Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 10 | |
10:1 См.: 🔗Мф. 23:4 | Горе пишущым лукавство: пишущии бо лукавство пишут, |
10:2 См.: 🔗Исх. 22:22 🔗Иер. 7:6 | укланяюще суд убогих, восхищающе суд нищих людий Моих, яко быти им вдовице в расхищение и сироте в разграбление. |
10:3 См.: 🔗Ис. 9:12 | И что сотворят в день посещения? Скорбь бо вам отдалече приидет. И к кому прибегнете, да поможет вам? И где оставите славу вашу, |
10:4 См.: 🔗Ис. 9:12 | еже не впасти в пленение? И под убиеными падут. И во всех сих не отвратися гнев Его, но еще рука Его высока. |
10:5 | Горе Ассирием, жезл ярости Моея и гнев есть в руку их. |
10:6 | Гнев Мой послю на язык беззаконен, и своих людий повелю сотворити корысти и пленение, и попрати грады и положити я в прах. |
10:7 См.: 🔗Деян. 4:28 🔗Деян. 13:27 | Сей же не тако помысли и душею не тако возмне: но отступит ум его, и еже потребити языки не малы. |
10:8 См.: 🔗Ис. 8:7 | И аще рекут ему: ты ли еси един князь? |
10:9 | И речет: не взях ли страны, яже выше Вавилона и Халани, идеже столп создан, и взях Аравию и Дамаск и Самарию? |
10:10 | Якоже сия взях, и вся княжения возму. Возрыдайте, изваянная во Иерусалиме и в Самарии: |
10:11 | якоже бо сотворих Самарии и рукотворенным ея, тако сотворю и Иерусалиму и кумиром его. |
10:12 См.: 🔗4Цар. 19:35 🔗Ис. 37:36 | И будет, егда скончает Господь вся творя в горе Сиони и во Иерусалиме, наведет на ум великий на князя Ассирийска и на высоту славы очию его. |
10:13 См.: 🔗Авв. 1:16 | Рече бо: крепостию руки моея сотворю, и премудростию разума (моего) отиму пределы языков, и силу их пленю, |
10:14 | и сотрясу грады населеныя, и вселенную всю оыму рукою моею яко гнездо, и яко оставленая яица возму: и несть, иже убежит мене, или противу мне речет, и отверзет уста и глумит. |
10:15 | Еда прославится секира без секущаго ею? Или вознесется пила без влекущаго ю? Такожде аще кто возмет жезл, или древо: и не тако. |
10:16 | Но послет Господь Саваоф на твою честь безчестие, и на твою славу огнь горя возгорится. |
10:17 | И будет свет Израилев во огнь, и освятит его огнем горящим, и пояст яко сено вещество. |
10:18 См.: 🔗Иер. 21:14 | В той день угаснут горы и холми и дубравы, и пояст от души даже до плотей: и будет бежай, яко бежай от пламене горяща: |
10:19 См.: 🔗Ис. 10:33 | и оставльшиися от них будут в число, и отроча малое напишет я. |
10:20 См.: 🔗Иер. 3:23 🔗Зах. 13:9 | И будет в той день, не приложится ктому останок Израилев, и спасеннии Иаковли не будут ктому уповающе на обидевшыя их, но будут уповающе на Бога Святаго Израилева истиною. |
10:21 См.: 🔗Ис. 9:6 | И обратится останок Иаковль к Богу крепкому. |
10:22 См.: 🔗Рим. 9:27 | И аще будут людие Израилевы яко песок морский, останок их спасется: |
10:23 См.: 🔗Ис. 28:22 | слово бо совершая и сокращая правдою, яко слово сокращено сотворит Господь во всей вселенней. |
10:24 См.: 🔗Мих. 7:14 🔗Исх. 1:14 | Сего ради сия глаголет Господь Саваоф: не бойтеся, людие Мои, от Ассириан, живущии в Сионе, яко жезлом поразит тя: язву бо наводит на тя, еже видети путь Египта. |
10:25 См.: 🔗Ис. 54:9 | Еще бо мало, и престанет гнев, ярость же Моя на совет их: |
10:26 | и воздвигнет Бог Сил на ня язву, яко язву Мадиамлю на месте Скорби, и ярость Его на путь иже к морю, на путь иже во Египет: |
10:27 | и будет в той день, отимется иго его от рамене твоего и страх его от тебе, и согниет иго от рамен ваших. |
10:28 См.: 🔗1Цар. 14:5 | Приидет бо во град Аггай, и прейдет в Магеддо, и в Махмасе положит сосуды своя. |
10:29 См.: 🔗Нав. 18:25 | И минет дебрь, и приидет во Аггай: страх приимет Раму град Саулов, |
10:30 См.: 🔗Суд. 18:14 🔗Нав. 21:18 | побегнет дщерь Галимля, услышится в Лаисе, услышится во Анафофе. |
10:31 | И ужасеся Мадемина и живущии во Гивиме. |
10:32 | Утешайте днесь еже на пути пребыти: утешайте рукою гору дщерь Сионю, и холми, иже во Иерусалиме: |
10:33 См.: 🔗Ис. 10:19 | се Владыка Господь Саваоф смятет славныя со крепостию, и высоции укоризною сокрушатся, и высоцыи смирятся, |
10:34 См.: 🔗Ис. 9:18 | и падут высоцыи мечем, Ливан же с высокими падется. |