу свою и о множестве богатства своего хвалящиися: |
48:8 См.: 🔗1Ин. 3:16 | брат не избавит, избавит ли человек? Не даст Богу измены за ся, |
48:9 | и цену избавления души своея: и утрудися в век, |
48:10 | и жив будет до конца, не узрит пагубы. |
48:11 | Егда увидит премудрыя умирающыя, вкупе безумен и несмыслен погибнут, и оставят чуждим богатство свое. |
48:12 | И гроби их жилища их во век, селения их в род и род, нарекоша имена своя на землях. |
48:13 См.: 🔗Еккл. 3:19 | И человек в чести сый не разуме, приложися скотом несмысленным и уподобися им. |
48:14 | Сей путь их соблазн им, и по сих во устех своих благоволят. |
48:15 См.: 🔗Ис. 14:11 🔗Отк. 2:27 | Яко овцы во аде положени суть, смерть упасет я: и обладают ими правии заутра, и помощь их обетшает во аде: от славы своея изриновени быша. |
48:16 См.: 🔗Пс. 15:10 | Обаче Бог избавит душу мою из руки адовы, егда приемлет мя. |
48:17 | Не убойся, егда разбогатеет человек, или егда умножится слава дому его: |
48:18 См.: 🔗Иов. 27:18 | яко внегда умрети ему, не возмет вся, ниже снидет с ним слава его. |
48:19 См.: 🔗Втор. 29:19 | Яко душа его в животе его благословится, исповестся тебе, егда благосотвориши ему. |
48:20 | Внидет даже до рода отец своих, даже до века не узрит света. |
48:21 См.: 🔗Еккл. 3:19 🔗Лк. 12:20 | И человек в чести сый не разуме, приложися скотом несмысленным и уподобися им. |