Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 3 | |
3:1 См.: 🔗Мф. 23:8 | Не мнози учителие бывайте, братие моя, ведяще, яко болшее осуждение приимем, |
3:2 | много бо согрешаем вси. Аще кто в слове не согрешает, сей совершен муж, силен обуздати и все тело. |
3:3 | Се бо и конем узды во уста влагаем, да повинуются нам, и все тело их обращаем: |
3:4 | се, и корабли велицы суще и от жестоких ветров заточаеми, обращаются малым кормилцем, аможе стремление правящаго хощет: |
3:5 | такожде же и язык мал уд есть, и вельми хвалится. Се мал огнь, и коль велики вещи сожигает. |
3:6 См.: 🔗Прит. 16:27 🔗Мф. 15:18 | И язык огнь, лепота неправды: сице и язык водворяется во удех наших, скверня все тело, и паля коло рождения нашего, и опаляяся от геенны: |
3:7 | всяко бо естество зверей же и птиц, гад же и рыб, укрощается и укротится естеством человеческим, |
3:8 См.: 🔗Пс. 139:3 | языка же никтоже может от человек укротити: не удержимо бо зло, исполнь яда смертоносна. |
3:9 См.: 🔗Быт. 1:27 | Тем благословляем Бога и Отца, и тем кленем человеки бывшыя по подобию Божию: |
3:10 | от техже уст исходит благословение и клятва. Не подобает, братие моя возлюбленная, сим тако бывати. |
3:11 | Еда ли источник от единаго устия источает сладкое и горькое? |
3:12 См.: 🔗Лк. 6:44 | Еда может, братие моя, смоковница маслины творити, или виноградная лоза смоквы? Такожде ни един источник слану и сладку творит воду. |
3:13 См.: 🔗Мф. 5:16 🔗2Тим. 2:24 | Кто премудр и худог в вас, да покажет от добраго жития дела своя в кротости и премудрости. |
3:14 | Аще же зависть горьку имате и рвение в сердцах ваших, не хвалитеся, ни лжите на истину: |
3:15 | несть сия премудрость свыше низходящи, но земна, душевна, бесовска: |
3:16 См.: 🔗1Кор. 3:3 | идеже бо зависть и рвение, ту нестроение и всяка зла вещь. |
3:17 | А яже свыше премудрость, первее убо чиста есть, потом же мирна, кротка, благопокорлива, исполнь милости и плодов благих, несуменна и нелицемерна. |
3:18 См.: 🔗Ис. 32:17 | Плод же правды в мире сеется творящым мир. |