Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 57 | |
57:1 | Видите, како праведный погибе, и никтоже не приемлет сердцем, и мужие праведнии вземлются, и никтоже разумеет: от лица бо неправды взяся праведный. |
57:2 См.: 🔗Прем. 4:7 | Будет с миром погребение его, взяся от среды. |
57:3 См.: 🔗Мф. 12:39 | Вы же приидите семо, сынове беззаконнии, семя прелюбодеев и блудницы: |
57:4 См.: 🔗Рим. 9:6 | в чем услаждастеся и на кого отверзосте уста ваша? И на кого изсунусте язык ваш? Не вы ли есте чада пагубы, семя беззаконно, |
57:5 См.: 🔗4Цар. 16:4 🔗Иер. 2:20 | молящиися кумиром под древием частым, закалающе чада своя в дебрех посреде камения? |
57:6 | То твоя часть, сей твой жребий, и тем пролиял еси возлияния, и тем принесл еси жертвы: о сих убо не разгневаюся ли? |
57:7 См.: 🔗Иез. 18:6 | На горе высоце и превознесенне, тамо твое ложе, и тамо вознесл еси требы твоя: |
57:8 | и за подвоями дверий твоих положил еси память твою: мыслил еси, яко аще от Мене отступиши, более нечто возимееши: возлюбил еси спящыя с тобою, |
57:9 См.: 🔗Ос. 12:1 | и умножил еси блужение твое с ними, и многи сотворил, иже далече от тебе, и послал еси послы за пределы твоя, и смирился еси даже до ада. |
57:10 | Многими путьми твоими трудился еси, и не рекл еси: престану крепящься, яко сотворил еси сия, сего ради не помолился ми еси ты. |
57:11 См.: 🔗Пс. 49:21 🔗Ис. 42:14 | Кого благопочет убоялся еси, и солгал Ми, и не помянул еси Мене, ниже приял Мя еси во ум, ниже в сердце твое? И Аз тя видя, презираю, и не убоялся еси Мене. |
57:12 См.: 🔗Ис. 64:6 | И аз возвещу правду твою и злобы твоя, яже не успеют тебе: |
57:13 См.: 🔗Пс. 14:1 🔗Ис. 28:16 | егда возопиеши, да избавят тя во печалех твоих: сия бо вся ветр возмет, и отнесет буря: а держащиися Мене стяжут землю и наследят гору святую Мою. |
57:14 См.: 🔗Ис. 62:10 | И рекут: очистите пред лицем его пути и отимите претыкания от пути людий Моих. |
57:15 См.: 🔗Пс. 137:6 🔗Ис. 66:2 | Сия глаголет Господь Вышний, Иже живет во высоких во век, Святый во святых имя Ему, Вышний, во святых почиваяй, и малодушным даяй долготерпение и даяй живот сокрушеным сердцем: |
57:16 | не во век отмщу вам, ни всегда гневатися буду на вы: дух бо от Мене изыдет, и всякое дыхание Аз сотворих. |
57:17 | За грех мало что опечалих его и поразих его и отвратих лице Мое от него: и опечалися и пойде дряхл во путех своих. |
57:18 См.: 🔗Втор. 32:39 | Пути его видех и изцелих его, и утеших его и дах ему утешение истинно, |
57:19 | мир на мир далече и близ сущым: и рече Господь: изцелю я. |
57:20 | Неправеднии же возволнуются и почити не возмогут. |
57:21 См.: 🔗Ис. 48:22 | Несть радоватися нечестивым, рече Господь Бог. |