Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 16 | |
16:1 | И быша пределы сынов Иосифовых от Иордана иже ко Иерихону от восток, и восходят от Иерихона в горную пустыню в Вефиль, |
16:2 См.: 🔗Быт. 28:19 | и исходят от Вефиля в Лузу, и преходят к пределом Ахиатарофа: |
16:3 См.: 🔗1Пар. 6:67 | и прейдут к морю к пределом Иефалтимским, даже до предел Вефорона нижняго и даже до Газера, и будет исход их к морю. |
16:4 См.: 🔗Быт. 48:5 | И наследствоваша сынове Иосифовы Ефрем и Манассий, |
16:5 См.: 🔗Чис. 26:35 | и быша пределы сынов Ефремлих по сонмом их: и быша пределы наследия их от восток Атароф и Адар, даже до Вефорона вышняго и Газары, |
16:6 | и преходят пределы к морю в Махфоф от севера, и идут на восток во Финаф – Силом, и прейдут от восток во Ианоха, |
16:7 | и от Ианоха снидут во Атароф и в Наарафа и веси их: и приходят ко Иерихону и исходят ко Иордану, |
16:8 | и от Тапфу пойдут пределы к морю к водотечи Кана, и будет исход его к морю. Сие наследие племене сынов Ефремлих по сонмом их. |
16:9 См.: 🔗Нав. 17:9 | И грады отлученныя сыном Ефремлим посреде наследия сынов Манассииных, вси гради и веси их. |
16:10 См.: 🔗Нав. 13:13 🔗Суд. 1:29 | И не погуби Ефрем Хананеа живущаго в Газере: и обиташа Хананее посреде Ефрема, дающе ему дани до днешняго дне, дондеже взыде фараон царь Египетский, и взя град, и запали его огнем: и Хананеев и Ферезеев и живущих в Газере избодоша: и даде его фараон в вено дщери своей. |