Псалтирь, псалом 18

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Псаломъ 18
18:1	В конец, псалом Давиду.
18:2 См.: 🔗Пс. 96:6 🔗Деян. 14:17 🔗Рим. 1:20	Небеса поведают славу Божию, творение же руку Его возвещает твердь.
18:3	День дни отрыгает глагол, и нощь нощи возвещает разум.
18:4	Не суть речи, ниже словеса, ихже не слышатся гласи их.
18:5 См.: 🔗Рим. 10:18	Во всю землю изыде вещание их, и в концы вселенныя глаголы их: в солнце положи селение свое:
18:6	и той яко жених исходяй от чертога своего, возрадуется яко исполин тещи путь.
18:7 См.: 🔗Еккл. 1:5	От края небесе исход его, и сретение его до края небесе: и несть, иже укрыется теплоты его.
18:8 См.: 🔗Пс. 11:7	Закон Господень непорочен, обращаяй душы: свидетелство Господне верно, умудряющее младенцы.
18:9 См.: 🔗2Пет. 1:19 🔗Еф. 1:18	Оправдания Господня права, веселящая сердце: заповедь Господня светла, просвещающая очи.
18:10	Страх Господень чист, пребываяй в век века: судбы Господни истинны, оправданны вкупе,
18:11 См.: 🔗Пс. 118:72	вожделенны паче злата и камене честна многа, и слаждшя паче меда и сота.
18:12	Ибо раб Твой хранит я: внегда сохранити я, воздаяние много.
18:13	Грехопадения кто разумеет? От тайных моих очести мя,
18:14	и от чуждих пощади раба Твоего: аще не обладают мною, тогда непорочен буду, и очищуся от греха велика.
18:15 См.: 🔗Пс. 39:14	И будут во благоволение словеса уст моих, и поучение сердца моего пред Тобою выну, Господи, помощниче мой и Избавителю мой.