Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Псаломъ 9 | |
9:1 | В конец, о тайных сына, псалом Давиду. |
9:2 | Исповемся Тебе, Господи, всем сердцем моим, повем вся чудеса Твоя. |
9:3 См.: 🔗Пс. 30:8 | Возвеселюся и возрадуюся о Тебе, пою имени Твоему, Вышний. |
9:4 | Внегда возвратитися врагу моему вспять, изнемогут и погибнут от лица Твоего. |
9:5 | Яко сотворил еси суд мой и прю мою: сел еси на престоле, судяй правду. |
9:6 | Запретил еси языком, и погибе нечестивый: имя его потребил еси в век и в век века. |
9:7 | Врагу оскудеша оружия в конец, и грады разрушил еси: погибе память его с шумом. |
9:8 | И Господь во век пребывает, уготова на суд престол Свой: |
9:9 См.: 🔗Пс. 95:13 🔗Деян. 17:31 | и Той судити имать вселенней в правду, судити имать людем в правоте. |
9:10 См.: 🔗Пс. 31:7 | И бысть Господь прибежище убогому, помощник во благовремениих, в скорбех. |
9:11 | И да уповают на Тя знающии имя Твое, яко не оставил еси взыскающих Тя, Господи. |
9:12 | Пойте Господеви, живущему в Сионе, возвестите во языцех начинания Его: |
9:13 См.: 🔗Быт. 4:9 🔗Втор. 32:43 | яко взыскаяй крови их помяну, не забы звания убогих. |
9:14 | Помилуй мя, Господи, виждь смирение мое от враг моих, возносяй мя от врат смертных: |
9:15 | яко да возвещу вся хвалы Твоя во вратех дщере Сиони: возрадуемся о спасении Твоем. |
9:16 См.: 🔗Пс. 7:16 | Углебоша языцы в пагубе, юже сотвориша: в сети сей, юже скрыша, увязе нога их. |
9:17 | Знаемь есть Господь судбы творяй: в делех руку своею увязе грешник. |
9:18 | Да возвратятся грешницы во ад, вси языцы забывающии Бога. |
9:19 См.: 🔗Пс. 33:7 | Яко не до конца забвен будет нищий, терпение убогих не погибнет до конца. |
9:20 | Воскресени, Господи, да не крепится человек, да судятся языцы пред Тобою. |
9:21 См.: 🔗Ис. 31:3 | Постави, Господи, законоположителя над ними, да разумеют языцы, яко человецы суть. |
9:22 | Вскую, Господи, отстоя далече, презираеши во благовремениих, в скорбех? |
9:23 | Внегда гордитися нечестивому, возгарается нищий: увязают в советех, яже помышляют. |
9:24 | Яко хвалимь есть грешный в похотех души своея, и обидяй благословимь есть. |
9:25 | Раздражи Господа грешный: по множеству гнева своего не взыщет: несть Бога пред ним. |
9:26 | Оскверняются путие его на всяко время: отемлются судбы Твоя от лица его: всеми враги своими обладает. |
9:27 | Рече бо в сердцы своем: не подвижуся от рода в род без зла: |
9:28 См.: 🔗Рим. 3:14 | егоже клятвы уста его полна суть, и горести и льсти: под языком его труд и болезнь. |
9:29 См.: 🔗Деян. 23:15 | Приседит в ловителстве с богатыми в тайных, еже убити неповиннаго: очи его на нищаго призираете. |
9:30 См.: 🔗Пс. 16:12 | Ловит в тайне яко лев во ограде своей, ловит еже восхитити нищаго, восхитити нищаго, внегда привлещи и в сети своей. |
9:31 См.: 🔗Ис. 3:15 | Смирит его: преклонится и падет, внегда ему обладати убогими. |
9:32 См.: 🔗Иов. 22:13 | Рече бо в сердцы своем: забы Бог, отврати лице Свое, да не видит до конца. |
9:33 См.: 🔗Мк. 4:38 | Воскресени, Господи Боже мой, да вознесется рука Твоя, не забуди убогих Твоих до конца. |
9:34 | Чесо ради прогнева нечестивый Бога? Рече бо в сердцы своем: не взыщет. |
9:35 См.: 🔗Пс. 67:6 | Видиши, яко Ты болезнь и ярость смотряеши, да предан будет в руце Твои: тебе оставлен есть нищий, сиру Ты буди помощник. |
9:36 См.: 🔗Иез. 30:24 | Сокруши мышцу грешному и лукавому: взыщется грех его и не обрящется. |
9:37 См.: 🔗Иер. 10:10 🔗Дан. 6:26 | Господь царь во век и в век века: погибнете, языцы, от земли Его. |
9:38 | Желание убогих услышал еси, Господи, уготованию сердца их внят ухо Твое. |
9:39 | Суди сиру и смирену, да не приложит ктому величатися человек на земли. |