Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 41 | |
41:1 | Обновляйтеся ко Мне, острови князи бо изменят крепость: да приближатся и да глаголют вкупе, тогда суд да возвещают. |
41:2 См.: 🔗Деян. 7:4 | Кто возстави от восток правду, призва ю к ногам своим, и пойдет? Даст пред языки, и цари ужасит: и повержет на землю мечы их, и аки стеблие отвержени луцы их, |
41:3 | и проженет я, и пройдет с миром путь ног его. |
41:4 | Кто содела и сотвори сия, призва ю призываяй ю от начала родов. Аз Бог первый, и в грядущая Аз есмь. |
41:5 | Видеша языцы и убояшася, концы земнии приближишася и приидоша вкупе. |
41:6 | Судяй кийждо ближнему, и брату помощи, и речет: |
41:7 См.: 🔗Иер. 10:4 | превозможе муж древоделатель и ковачь бияй млатом, вкупе проковаяй: овогда убо речет: спаяние добро есть, утвердиша я гвоздьми, положат я, и не подвигнутся. |
41:8 | Ты же, Израилю, рабе Мой, Иакове, егоже избрах, семя Авраамле, егоже возлюбих, |
41:9 | егоже поях от конец земли, и от стражб ея призвах тя, и рекох ти: раб Мой еси, избрах тя, и не оставих тебе: |
41:10 См.: 🔗Быт. 15:1 🔗Ис. 43:1 | не бойся, с тобою бо есмь, не прельщаю: Аз бо есмь Бог твой, укрепивый тя, и помогох ти, и утвердих тя десницею Моею праведною: |
41:11 | се, постыдятся и посрамятся вси сопротивляющиися тебе, будут бо яко не сущии, и погибнут вси соперницы твои: |
41:12 | взыщеши их, и не обрящеши человеков, иже поругаются тебе: будут бо аки не бывшии и не будут ратующии тебе. |
41:13 См.: 🔗Пс. 72:23 | Яко Аз Бог твой держай десницу твою, глаголяй тебе: |
41:14 См.: 🔗Лк. 12:32 | не бойся, Иакове, малый Израилю, Аз помогох ти, глаголет Бог твой, Избавляяй тя Святый Израилев: |
41:15 См.: 🔗Мих. 4:13 | се, сотворих тя аки колеса колесничная новая, стирающая аки пила, и сотреши горы, и истончиши холмы, и аки прах положиши, |
41:16 См.: 🔗Ос. 4:19 | и извееши, и ветр возмет я, и буря развеет я: ты же возвеселишися во Святых Израилевых. |
41:17 | И возрадуются убозии и неимущии: поищут бо воды, и не будет, язык их от жажди изсше. Аз Господь Бог, Аз услышу их, Бог Израилев, и не оставлю их, |
41:18 См.: 🔗Ис. 30:25 🔗Пс. 106:35 | но отверзу на горах реки и среди поля источники, сотворю пустыню в луги водныя и жаждущую землю в водотечы, |
41:19 См.: 🔗Ис. 55:13 | положу в безводную землю кедр и смерчие, и мирсину и кипарис и тополю: |
41:20 См.: 🔗Ис. 44:7 | да узрят и уразумеют, и помыслят и уведят вкупе, яко рука Господня сотвори сия вся, и Святый Израилев показа. |
41:21 | Приближается суд ваш, глаголет Господь Бог: приближишася совети ваши, глаголет Царь Иаковль. |
41:22 | Да приближатся и возвестят вам, яже сбудутся, или яже прежде быша, рцыте: и приставим ум и уразумеем, что последняя и будущая: рцыте нам, |
41:23 См.: 🔗Иер. 10:5 | возвестите нам грядущая на последок, и увемы, яко бози есте: благо сотворите и зло сотворите, и почудимся и узрим вкупе. |
41:24 | Яко откуду есте вы, и откуду дело ваше? От земли мерзость избраша вас. |
41:25 | Аз же возставих, иже от севера и иже от восток солнечных прозовутся именем Моим: да приидут князи, и яко брение скудельника и яко скудельник топчущь брение, тако попрани будете. |
41:26 | Кто бо возвестит, яже исперва, да увемы, яже напреди, и речем, яко истинна суть? Несть предглаголющаго, ни слышащаго словес ваших. |
41:27 См.: 🔗Мф. 23:34 | Начало Сиону дам и Иерусалима утешу на пути. |
41:28 | От язык бо, се, ни един и от кумир их несть возвещаяй. И аще вопрошу их, откуду есте? Не отвещают ми. |
41:29 См.: 🔗Пс. 95:5 🔗Иер. 10:3 | Суть бо творящии вас и всуе прельщающии вас. |