Книга Исход, глава 2

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 2
2:1	Бяше же некто от племене Левиина, иже поя от дщерей Левииных, и имяше ю:
2:2 См.: 🔗Исх. 6:20 🔗Чис. 26:59 🔗1Пар. 23:13 🔗Деян. 7:20 🔗Евр. 11:23	и зача во чреве и роди мужеский пол. Видевше же его лепа, крыша его три месяцы:
2:3 См.: 🔗Прем. 18:5	и понеже не можаху его ктому крыти, взя ему мати его ковчежец ситовый и помаза и клеем и смолою, и вложи отроча в него, и положи его в лучице при реце:
2:4	и наблюдаше сестра его издалеча, да уведает, что будет ему.
2:5 См.: 🔗Деян. 7:21	Сниде же дщерь фараонова измытися на реку, и рабыни ея прохождаху при реце. И видевши ковчежец в лучице, пославши рабыню, взя и.
2:6	Отверзши же, видит отроча плачущееся в ковчежце, и пощаде е дщерь фараоня, и рече: от детей Еврейских сие.
2:7	И рече сестра его дщери фараонове: хощеши ли, призову ти жену кормилицу от Еврей, и воздоит ти отроча?
2:8	И рече ей дщерь фараонова: иди. Шедши же отроковица, призва матерь отрочате.
2:9	Рече же к ней дщерь фараонова: соблюди ми отроча сие и воздой ми е: аз же дам ти мзду. Взя же отроча жена и дояше е.
2:10	Возмужавшу же отрочати, введе е ко дщери фараонове, и бысть ей в сына, и нарече имя ему Моисей, глаголющи: от воды взях его.
2:11 См.: 🔗Евр. 11:24	Бысть же во дни многия оны, велик быв Моисей, изыде к братиям своим, сыном Израилевым. Разумев же болезнь их, виде человека Египтянина биюща некоего Евреанина от братии его сынов Израилевых.
2:12 См.: 🔗Деян. 7:24	Обозревся же семо и овамо, ни когоже виде: и поразив Египтянина, скры его в песце.
2:13	Изшед же во вторый день, виде два мужа Евреанина биющася и глагола обидящему: чесо ради ты биеши искренняго?
2:14 См.: 🔗Деян. 7:27	Он же рече: кто тя постави князя и судию над нами? Еда убити мя ты хощеши, имже образом убил еси вчера Египтянина? Убояся же Моисей и рече: аще сице явлен бысть глагол сей?
2:15 См.: 🔗Деян. 7:29 🔗Быт. 29:2	Услыша же фараон глагол сей и искаше убити Моисеа. Отиде же Моисей от лица фараонова и вселися в земли Мадиамстей: пришед же в землю Мадиамскую седе при кладязе.
2:16	Священнику же Мадиамскому беша седмь дщерей, пасущих овцы отца своего Иофора: пришедшя же черпаху, дондеже наполниша корыта, напоити овцы отца своего Иофора.
2:17 См.: 🔗Быт. 24:13 🔗Быт. 29:8	Пришедше же пастырие изгнаша я. Востав же Моисей избави их, и налия им и напои овцы их.
2:18 См.: 🔗Чис. 10:29	Приидоша же к Рагуилу отцу своему. Он же рече им: что яко ускористе приити днесь?
2:19	Оныя же рекоша: человек Египтянин избави нас от пастырей, и начерпа нам и напои овцы нашя.
2:20	Он же рече дщерем своим: и где есть? И вскую сице остависте человека? Призовите убо его, да яст хлеб.
2:21 См.: 🔗Исх. 18:2 🔗Чис. 12:1	Вселися же Моисей у человека: и даде Сепфору дщерь свою Моисею в жену.
2:22 См.: 🔗Исх. 18:3 🔗1Пар. 23:15 🔗Деян. 7:29	Во чреве же заченши жена роди сына, и нарече Моисей имя ему Гирсам, глаголя: яко пришлец есмь в земли чуждей. Еще же заченши роди сына втораго, и нарече имя ему Елиезер, глаголя: Бог бо отца моего помощник мой и избави мя из руки фараоновы.
2:23 См.: 🔗Исх. 7:7	По днех же многих тех, умре царь Египетский, и возстенаша сынове Израилевы от дел и возопиша, и взыде вопль их к Богу от дел.
2:24 См.: 🔗Быт. 15:16 🔗Лев. 26:42	И услыша Бог стенание их: и помяну Бог завет Свой иже ко Аврааму и Исааку и Иакову,
2:25	и призре Бог на сыны Израилевы, и познан бысть ими.