Книга пророка Исаии, глава 18

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 18
18:1 См.: 🔗Ис. 20:3 🔗Иез. 30:4 🔗Наум. 3:9	Горе корабелным крилам земли, яже об ону страну рек Ефиопских.
18:2	Посылаяй по морю послы в залог и послания книжная верху воды: пойдут бо вестницы легцы ко языку высоку и к людем странным и строптивым. Кто далее их? Язык безнадежен и попран.
18:3 См.: 🔗Ис. 5:26 🔗Иер. 4:5 🔗Иер. 6:1	Ныне реки земныя вся аки страна населена населится, страна их аки знамение от горы воздвигнется, аки глас трубы услышан будет.
18:4 См.: 🔗Ис. 42:14	Яко тако ми рече Господь: утверждение будет в Моем граде, аки свет зноя полуденнаго и аки облак росный в день жатвы будет.
18:5	Прежде жатвы, егда совершится цвет, и грезн произыдет по цвете недозрел: и отимет гроздие малое серпами и лозие отимет и посечет,
18:6 См.: 🔗Иез. 31:13	и оставит вкупе птицам небесным и зверем земным: и соберутся на ня птицы небесныя, и вси зверие земли нань приидут.
18:7 См.: 🔗Ис. 18:2 🔗Ис. 19:19 🔗2Пар. 6:6	В то время принесутся дары Господу Саваофу от людий оскорбленых и отторженых и от людий великих, отныне и в вечное время: язык надеющься и попран, иже есть в части речней страны своея, на место, идеже имя Господа Саваофа, на гору Сионю.