Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 5 | |
5:1 См.: 🔗Прит. 4:4 | И призва Моисей всего Израиля и рече к ним: слыши, Израилю, оправдания и суды, елика аз глаголю во ушы ваши во днешний день, и научитеся их, и сохраните творити я. |
5:2 См.: 🔗Исх. 19:5 | Господь Бог ваш завеща вам завет в Хориве: |
5:3 См.: 🔗Быт. 17:2 | не отцем вашым завеща Господь завет сей, но токмо вам: вы же зде вси живи днесь. |
5:4 | Лицем к лицу глагола Господь к вам на горе из среды огня, |
5:5 См.: 🔗Гал. 3:19 | и аз стоях между Господем и вами во время оно возвестити вам глаголголы Господня, яко убоястеся от лица огня и не взыдосте на гору, глаголя: |
5:6 См.: 🔗Исх. 20:2 🔗Пс. 80:11 | Аз есмь Господь Бог твой, изведый тя из земли Египетския, от дому работы: |
5:7 | да не будут тебе бози инии пред лицем Моим. |
5:8 | Да не сотвориши себе кумира, ни всякаго подобия, елика на небеси горе, и елика на земли низу, и елика в водах под землею, |
5:9 | да не поклонишися им, ниже послужиши им: яко Аз есмь Господь Бог твой, Бог ревнив, отдаяй грехи отцев на чада до третияго и четвертаго рода ненавидящым Мене, |
5:10 | и творяй милость в тысящах любящым Мене и хранящым повеления Моя. |
5:11 | Да не приимеши имене Господа Бога твоего всуе: не очистит бо Господь Бог твой приемлющаго имя Его всуе. |
5:12 | Снабди день субботный святити его, якоже заповеда тебе Господь Бог твой: |
5:13 См.: 🔗Исх. 20:9 🔗Лев. 23:3 | шесть дний делай, и да сотвориши вся дела твоя, |
5:14 См.: 🔗Исх. 20:10 🔗Евр. 4:4 | в день же седмый суббота Господу Богу твоему: да не сотвориши в онь всякаго дела, ты и сын твой и дщерь твоя, раб твой и раба твоя, вол твой и осел твой и всяк скот твой, и пришлец обитаяй у тебе, да почиет раб твой и раба твоя, и осел твой, якоже и ты: |
5:15 См.: 🔗Втор. 16:12 🔗Иер. 21:5 | и да помянеши, яко (и ты) раб был еси в земли Египетстей и изведе тя Господь Бог твой оттуду рукою крепкою и мышцею высокою: сего ради повеле тебе Господь Бог твой, еже хранити день субботный и святити его. |
5:16 | Чти отца твоего и матерь твою, якоже заповеда тебе Господь Бог твой, да благо ти будет и да долголетен будеши на земли, юже Господь Бог твой дает тебе. |
5:17 | Не убий. |
5:18 | Не прелюбодействуй. |
5:19 | Не укради. |
5:20 | Не послушествуй на ближняго твоего свидетелства ложна. |
5:21 | Не пожелай жены ближняго твоего, не пожелай дому ближняго твоего, ни села его, ни раба его, ни рабыни его, ни вола его, ни осляте его, ни всякаго скота его, ниже всех, елика ближняго твоего суть. |
5:22 См.: 🔗Исх. 20:1 | Сия словеса глагола Господь ко всему сонму вашему на горе из среды огня: тма, мрак, буря, глас велик, и не приложи: и написа я на двоих скрижалех каменных, и даде мне. |
5:23 См.: 🔗Исх. 20:18 | И бысть яко услышасте глас из среды огня, и гора горяше огнем, и приидосте ко мне вси началницы племен ваших и старейшины ваши, |
5:24 См.: 🔗Исх. 33:20 | и ресте: се, показа нам Господь Бог наш славу Свою, и глас Его слышахом из среды огня: во днешний день видехом, яко возглаголет Бог человеку, и жив будет: |
5:25 См.: 🔗Исх. 20:19 🔗Суд. 13:22 | и ныне да не измрем, яко потребит нас огнь великий сей, аще приложим мы слышати глас Господа Бога нашего ктому, и умрем: |
5:26 | кая бо плоть, яже слыша глас Бога жива, глаголюща из среды огня, якоже мы, и жива будет? |
5:27 См.: 🔗Исх. 19:8 | Приступи ты, и послушай вся, елика к тебе речет Господь Бог наш, и ты речеши к нам вся, елика речет Господь Бог наш к тебе, и услышим, и сотворим. |
5:28 См.: 🔗Прем. 1:6 🔗Втор. 18:17 | И услыша Господь глас словес ваших, глаголющым вам ко мне, и рече Господь ко мне: слышах глас словес людий сих, елика глаголаша к тебе: право вся, елика глаголаша: |
5:29 См.: 🔗Пс. 80:14 🔗Ис. 48:18 | кто даст еже быти тако сердцу их в них, яко боятися Мене и хранити заповеди Моя во вся дни, да благо будет им и сыном их во веки? |
5:30 | Гряди, рцы им: возвратитеся в в домы своя: |
5:31 | ты же зде стани со Мною, и возглаголю к тебе вся заповеди и оправдания и суды, еликим научиши их: и да сотворят сице в земли, юже Аз даю им в жребий: |
5:32 См.: 🔗Втор. 17:11 🔗Втор. 28:14 | и сохраните творити, якоже заповеда тебе Господь Бог твой: не совратитеся ни на десно, ни на лево, |
5:33 См.: 🔗Быт. 18:19 🔗3Цар. 3:2 | по всему пути, егоже заповеда тебе Господь Бог твой ходити в нем, да тя упокоит, и благо тебе будет: и многи дни будете на земли, юже наследите. |