Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 6 | |
6:1 | И бысть слово Господне ко мне глаголя: |
6:2 См.: 🔗Иез. 36:1 | сыне человечь, утверди лице твое к горам Израилевым и прорцы к ним, |
6:3 См.: 🔗Иез. 36:2 🔗Ам. 4:1 | и речеши: горы Израилевы, слышите слово Господне, сия глаголет Адонаи Господь горам и холмом, и каменем и дебрем: се, Аз наведу на вы мечь, и потребятся высоты вашя: |
6:4 См.: 🔗Лев. 26:30 | и сокрушатся требища ваша и кумирницы вашя, и повергу язвеных ваших пред кумиры вашими: |
6:5 | и дам трупы сынов Израилевых пред кумиры их и расточу кости вашя окрест требищ ваших. |
6:6 | И во всем селении вашем опустеют грады, и высокая ваша погибнут, яко да потребятся требницы ваши и сокрушатся, и престанут кумиры ваши, и отвергутся кумирницы вашя, и потребятся дела ваша: |
6:7 См.: 🔗Иез. 7:27 | и падут язвении посреде вас, и познаете, яко Аз Господь. |
6:8 См.: 🔗Ис. 43:5 🔗Иез. 12:16 | И оставлю еже быти от вас избегшым от меча во языцех, и в разсыпании вашем во странах, |
6:9 | и помянут Мя уцелевшии от вас во языцех, аможе быша пленени: кляхся бо сердцу их блудившему и отставшему от Мене и очесем их блудившым вслед начинаний их: и бити имут лица своя о злобах, яже твориша во всех мерзостех своих, |
6:10 | и познают, яко Аз Господь не туне глаголах сотворити им вся злая сия. |
6:11 См.: 🔗Иез. 21:12 | Тако глаголет Адонаи Господь: восплещи рукою и вострепли ногою и рцы: благоже, благоже о всех мерзостех злобы дому Израилева: яко мечем и гладом и смертию падут. |
6:12 | Дальнии смертию скончаются, а ближнии мечем падут: оставшии же и обдержимии гладом скончаются: и скончаю гнев Мой на них, |
6:13 | и увесте, яко Аз Господь, егда будут язвении ваши среде кумир ваших окрест требищ ваших, на всяцем холме высоцем и на всех версех горних, и под дубом сенным и под всяким древом чащным, идеже даяху воню благоухания всем кумиром своим. |
6:14 См.: 🔗Иер. 6:8 | И простру руку Мою на ня, и положу землю в пагубу и в потребление от пустыни Девлафа, от всего селения их: и познаете, яко Аз Господь. |