Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 15 | |
15:1 См.: 🔗Иов. 4:1 🔗Иов. 22:1 | Отвещав же Елифаз Феманитин, рече: |
15:2 | еда премудрый даст ответ разумен на ветр, и наполни болезнию чрево, |
15:3 | обличая глаголы, имиже не подобает, и словесы, ихже ни кая польза? |
15:4 | Не и ты ли отринул еси страх? Скончал же еси глаголы таковы пред Господем? |
15:5 | Повинен еси глаголом уст твоих, ниже разсудил еси глаголы сильных. |
15:6 См.: 🔗Мф. 12:37 | Да обличат тя уста твоя, а не аз, и устне твои на тя возсвидетелствуют. |
15:7 См.: 🔗Прит. 8:25 | Что бо? Еда первый от человек рожден еси? Или прежде холмов сгустился еси? |
15:8 См.: 🔗Ис. 40:13 🔗Иер. 23:18 | Или строение Господне слышал еси? Или в советника тя употреби Бог? И на тя (единаго) ли прииде премудрость? |
15:9 См.: 🔗Иов. 13:2 | Что бо веси, егоже не вемы? Или что разумееши ты, егоже и мы (не разумеем)? |
15:10 | И стар и древен есть в нас, старший отца твоего деньми. |
15:11 | Мало, о нихже согрешил еси, уязвлен еси, вельми выше меры возглаголал еси. |
15:12 | Что дерзостно бысть сердце твое? Или что вознесостеся очи твои? |
15:13 | Яко ярость изрыгнул еси пред Господем, изнесл же еси изо уст такова словеса? |
15:14 | Кто бо сый человек яко будет непорочен? Или аки будущий праведник рожден от жены? |
15:15 См.: 🔗Иов. 4:18 | Аще во святых не верит, небо же нечисто пред Ним, |
15:16 См.: 🔗Кол. 2:13 | кольми паче мерзкий и нечистый муж, пияй неправды, якоже питие. |
15:17 | Возвещу же ти, послушай мене: яже ныне видех, возвещу ти, |
15:18 | яже премудрии рекут, и не утаиша отцы их, |
15:19 | имже единым дана бысть земля, и не найде иноплеменник на ня. |
15:20 См.: 🔗Прит. 28:1 🔗Ис. 48:22 | Все житие нечестиваго в попечении, лета же изочтена дана сильному, |
15:21 См.: 🔗Лев. 26:36 | страх же его во ушесех его: егда мнит уже в мире быти, тогда приидет нань низвращение: |
15:22 | да не верует отвратитися от тмы, осужден бо уже в руки железа, |
15:23 См.: 🔗Иов. 18:11 🔗Пс. 108:10 | учинен же есть в брашно неясытем: весть же в себе, яко ждет падения, день же темен превратит его, |
15:24 | беда же и скорбь оымет его, якоже военачалник напреди стояй падает, |
15:25 См.: 🔗Лев. 26:21 | яко вознесе руце на Господа, пред Господем же Вседержителем ожесточи выю, |
15:26 | тече же противу Ему укоризною в толщи хребта щита своего: |
15:27 | яко покры лице свое туком своим и сотвори омет на стегнах: (хвала же его укоризна). |
15:28 | Да вселится же во градех пустых, внидет же в домы ненаселенныя: а яже они уготоваша, инии отнесут. |
15:29 | Ниже обогатится, ниже останет имение его, не имать положити на землю сени, |
15:30 См.: 🔗Иов. 4:9 🔗2Фес. 2:8 | ниже избежит тмы: прозябение его да усушит ветр, и да отпадет цвет его: |
15:31 | да не верит, яко стерпит, тщетная бо сбудутся ему. |
15:32 | Посечение его прежде часа растлеет, и леторасль его не облиственеет: |
15:33 | да оыман будет якоже недозрелая ягода прежде часа, да отпадет же яко цвет масличия. |
15:34 См.: 🔗Ис. 9:19 | Послушество бо нечестиваго смерть, огнь же пожжет домы мздоимцев: |
15:35 | во чреве же приимет болезни, сбудется же ему тщета, чрево же его понесет лесть. |