Послание апостола Павла к Евреям, глава 9

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Рус. (еп. Кассиан) Беларускi Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 9
9:1	Имеяше убо первая скиния оправдания службы, святое же людское:
9:2 См.: 🔗Исх. 40:1	скиния бо сооружена бысть первая, в нейже светилник и трапеза и предложение хлебов, яже глаголется святая.
9:3	По вторей же завесе скиния глаголемая Святая святых,
9:4 См.: 🔗Исх. 16:33 🔗Чис. 17:10 🔗Втор. 10:1 🔗3Цар. 8:9 🔗2Пар. 5:10	злату имущи кадилницу и ковчег завета окован всюду златом, в немже стамна злата имущая манну, и жезл Ааронов прозябший, и скрижали завета:
9:5 См.: 🔗Исх. 25:18	превышше же его херувими славы, осеняющии олтарь: о нихже не леть ныне глаголати подробну.
9:6	Сим же тако устроеным, в первую убо скинию выну вхождаху священницы, службы совершающе:
9:7 См.: 🔗Исх. 30:10 🔗Лев. 16:2	во вторую же единою в лето един архиерей, не без крове, юже приносит за себе и о людских невежествиих.
9:8	Сие являющу Духу Святому, яко не у явися святых путь, еще первей скинии имущей стояние.
9:9 См.: 🔗Евр. 7:19 🔗Евр. 10:1	Яже притча во время настоящее утвердися, в неже дарове и жертвы приносятся, не могущыя по совести совершити служащаго,
9:10 См.: 🔗Лев. 11:2 🔗Чис. 19:7 🔗Рим. 14:17	точию в брашнах и питиях, и различных омовениих, и оправданиих плоти, даже до времене исправления належащая.
9:11 См.: 🔗Евр. 10:1	Христос же пришед Архиерей грядущих благ, болшею и совершеннейшею скиниею, нерукотворенною, сиречь, не сея твари,
9:12 См.: 🔗Евр. 10:12	ни кровию козлею ниже телчею, но Своею Кровию, вниде единою во святая, вечное искупление обретый.
9:13 См.: 🔗Лев. 16:14 🔗Чис. 19:4	Аще бо кровь козляя и телчая и пепел юнчий кропящий оскверненыя освящает к плотстей чистоте:
9:14 См.: 🔗Лк. 1:74 🔗Ин. 17:19 🔗1Ин. 1:7 🔗Тит. 2:14 🔗Отк. 1:5	кольми паче Кровь Христова, Иже Духом Святым Себе принесе непорочна Богу, очистит совесть нашу от мертвых дел, во еже служити нам Богу живу и истинну?
9:15 См.: 🔗1Пет. 3:18 🔗Рим. 5:6	И сего ради новому завету ходатай есть, да смерти бывшей, во искупление преступлений бывших в первем завете, обетование вечнаго наследия приимут званнии.
9:16	Идеже бо завет, смерти нужно есть вноситися завещающаго,
9:17 См.: 🔗Гал. 3:15	завет бо в мертвых известен есть: понеже ничесоже может, егда жив есть завещаваяй.
9:18	Темже ни первый без крове обновлен бысть.
9:19 См.: 🔗Исх. 12:22 🔗Лев. 16:14	Реченней бо бывшей всяцей заповеди по закону от Моисеа всем людем, приемь кровь козлюю и телчую, с водою и волною червленою и иссопом, самыя же тыя книги и вся люди покропи,
9:20 См.: 🔗Исх. 24:8	глаголя: сия кровь завета, егоже завеща к вам Бог.
9:21	И скинию же и вся сосуды служебныя кровию такожде покропи.
9:22	И отнюд кровию вся очищаются по закону, и без кровопролития не бывает оставление.
9:23	Нужда убо бяше образом небесных сими очищатися: самем же небесным лучшими жертвами, паче сих.
9:24	Не в рукотворенная бо святая вниде Христос, противообразная истинных, но в самое небо, ныне да явится лицу Божию о нас,
9:25	ниже да многажды приносит Себе, якоже первосвященник входит во святая (святых) по вся лета с кровию чуждею:
9:26	понеже подобаше бы Ему множицею страдати от сложения мира: ныне же единою в кончину веков, во отметание греха, жертвою Своею явися.
9:27 См.: 🔗3Езд. 14:35	И якоже лежит человеком единою умрети, потом же суд,
9:28 См.: 🔗1Пет. 3:18 🔗Рим. 5:6	тако и Христос единою принесеся, во еже вознести многих грехи, второе без греха явится, ждущым Его во спасение.